ازاتتىقتىڭ تۇركىمەن قىزمەتىنە سۇقبات بەرگەن قاريانىڭ ءبىرى پانسيوناتتا جۇمىس ىستەيتىندەر جەتكىلىكتى قىزمەت كورسەتىپ، دۇرىس تاماقتاندىرمايدى دەيدى. رەداكتسيا قاريانىڭ قاۋىپسىزدىگى ءۇشىن اتى-ءجونىن جاريالامادى.

قارتتار ۇيىنە تىركەلگەن قاريالار تولىعىمەن مەكەمەنىڭ قاراۋىنا وتەدى دە، زەينەتاقىدان ايىرىلادى. سونىمەن بىرگە قاريالاردىڭ جىلجىمايتىن مۇلكى دە مەملەكەتكە وتەدى.

"جىلى جەردە تۇراتىنىمىز بولماسا، اسقا جارىمايمىز. دۇرىس تاماق بەرمەيدى. سوندىقتان قىزمەتكەرلەردىڭ كوزىنە كورىنبەي، بازارعا بارىپ قايىر سۇرايمىز. حالىقتىڭ بەرگەن اقشاسىنا تويىپ تاماق ىشەمىز", - دەيدى قاريا.

ونىڭ سوزىنشە، ارا-تۇرا پانسيوناتتا ۇلكەن مەيرام بولادى. جەرگىلىكتى تۇرعىندار قاريالارعا كيىم-كەشەك، تاماق تاراتادى ەكەن.

ال مەكەمە قىزمەتكەرلەرى بۇقارالىق اقپارات وكىلدەرى كەلەدى دەگەندە عانا داستارحاندى كەڭىنەن جايادى ەكەن. "تەلەۆيدەنيا وكىلدەرى كەلگەن كەزدە قىزمەتكەرلەر ءبىزدىڭ استى-ۇستىمىزگە ءتۇسىپ قىزمەت كورسەتەدى. گازەت-جۋرنالدار وقىپ بەرەدى. ءتاتتى تاعامداردى داستارحانعا قويادى. كەيىن ونى مەملەكەتتىك تەلەارنالاردان كورسەتەدى. بىراق شىن مانىندە ءبىزدىڭ جاعدايىمىز مۇلدەم باسقا", - دەيدى قاريا.

اشحابادتىڭ №30 قارتتاي ءۇيى اتالعان جاعدايعا بايلانىستى رەسمي تۇسىنىكتەمە بەرۋدەن باس تارتتى.

Abai.kz