"كىسىگە جاقسىلىق جاساپ كوردىڭدەر مە؟" -  دەپ سۇرادى ءبىر كىسى جانىندا وتىرعاندارعا قاراپ. "جاساپ جۇرگەن شىعارمىز", - دەگەن داۋىس əر-əر جەردەن شىقتى. بىراق ەشكىم دە ناقتى، سەنىممەن ايتقان جوق.

شىنىن ايتقاندا توسىننان قويىلعان سۇراققا ناقتى جاۋاپ بەرە الماي توسىرقاپ قالدىق. وتىرعانداردىڭ ءبəرى دە ىشتەي كىمگە قاشان نە جاقسىلىق جاساعانىن ويلاپ كەتكەنى راس. بىزدەن دەنى دۇرىس جاۋاپ بولماعاسىن ول كىسى: "جارايدى. جاقسىلىق جاساۋ دەگەندى قالاي تۇسىنەمىز؟ نە ول؟" - دەپ سۇراعىن ناقتىلادى. "قينالعان ادامعا كومەكتەسۋ" - دەدىم بəرىنەن بۇرىن جاۋاپ بەرگەنىمە مəز بولىپ.

"كومەكتەسۋ باسقا نəرسە. ەكەۋىن شاتاستىرما! قينالعانعا قول ۇشىن بەرۋ ول سەنىڭ مىندەتىڭ!" دەگەندە ەكىلىك العان وقۋشىداي كوڭىلىم پəسەيىپ قالدى. انا كىسىنىڭ وتتى جانارى وڭمەنىمنەن ءوتىپ بارادى. قۇداي-اۋ جاقسىلىق جاساماق تۇرماق ونىڭ نە ەكەنىن دە بىلمەيدى ەكەنبىز عوي دەپ ويلانعانىم سول ەكەن، بۇكىل ءومىرىم زايا كەتكەندەي كوڭىلىم قۇلازىپ سالا بەردى. ءبəرىمىز ۇندەمەي قالدىق.

Əلگى كىسى: "مəسەلەن، مەن كوزىم كورمەيتىن عارىپ جانمىن دەلىك،  - دەپ ۇنسىزدىكتى بۇزدى. - جول جيەگىندە وتە الماي تۇرمىن. نە ىستەيسىڭدەر؟" ءبىزدىڭ وتكىزىپ جىبەرەمىز دەگەن جاۋابىمىزعا ول: "وتكىزىپ جىبەرۋگە مىندەتتىسىڭدەر. ونى جاقسىلىق جاسادىق دەپ ويلاماڭدار",  - دەدى. سوندا جاقسىلىق دەگەن نە؟
"جارايدى ەندى قينالىپ كەتتىڭدەر عوي. سۇراقتى باسقاشا قويايىنشى. ماماندىقتارىڭ نە؟" "دəرىگەر", - دەپ قالدى ارامىزداعى بىرەۋ. "دəرىگەر، الدىڭا اۋىرىپ كەلگەن ادامعا نە ىستەيسىڭ؟" "ەمدەيمىن". "ول سەنىڭ مىندەتىڭ ەمەس پە؟" "يə". "ەمدەۋ دəرىگەرلىك مىندەتىڭ، قينالعانعا كومەكتەسۋ ادامدىق بورىشىڭ. ياعني ول دا مىندەتىڭ. سوندا جاقسىلىق دەگەن نە بولدى؟"

تاعى دا توسىلدىق. ءۇپ-ۇلكەن ادامدار بولساق تا ۇساق-تۇيەك كورىنەتىن سۇراققا جاۋاپ تابا الماي قينالىپ كەتكەنىمىزدى كورمەيسىز بە؟ ءتىپتى ويلانا المايتىن دا بولىپ قالعانىمىز با؟ وسى كەزدە دəرىگەر: "كىسىگە جىلى سويلەپ، كوڭىلىن كوتەرۋ", - دەپ ەدى، انا كىسى: "Əكەلشى قولدى", - دەدى جاس بالاشا مəز بولىپ. ۋھھھ! سۇراقتىڭ جاۋابى تابىلدى-اۋ əيتەۋىر! ۇستىمىزدەن ون توننا جۇك تۇسكەندەي ءبəرىمىز دە ءبىر پəستە جەڭىلدەپ سالا بەردىك.

اعامىز əڭگىمەسىن ءəرى جالعادى: "كىسىنىڭ كوڭىلىن تاۋىپ سويلەۋ سونشالىقتى قيىن ەمەس. بىراق سونىڭ ءوزىن جاسامايمىز عوي ءبىز. رەتى كەلسە بەتىن قايتارىپ، ەكىنشى رەت سويلەمەيتىندەي ەتىپ تاستاۋعا تىرىسامىز". ءسوزىنىڭ جانى بار دەپ ويلادىم. وزگەلەردى بىلاي قويعاندا ەركەلەي، موينىمىزعا اسىلعان بالالارىمىزدى دا يتەرىپ تاستايمىز عوي كەيدە. ءبىر اۋىز جىلى ءسوزىمىزدى قيماي، قانشا جاقىندارىمىزدىڭ كوڭىلىن جارالادىق ەكەن؟ وزىمىزدەن باسقانى كورمەيتىن، ەستىمەيتىن بولىپ بارامىز با قالاي؟

"جاقسى ءسوز - جارىم ىرىس", "جىلى ءسوز جان سەمىرتەدى" دەگەن قازاقتىڭ ۇرپاعى ەمەسپىز بە؟ ەندەشە، ءبىر-بىرىمىزگە جاقسى سوزدەرىمىزدى ارناپ جۇرەيىك. بəرىڭىزگە اتقان كۇنمەن مول تابىس، زور قۋانىش تىلەدىم!

الەۋمەتتىك جەلىدەن كەلگەن حات.

جانىبەك قوجىق

Facebook-تەگى پاراقشاسىنان