وتان قورعاۋشىلار كۇنىنە وراي قر قك جوعارعى باس قولباسشىسى نۇرسۇلتان نازارباەۆ جامبىل وبلىسىنداعى «وتار» اسكەري بازاسىنىڭ اۋماعىندا جاۋىنگەرلىك پارادقا قاتىستى. پارادقا بارلىق وبلىستىڭ اكىمدەرى دە كەلىپ قاتىستى.

نۇرسۇلتان نازارباەۆ پارادتىڭ شىمىلدىعىن اشتى. ەلباسى قازاقستاندىقتاردى وتان قورعاۋشىلار كۇنىمەن قۇتتىقتادى.

«قىمباتتى قازاقستاندىقتار، ساردارلار مەن ساربازدار! قادىرلى ارداگەرلەر! بارشاڭىزدى وتان قورعاۋشىلار كۇنى مەرەكەسىمەن شىن جۇرەكتەن قۇتتىقتايمىن. ءباھادۇر بابالار ۇلى دالامىزدى اق بىلەكتىڭ كۇشىمەن، اق نايزانىڭ ۇشىمەن قورعاپ، بىزگە امانات ەتىپ قالدىردى. «ۇراندى ەلدىڭ ۇرپاعى ايبارلى كەلەدى» دەگەن دانا حالقىمىز. بۇگىنگى ايبىندى ارميامىز ءۇشىن ەلدىڭ تىنىشتىعىن ساقتاپ، تاۋەلسىزدىكتىڭ قورعانى بولۋ مارتەبەلى زور مىندەت. جاۋجۇرەك جاۋىنگەرلەردىڭ كوتەرەتىن جۇگى اۋىر. بىراق ول ابىرويلى بورىش، قاستەرلى پارىز. قارۋلى كۇشتەرىمىز – حالقىمىزدىڭ سەنىمدى تىرەگى، مەملەكەتتىڭ بەرىك قالقانى»، - دەدى نۇرسۇلتان نازارباەۆ.

جاۋىنگەرلىك پارادقا 300-دەن استام اسكەري تەحنيكا، 40-قا جۋىق اۆياتسيا تەحنيكاسى تارتىلدى. ارميالىق بولىمشەلەر اسكەري تەحنيكانىڭ زاماناۋي ۇلگىلەرىن ءىس جۇزىندە قولدانۋ تاسىلدەرىن كورسەتتى.

پارادتا ءسوز العان ەلباسى قازاقستان بارلىعىنا دايىن بولۋ كەرەكتىگىن اتاپ ءوتتى.

«قازاقستان تونگەن قاۋىپتىڭ بەتىن قايتارۋ ءۇشىن دايىن بولۋ كەرەك. مەملەكەت ارميامىزدىڭ نىعايۋى الەۋەتىنە بارىنشا قولداۋ جاساپ، ەرەكشە نازار اۋدارۋدا. جۇيەلى تۇردە سوڭعى بۋىندى قارۋ مەن اسكەري تەحنيكا ۇلگىلەرىن ساتىپ الۋ جۇرگىزىلۋدە. سونداي-اق بىرقاتار ماڭىزدى جاۋىنگەرلىك تەحنيكا مەن قۇرالدار ءتۇرىن ءوندىرۋ تابىستى يگەرىلدى. اسكەري باسقارۋ جۇيەسى جاڭعىرتىلۋدا. ءبىزدىڭ ماقسات - قازىرگى زامانعى، ءموبيلدى، جوعارى كاسىبي بىلىكتى ارميانى قۇرۋ»، - دەدى نۇرسۇلتان نازارباەۆ.

 Abai.kz