"ۋاكىل قىرعىزستان كونستيتۋتسياسىنا 25 جىل جانە ادام قۇقىعى جونىندەگى دەكلاراتسيانىڭ 70 جىلدىعىنا وراي راقىمشىلىق جاساۋدى ۇسىنادى" دەلىنگەن مالىمدەمەدە.
كۋبات وتورباەۆتىڭ پىكىرىنشە، ومۋربەك تەكەباەۆتىڭ كىناسى دالەلدەنبەگەن، ال تەرگەۋ مەن سوت پروتسەسى سوتتالۋشىنى بىرجاقتى قارالاۋ تۇرىندە وتكەن.
بۇعان دەيىن كەيبىر ساياساتكەرلەر مەن پارلامەنت دەپۋتاتتارى دا تەكەباەۆتىڭ ءىسىن قايتا قاراۋ كەرەك دەگەن پىكىر بىلدىرگەن.
وپپوزيتسيالىق ساياساتكەر، "اتا مەكەن" پارتياسىنىڭ جەتەكشىسى ومۋربەك تەكەباەۆ جانە قىرعىزستاننىڭ وڭتۇستىك كورەياداعى بۇرىنعى ەلشىسى دۋيشەنكۋل چوتونوۆ 2017 جىلدىڭ اقپان ايىندا رەسەي كاسىپكەرىنەن 1 ميلليون دوللار كولەمىندە پارا الدى دەگەن كۇدىكپەن ۇستالعان. بىلتىر 16 تامىزدا بىشكەكتىڭ پەرۆوماي اۋداندىق سوتى ومۋربەك تەكەباەۆ پەن دۋيشەنكۋل چوتونوۆتى "پارا الدى" دەپ ايىپتاپ، ارقايسىسىن سەگىز جىلعا سوتتاعان.
بىلتىر 21 قاراشادا جوعارعى سوت ەكى ساياساتكەردى كۇشەيتىلگەن رەجيمدە 8 جىلعا سوتتاۋ تۋرالى اۋداندىق سوت شەشىمىن كۇشىندە قالدىرعان. سوتتالۋشىلار وزدەرىنە قارسى ءىستىڭ ساياسي استارى بار دەپ بىلەدى.
Abai.kz
