جۇما, 16 قاراشا 2018
723 0 پىكىر 15 مامىر, 2018 ساعات 08:33

قىرعىزستاننىڭ ەكس-پرەمەرى ءوزىن ۇستاۋعا نەگىز جوق دەپ ەسەپتەيدى

قىرعىزستاننىڭ بۇرىنعى پرەمەر-ءمينيسترى ساپار يساكوۆ ءوزىن ۇستاۋعا نەگىز جوق دەپ ەسەپتەيدى. 14 مامىردا ۇلتتىق قاۋىپسىزدىك مەملەكەتتىك كوميتەتىندەگى تەرگەۋ قارساڭىندا ول جۋرناليستەرگە وسىلاي دەدى.

ساپار يساكوۆ 14 مامىردا تاڭەرتەڭ ارنايى قىزمەتكە جاۋاپ بەرۋگە ەكىنشى مارتە كەلدى. ول مۇندا ءوزىن نە ءۇشىن شاقىرتقانىن بىلمەيتىنىن، بىراق "مۇنىڭ بارلىعىنىڭ ءتۇبى قايدا اپاراتىنىن" ءتۇسىنىپ وتىرعانىن ايتتى.

"دەگەنمەن، ءبىر نارسەنى عانا ايتايىن: الماز اتامباەۆ پەن ونىڭ كومانداسى سىبايلاس جومقورلىقسىز، تازا جۇمىس ىستەدى. بۇل كوماندادا ءىس باسىنداعى پرەزيدەنت سوورونباي جەەنبەكوۆ تە بولدى. المازبەك اتامباەۆتىڭ سىبايلاس جەمقورلىققا قاتىسى جوعىن ونىڭ ءوزى دە بىلەدى، ول جەمقورلىقپەن كۇرەستى ءوزى باستاعان. سوندىقتان، مۇنىڭ سوڭى جاقسىلىققا اپارمايدى دەپ ويلايمىن. مەنىڭشە، تەرگەۋگە ساياسات ارالاسپاۋى ءتيىس", - دەدى يساكوۆ.

ساپار يساكوۆ جەس-ءتى مودەرنيزاتسيالاۋعا جۇمسالعان شىعىنعا حالىقارالىق اۋديت جۇرگىزۋگە شاقىرعانىن ايتتى. بيىل قىستا بىشكەك جەس-ىندە اپات بولىپ، قالانىڭ كوپ بولىگى جىلۋسىز قالعان سوڭ قىرعىزستان بيلىگى ستانتسيانى مودەرنيزاتسيالاۋعا بولىنگەن قارجىنىڭ قالاي جۇمسالعانىن تەرگەي باستاعان.

ساپار يساكوۆ ءبىر ايدا وسىمەن ەكىنشى رەت ۇقمك-گە تەرگەۋگە شاقىرتىلىپ وتىر. 26 ساۋىردە ارنايى قىزمەتتە ەكى ساعات وتكىزىپ شىققان سوڭ ول جۋرناليستەرگە "بارلىعى جاقسى" ەكەنىن ايتقان.

10 مامىر كۇنى قىرعىزستان پارلامەنتى بىشكەك جەس-ءى اپاتىن تەكسەرگەن دەپۋتاتتار كوميسسياسىنىڭ ەسەبىن تالقىلاعان. قۇجاتتا 30 شاقتى شەنەۋنىكتىڭ ءىس-ارەكەتىنە قۇقىقتىق باعا بەرىپ، ولاردىڭ، اسىرەسە بۇرىنعى پرەمەرلەر جانتورو ساتىبالديەۆ، جوومارت وتورباەۆ، تەمىر ساريەۆ جانە ساپار يساكوۆتىڭ قانشالىقتى جاۋاپ ەكەنىن قاراۋ ۇسىنىلعان.

11 مامىر كۇنى بيلىكتەگى سوتسيال-دەموكراتيالىق پارتيا (سدپ) ءباسپاسوز قىزمەتى ساپار يساكوۆتىڭ بىشكەك جەس-ءىن مودەرنيزاتسيالاۋعا قاتىستى مالىمدەمەسىن جاريالاعان. مالىمدەمەدە "10 مامىردا پارلامەنتتە وتكەن تالقىلاۋ - جەكەلەگەن ساياساتكەرلەردىڭ حالىقتى قورقىتىپ، ناعىز كىنالىلەردى جاۋاپتان جالتارتۋ ارەكەتى" ەكەنى ايتىلعان.

40 جاستاعى ساپار يساكوۆ پرەمەر-مينيستر بولىپ سەگىز اي عانا جۇمىس ىستەپ، ءساۋىر ايىندا پارلامەنت ول باسقاراتىن ۇكىمەتكە سەنىمسىزدىك بىلدىرگەن سوڭ وتستاۆكاعا كەتكەن. 19 ساۋىردە قىرعىزستان پرەزيدەنتى سوورونباي جەەنبەكوۆ ساپار يساكوۆ ۇكىمەتىن وتستاۆكاعا جىبەرۋ تۋرالى جارلىق شىعارعان. بۇل وقيعالاردىڭ بارلىعى ءىس باسىنداعى پرەزيدەنت سوورونباي جەەنبەكوۆ پەن ەكس-پرەزيدەنت المازبەك اتامباەۆتىڭ اراسى سالقىنداي باستاعاندا بولىپ وتىر.

Abai.kz

0 پىكىر