جۇما, 29 ناۋرىز 2024
«سوقىر» فەميدا 10760 9 پىكىر 21 مامىر, 2018 ساعات 09:10

پەداگوگيكالىق قاۋىمداستىق دەپۋتاتتاردان كومەك سۇرايدى

 قازاقستان رەسپۋبليكاسى

پارلامەنتىنىڭ ءماجىلىسىنىڭ 

نازارىنا

 

قۇرمەتتى دەپۋتاتتار!

 

قازاقستان رەسپۋبليكاسىنىڭ پەداگوگيكالىق قاۋىمداستىعى سىزدەردەن قولداۋ سۇرايدى.

سوڭعى جىلدارى ەلىمىزدىڭ ءبىلىم جۇيەسى ەلەۋلى وزگەرىستەرگە ۇشىراۋدا.

نەگىزگى باسىمدىقتارى بولىپ تابىلاتىنى: 12 جىلدىق ءبىلىم جۇيەسىنە كوشۋ، ءبىلىم مازمۇنىن جاڭارتۋ، ءۇش تىلدىلىكتى، باعالاۋدىڭ جاڭا تۇرلەرىن جانە قورىتىندى اتتەستاتتاۋدىڭ جاڭا فورماتىن، سونىمەن قاتار پەداگوگ كادرلاردى اتتەستاتتاۋدىڭ جاڭا ەرەجەلەرىن ەنگىزۋ.

پەداگوگ كادرلاردى اتتەستاتتاۋدىڭ جاڭا ەرەجەلەرى 2018 جىلدان ەنگىزىلىپ وتىر. بىراق، قويىلعان تالاپتاردىڭ، وتكىزۋ ءادىس-تاسىلدەرى مۇعالىمدەردى الاڭداتۋدا.

سەبەبى:

-  بىرىنشىدەن، ساناتىن كوتەرۋ نەمەسە راستاۋ ءۇشىن ءوتىنىش بەرگەن مۇعالىمدەرمەن قاتار، «پەداگوگ»، «پەداگوگ – مودەراتور»، «پەداگوگ – زەرتتەۋشى»، «پەداگوگ – شەبەر» ستاتۋستارىنا دا ءوتىنىش بەرگەن مۇعالىمدەردىڭ دە سىناقتان ءبىر مەزگىلدە وتكىزىلمەك. بىلىكتىلىك سىناقتان وتكىزىلۋى وبلىس ورتالىقتارىندا ۇيىمداستىرىلعان.

بۇل، ءوتىنىش بەرگەن پەداگوگيكالىق كادرلاردىڭ ۇلكەن اعىنى، جولعا، پاتەر جالداۋعا ماتەريالدىق شىعىندار. نەگە سىناق تۇرعىلىقتى جەردەگى تەستىلەۋ پۋنكتتەرىندە ۇيىمداستىرىلمايدى؟

-  ەكىنشىدەن، پەداگوگتاردىڭ بىلىكتىلىك سىناقتان وتكىزىلۋى وقۋ جىلىنىڭ اياعىنا، ەمتيحاندار وتكىزىلۋ مەزگىلىنە جوسپارلانعان. سىناقتان وتەتىن ۇستازدار، قالايشا، ءبىر مەزگىلدە ەمتيحان الادى جانە سىناقتان وتەدى؟

- ۇشىنشىدەن، جاڭا ەرەجەلەر بويىنشا، مۇعالىمدەر ءوز بىلىكتىلىگىن تەك قانا ساباق بەرەتىن پانىنەن ەمەس، ديپلومداعى جازىلعان ماماندىعى بويىنشا سىناقتان ءوتۋى كەرەك. مىسالى، ماتەماتيكا مۇعالىمى، ەگەر ديپلومىندا ماماندىعى «ماتەماتيكا جانە فيزيكا مۇعالىمى» دەپ جازىلسا، ماتەماتيكادان دا، فيزيكادان دا سىناقتان ءوتۋ كەرەك. نەمەسە، اعىلشىن مۇعالىمى ديپلومدا جازىلعان «اعىلشىن جانە نەمىس تىلدەرى ءپانىنىڭ مۇعالىمى» بولسا، ەكى تىلدەن سىناق تاپسىرۋ كەرەك. 20-30 جىلدان بەرى نەگىزگى، ماتەماتيكا، نە اعىلشىن ءتىلى پانىنەن، ساباق بەرىپ كەلگەن مۇعالىم، ديپلومدا كورسەتىلدى ەكەن دەپ، قالايشا ەكىنشى پاننەن، فيزيكا نەمەسە نەمىس تىلىنەن بىلىكتىلىك سىناق تاپسىرادى؟

- تورتىنشىدەن، بىلىكتىلىك سىناق بازاسى مەن مازمۇنى شەكتەۋسىز، ال دايىندالۋ ءۇشىن اشىق قولدانىستا بولۋى قاجەت بەلگىلى سۇراقتاردىڭ جيناعى جوق جاعدايدا، شەكسىز اقپاراتتى قىسقا مەرزىمدە مەڭگەرىپ شىعۋ مۇمكىن ەمەس.

مۇعالىمدەردىڭ نارازىلىعىن تۋعىزاتىنى،  ونىڭ  جۇمىسى، ەڭ الدىمەن، ءبىلىم الۋشىلاردىڭ ءبىلىم ساپاسى مەن جەتىستىكتەرىنە ەمەس، كۇندەلىكتى، قاجىرلى، شىعارماشىلىق جۇمىسىنا جانە مۇعالىمنىڭ پەداگوگيكالىق قىزمەتىندە جيناقتالعان تاجىريبەسىنە ەمەس، ەڭ الدىمەن، اكادەميالىق بىلىمدەر بويىنشا باعالاناتىن بولادى. ويتكەنى، بىلىكتىلىك سىناقتان وتپەي قالعان مۇعالىمدەرگە ەكىنشى مۇمكىندىك بەرىلگەنمەن، ودان دا ءتيىستى بالدارىن الا الماي قالسا، كاتەگورياسى تومەندەتىلەدى. ياعني، كوپ جىلعى ەڭبەگى مەن تاجىريبەسى، ەندى سىناق  ناتيجەسىمەن باعالاناتىنى بولعانى ما؟

ماسەلەن، مۇعالىم ەندى ساپالى ساباقتاردى جۇرگىزۋىنىڭ، بالالارمەن جۇمىس جاساۋىنىڭ قاجەتى بولماي، كاسىپقويلىعىن راستاۋ ءۇشىن، ەندى اتتەستاتتاۋ كەزەڭىنىڭ بارلىق بەس جىلىن  ءپان مەن ءادىسنامانىڭ مازمۇنىن جاتتاۋمەن وتكىزە مە؟

پەداگوگيكالىق قاۋىمداستىق حالىق قالاۋلىلارىنا ءوتىنىش ءبىلدىرىپ، ۇستازدىڭ بەدەلىن قولداپ، ونىڭ كوپجىلدىق  قاجىرلى ەڭبەگىن قورعاۋدى سۇرايدى. ەگەر ديرەكتيۆالىق، شەنەۋنىكتىك - بيۋروكراتيالىق، باسقارۋشىلىق نۇسقاۋلىقتاردىڭ، ەرەجەلەردىڭ جان-جاقتى قىسىمىمەن  مۇعالىم، ۇستاز، پەداگوگ جۇمىسىنىڭ اياسىن تارىلتسا، ءبىلىم جۇيەسىندەگى ەشقانداي رەفورمالار وڭتايلى ناتيجە بەرمەيدى.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616