سەنبى, 18 تامىز 2018
509 0 پىكىر 16 ءساۋىر, 2018 ساعات 08:50

شەتەلدە وقيتىن تۇركىمەن ستۋدەنتتەرى جاپپاي وقۋدان شىعىپ قالۋى مۇمكىن

ازاتتىقتىڭ تۇركىمەن قىزمەتىنە حابارلاسقان ستۋدەنت رەسەيدىڭ جوعارى وقۋ ورىندارىندا وقيتىن ونداعان ستۋدەنت جەكە ەسەپ شوتتارىنان اتا-اناسى اۋدارعان اقشانى الا-الماي وتىرعانىن ايتادى.

ستۋدەنتتىڭ ايتۋىنشا، تۇركىمەنستان بانكىنەن العان MasterCard كارتاسىنان قولما-قول اقشا الا-الماي وتىر.

«دەكانات ەگەر سەمەستر سوڭىنا دەيىن وقۋ اقىسى تولەنبەسە، وقۋدان شىعاسىڭدار دەپ ەسكەرتتى. بىزدە وقۋ ورنىندا رەسەيدە الەم چەمپيوناتى وتۋىنە بايلانىستى سەسسيانى العا جىلجىتتى. ەندى كەيبىر تۇركىمەن ستۋدەنتتەرى وقۋ اقىسىن تولەۋ ءۇشىن، كۇندىز-ءتۇنى جۇمىس ىستەۋگە ءماجبۇر»، - دەيدى رەسەيدە وقيتىن تۇركىمەن ستۋدەنتى.

ول تۇركىمەن ستۋدەنتتەرى وقۋ اقىسىن تولەۋ مەرزىمىن ۇزارتۋىن سۇراپ، كۇندە دەكانات الدىنا جينالاتىندارىن ايتادى. ولار رەسەيدەگى تۇركىمەنستان ەلشىلىگىنەن دە كومەك سۇراعان ەكەن، بىراق ەش ناتيجە بولماعان.

بىلتىر جەلتوقسان ايىنان بەرى تۇركىمەنستان بيلىگى شەتەلدەردە كارتادان قولما-قول اقشا الۋعا شەكتەۋ قويعان.

Abai.kz

0 پىكىر