بايلانىس قىزمەتىنىڭ ەسەبىنە سايكەس، 2017 جىلى مەملەكەتتىك جانە جەكەمەنشىك بايلانىس مەكەمەلەرىنىڭ تابىسى 2 ملرد 672 ملن سومونيدى قۇراعان. بۇل 2016 جىلمەن سالىستىرعاندا 176 ملن سومونيعا از.

وسىنىڭ الدىندا "تاجىكتەلەكوم" جانىنداعى بىرىڭعاي كوممۋنيكاتسيالىق ورتالىق تەك عانا حالىقارالىق قوڭىراۋ ءترانزيتى ءۇشىن اي سايىن ورتا ەسەپپەن 2,1 ملن دوللار كىرىس كىرەدى دەپ مالىمدەگەن. وتكەن ايدا تاجىكستاننىڭ سالىق كوميتەتى بيىلعى جىلدىڭ العاشقى توقسانىنىڭ قورىتىندىسى بويىنشا ينتەرنەت-پروۆايدەرلەر مەن ءموبيلدى كومپانيالار ميلليونداعان شىعىنعا ۇشىراعانىن، سونىڭ سالدارىنان بيۋدجەتكە سالىق ەسەبىنەن 115 ملن سوموني (13 ملن $) تۇسپەگەنىن حابارلاعان ەدى.

10 جىل بۇرىن تاجىكستاندا ءموبيلدى نارىق قاتتى دامىعان. ول كەزدە ءموبيلدى نومىرلەردى ساتقانى ءۇشىن اكتسيزدىك سالىق بولماعان. 2015 جىلدىڭ جەلتوقسان ايىندا ەل ۇكىمەتى بارلىق حالىقارالىق بايلانىس قىزمەتى تەك "تاجىكتەلەكوم" ارقىلى جۇرگىزىلەدى دەگەن قاۋلى شىعارعان.

ال قازىرگى ءموبيلدى بايلانىس داعدارىسىنان تاجىكستاننان بىرقاتار كومپانيالارى كەتەتىنىن جاريالادى. بىرەر كۇن بۇرىن TK Mobile كومپانياسى بانكروت دەپ جاريالاۋعا دايىن ەكەنىن، تاجىك نارقىنان كەتەتىنىن مالىمدەدى. Veon حولدينگى دە تاجىكستانداعى بيزنەسىن ساتاتىنىن حابارلادى.

Abai.kz