اقش، فرانتسيا، گەرمانيا جانە بريتانيا سكريپال ءىسى بويىنشا مالىمدەمە جاسادى
ۇلىبريتانيا، اقش، گەرمانيا جانە فرانتسيا گرۋ-ءدىڭ (رەسەي بارلاۋ باسقارماسى) بۇرىنعى اگەنتى سەرگەي سكريپالدىڭ ۋلانۋىنا قاتىستى ەكىنشى دۇنيەجۇزىلىك سوعىستان كەيىنگى ەۋروپادا جۇيكە-سالداندىرۋ ۋلاندىرعىش زاتى ءبىرىنشى رەت قولداندى دەپ مالىمدەمە جاسادى.
ءتورت ەلدىڭ ليدەرى بىرلەسىپ جاساعان مالىمدەمەدە بۇل وقيعا بىرىككەن كورولدىك ەگەمەندىگىنە شابۋىل دەپ، رەسەيدى جاۋاپتى دەپ اتادى.
مالىمدەمەدە رەسەي حيميالىق شابۋىل جونىندەگى كونۆەنتسيانى بۇزىپ وتىر دەگەن. ولار ماسكەۋدى حيميالىق قارۋعا تىيىم سالۋ جونىندەگى حالىقارالىق ۇيىمعا "نوۆيچوك" ۋلى زاتى جونىندە اقپارات بەرۋدى تالاپ ەتتى. ءدال وسى زاتپەن سەرگەي سكريپالدى ۋلاعان.
14 ناۋرىزدا ۇلىبريتانيا پرەمەر-ءمينيسترى تەرەزا مەي سەرگەي سكريپالدىڭ ۋلانۋىنا بايلانىستى رەسمي تۇردە رەسەيدى ايىپتادى. ول 23 رەسەيلىك ديپلوماتتى ەلدەن شىعارۋعا بۇيرىق بەردى. مۇنى اقش پرەزيدەنتى اكىمشىلىگى قولدادى. رەسەي سىرتقى ىستەر ءمينيسترى سەرگەي لاۆروۆ ديپلوماتتاردى ەلدەن شىعارۋعا بايلانىستى بريتانياعا كەرى جاۋاپ بەرەتىنىن مالىمدەدى.
4 ناۋرىزدا سەرگەي سكريپال مەن ونىڭ قىزى يۋليا اۋىر حالدە اۋرۋحاناعا ءتۇستى. بىرنەشە كۇن بۇرىن گرۋ-ءدىڭ بۇرىنعى وفيتسەرى بريتان پوليتسياسىنا ءوزىنىڭ ومىرىنە قاۋىپ ءتونىپ تۇرعانىن حابارلاعان.
Abai.kz
