جۇما, 29 ناۋرىز 2024
3794 0 پىكىر 4 مامىر, 2018 ساعات 08:47

قىرعىز ارنايى قىزمەتى "بىشكەكتە جارىلىس جاسايمىز دەگەن يم مالىمدەمەسىن" تەكسەرىپ جاتىر

قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى "ەل استاناسىنا جارىلىس جاسايمىز" دەگەن ەكسترەميستىك سيپاتتاعى ۆيدەونى تەكسەرىپ جاتىر. تاياۋدا "بىشكەك بيلىگىنە تالاپ" دەگەن ۆيدەو الەۋمەتتىك جەلىلەرگە تاراپ كەتكەن.

قارا بەتپەردە كيگەن ەكى ەر ادام "يسلام مەملەكەتى" تەرروريستىك ۇيىمىنىڭ تۋى جانىندا جەرگىلىكتى بيلىكتەن "قارىنداستارى" مۋكارام توكتوگۋلوۆانى بوساتۋدى تالاپ ەتىپ، ايتپەسە "كوپ قان توگىلەدى" دەگەن. ۆيدەو اۆتورلارى "تاياۋ ۋاقىتتا بىشكەكتە عيماراتتاردى جارىپ، شابۋىلدايمىز" دەيدى.

بىراق مەملەكەتتىك جوعارى وقۋ ورنىنىڭ وقىتۋشىسى مۋكارام توكتوگۋلوۆانى ەشكىم ۇستاماعان. ول قازىر جۇمىس ساپارىمەن شەتەلدە ءجۇر ەكەن.

"ۆيدەوعا قاتىسى بار جانە تاراتقان ادامداردى تەكسەرىپ جاتىرمىز. مۋكارام توكتوگۋلوۆا قۇقىق قورعاۋ ورگاندارىنىڭ نە ارنايى قىزمەتتىڭ كۇدىگىنە تۇسكەن ەمەس. قازىرگى كەزدە توكتوگۋلوۆا جۇمىس ساپارىمەن شەتەلدە ءجۇر. سول سەبەپتەن ۆيدەوداعى بەيمالىم تالاپتار نەگىزسىز", – دەپ مالىمدەدى ارنايى قىزمەتتىڭ رەسمي وكىلى راحات سۋلايمانوۆ.

مۋكارام توكتوگۋلوۆا ءدارىس بەرەتىن جوعارى وقۋ ورنى باسشىلىعى بۇل وقيعاعا قاتىستى پىكىرى بىلدىرۋدەن باس تارتتى. بەدەلدى وقۋ ورنىنىڭ اتالعان دوتسەنتى ءبىر اي بۇرىن ەل نازارىن اۋدارعان. الەۋمەتتىك جەلىدە ادىلبەك جاركين دەگەن ازاماتتىڭ مالىمدەمەسى پايدا بولدى. جاس جىگىت توكتوگۋلوۆامەن بىرگە اعىلشىن ءتىلى كۋرسىنا بارعانىن، ءدارىس كەزىندە ول وككۋلتتىق قاۋىمداستىق جايىندا ايتقانىن بايانداعان.

"اتا جولى" دەپ اتالاتىن وككۋلتتىق-ميستيكالىق قوزعالىستى تەولوگ-عالىمدار سەكتا دەپ اتايدى. بۇل ۇيىمنىڭ ءىس-ارەكەتى قازاقستاندا تىيىم سالىنعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3552