جۇما, 29 ناۋرىز 2024
ەلىم-اي 4231 2 پىكىر 29 مامىر, 2018 ساعات 18:08

قىتايدا ۇستالعان 12 قازاقستاندىقتىڭ توعىزى بوساتىلدى

قازاقستاننىڭ سىرتقى ىستەر ءمينيسترى قايرات ءابدىراحمانوۆ قىتايدا ۇستالعان 12 قازاقستاندىقتىڭ توعىزى بوساتىلعانىن مالىمدەدى.

ءمينيستردىڭ ايتۋىنشا، قوس ازاماتتىق العان ەتنيكالىق قازاقتاردىڭ ماسەلەسى ۇكىمەتتىڭ باستى نازارىندا.

«ءبىز كۇن سايىن بۇل ماسەلە بويىنشا جۇمىس جۇرگىزەمىز. Cاۋىردە دەلەگاتتارىمىز قىتايعا ەكى رەت ساپارلاپ بارىپ، وسى ماسەلەنى تالقىلادى. سونىڭ ىشىندە قىتايدا ۇستالعان 12 قازاقستان ازاماتىنىڭ ماسەلەسى قوزعالدى. قىتاي تاراپى قحر ازاماتتىعىنان شىعۋ پروتسەدۋراسىن دۇرىس راسىمدەمەگەن. كەلىسسوزدەردىڭ قورىتىندىسى بويىنشا 12 ادامنىڭ توعىزى بوساتىلدى. قالعان ءۇش ازامات بويىنشا جان-جاقتى جۇمىس جۇرگىزىلىپ جاتىر»، – دەدى مينيستر ۇكىمەت وتىرىسىنىڭ ۇزىلىسىندە.

سونىمەن قاتار ءابدىراحمانوۆ مينيسترلىككە جۇگىنگەن قىتايدا ۇستالعان قازاقستاندىقتاردىڭ تاعدىرىنا بەيجاي قارامايتىنىن جەتكىزدى. بۇگىندە سىرتقى ىستەر مينيسترلىگىندە قيىندىققا تاپ بولعان 170-تەي ەتنيكالىق قازاق تۋرالى اقپارات بار.

ايتا كەتەيىك، قىتايداعى قازاقتاردىڭ ماسەلەسىنە بايلانىستى وتىنىشتەردىڭ جيىلەۋىنە وراي، قر سىرتقى ىستەر مينيسترلىگى قازاقستان مەن قىتاي ديپلوماتيالىق ۆەدومستۆولارى قىتايداعى قازاقتاردىڭ ماسەلەسىن تالقىلاۋ ءۇشىن جۇيەلى تۇردە كونسۋلتاتسيا وتكىزىپ جاتقاندارىن ايتادى.

بۇدان سىرت ءسىم جاريالاعان مالىمەتتە، پرەزيدەنت نۇرسۇلتان نازارباەۆتىڭ تاپسىرماسىمەن شەتەلدەگى قازاقتارعا قاتىستى ماسەلەلەر قر سىرتقى ىستەر مينيسترلىگىنىڭ نەگىزگى كۇن تارتىبىنە ەنگەنىن اتاپ ايتادى. الەمدەگى ءبىر تۇتاس قازاق دەيتىن ۇلت ءۇشىن قر ءسىم-ءى جاساپ جاتقان بۇل قادامى قۋانارلىق ءىس دەۋگە بولادى. ەندى تەك ءىسىنىڭ ءونىمى ەلدىڭ كۇتكەن جەرىنەن شىعىپ، دىتتەگەن ءىسىن تىندىرسا دەگەن تىلەك پەن ءۇمىت قاتار ارتىلماق.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3534