كۋشتەپە اۋداندىق مال دارىگەرى ءبولىمى قىزمەتكەرىنىڭ وزودليك تىلشىسىنە حابارلاۋىنشا، جەرگىلىكتى تۇرعىندار ءتۇن مەزگىلىندە ەسەكتەردىڭ اقىراتىنى تۋرالى شاعىم تۇسىرگەننەن كەيىن ناۋرىز ايىنىڭ باسىندا تەكسەرۋ جۇرگىزگەن بيلىك وكىلدەرى ماڭايداعى ۇيلەردىڭ بىرىنەن سويىلعان ەسەكتىڭ 140 كەلى ەتىن تاپقان.

رەسمي ورىنداردىڭ مالىمەتى بويىنشا، كۋشتەپە اۋدانىنداعى جەكە مەنشىك ۇيلەردىڭ بىرىندە سويىلعان ەسەك ەتىن فەرعانا قالاسى مەن تاشلاك اۋدانىنداعى تاعام ازىرلەيتىن ورىندارعا جەتكىزىپ تۇرعانى انىقتالعان.

كۇدىككە ىلىنگەن ءتورت ادامنىڭ بۇل ىسپەن قانشا ۋاقىتتان بەرى اينالىسىپ كەلگەنى ازىرشە بەلگىسىز دەپ حابارلايدى وزودليك.

كۇدىكتىلەردىڭ ۇستىنەن قىلمىستىق كودەكستىڭ "تۇتىنۋشىلاردىڭ ءومىرى يا دەنساۋلىعىنىڭ قاۋىپسىزدىگى تالاپتارىنا ساي ەمەس ونىمدەردى ساتۋ ماقساتىندا ءوندىرۋ، ساقتاۋ، تاسىمالداۋ" بابى بويىنشا ءىس قوزعالعان.

Abai.kz