سەنبى, 18 تامىز 2018
564 0 پىكىر 12 ءساۋىر, 2018 ساعات 09:43

استانا: اۆسترياداعى ەلشىلىككە قاتىستى سوتتا ءبىتىم جاسالدى

قازاقستان ۇكىمەتى اۆستريالىق A.V. Maximus Holding AG&سو كومپانياسىمەن اراداعى داۋدى بەيبىت رەتتەۋ تۋرالى كەلىسىم جاساستى دەپ حابارلادى 11 ءساۋىر كۇنى ادىلەت مينيسترلىگى.

مينيسترلىكتىڭ رەسمي سايتىندا جاريالانعان حابارلامادا كەلىسىم بويىنشا كومپانيا قازاقستانعا 261500 ەۋرو قارجى قايتارىپ بەرگەنى ايتىلعان.

رەسي مالىمەت بويىنشا، 2008 جىلى A.V. Maximus Holding AG&سو كومپانياسى قازاقستاننىڭ اۆسترياداعى ەلشىلىگىنەن "جالعا الۋ اقىسىنا تولەنۋى ءتيىس" 1 ميلليون 209 مىڭ ەۋرو قارجىنى وتەۋ تۋرالى سوتقا ارىز تۇسىرگەن. ال 2010 جىلى قازاقستان ۇكىمەتى بۇل كومپانيادان "زاڭعا قايشى جاسالعان كەلىسىم بويىنشا تولەنگەن جالعا الۋ اقىسى مەن كەپىلدى" وتەۋ تۋرالى تالاپپەن قارسى ارىز تۇسىرگەن.

ادىلەت مينيسترلىگىنىڭ حابارلاۋىنشا، 2017 جىلدىڭ سوڭىندا A.V. Maximus Holding AG&سو كومپانياسى ۆەنا سوتىنىڭ ۇسىنىسىمەن داۋدى بەيبىت رەتتەۋ تۋرالى ۇسىنىس جاساعان. "مۇنىڭ ناتيجەسىندە تاراپتار 2018 جىلى ناۋرىزدىڭ سوڭىندا داۋدى قازاقستانعا 261500 ەۋرو تولەۋ ارقىلى بەيبىت رەتتەۋ تۋرالى كەلىسىم جاساستى" دەلىنگەن مينيسترلىك حابارلاماسىندا.

ءساۋىردىڭ باسىندا ۆەنا سوتى وسى كەلىسىم بويىنشا ءىستى جاپقان.

Abai.kz

0 پىكىر