جۇما, 29 ناۋرىز 2024
قۇيىلسىن كوشىڭ 8418 9 پىكىر 11 ماۋسىم, 2018 ساعات 21:24

«وتانداستار» قورى جۇمىسىن باستادى. قوردىڭ پرەزيدەنتى – نۇرتاي ابىقاەۆ

 

كوشى-قون ءىسىن ىلگەرلەتىپ وتىرۋ ءۇشىن قور قۇرۋ قاجەتتىگىن كوپتەپ بەرى جازىپ كەلدىك. ال، وسى قور ماسەلەسىن العاش ءسوز ەتكەن حالىق جازۋشىسى شەرحان مۇرتازا اقساقال ەدى. بۇگىن شەراعاڭنىڭ ءماجىلىس دەپۋتاتىنا بەرىلگەن مانداتتى قولىنا ۇستاپ وتىرىپ، قالامداس دوسى كامال سىمايىلوۆقا جازعان مىنا ءبىر حاتىن ەسكە تۇسىردىك:

«كامال! بۇل ۇلى كوش ءبىر جىلدىق، ەكى جىلدىق ەمەس، ءالى كوپكە سوزىلادى. كوشى-قون تۋرالى جاڭا زاڭ پارلامەنت قۇزىرىندا تۇر. دەپۋتات مىرزالار بۇل جوباداعى كەيبىر موينى بوس بۇلعاڭ-بۇلعاڭ تۇستارىن قاتايتاتىن شىعار دەگەن ۇمىتتەن كۇدەر ۇزبەيىك. جانە سول زاڭ بويىنشا، زامانىمىزدىڭ اسا كۇردەلى پروبلەماسى ەكەنىن قاتتى ەسكەرىپ، كوشى-قون مەملەكەتتىك ورگانىن قۇرىپ، ونىڭ باسىنا قازاق حالقىنىڭ مۇددەسىن قورعاي الاتىن، وزگەلەردى دە رەنجىتپەيتىن، «ءوزىڭ ولمە، وزگەنى دە ولتىرمە» دەگەن قاعيدانى ۇستاناتىن، ۇلت پسيحولوگياسىن، مىنەز-قۇلقىن، سالت-ساناسىن، ءداستۇرىن جاقسى بىلەتىن ازامات تۇلعا تۇرۋى كەرەك.

جانە ءبىر ءتۇيىنى، كورجوۆالاردان قايىر بولماسا، ەل بولىپ، جۇرت بولىپ، مەملەكەت بولىپ، كوشى-قوننىڭ وتانداستار قورىن قۇرۋ اۋاداي قاجەت.

قازىر نە كوپ، سان ءتۇرلى قورلار كوپ. ال مىناۋ سولاردان شوقتىعى بيىك، مۇددەسى بيىك تاعدىرشەشmi قور بولۋى ءتيىس. بۇل قورعا قولعابىس ەتەر كۇش - يگى جاقسىلار، قازىرگى داۋلەتتىلەر، ۇلتقا جانى اشيتىن فيرمالار، بانكيرلەر بولعانى ابزال. ەلگە ورالعان اعايىنعا جىلۋ بەرۋ اتا-بابامىزدىڭ ادامگەرشىلىك ءداستۇرى. جىلۋ بەرۋ - قايىر-ساداقا ەمەس، اعايىننىڭ جانىن جىلىتۋ، ۇياسىن جىلىتۋ دەگەن ۇعىم. سوندا ەرتەڭ سەن جاۋراساڭ، ول سەنى جىلىتادى. ۇلتتىڭ بىرلىگى، باۋىرمالدىعى وسىندايدان قۇرالادى».

شەرحان اقساقالدان باستالعان كوشى-قون قورىن قۇرۋ ماسەلەسى قازاق كوشىنىڭ بۇگىنگى جاناشىرى، جاس پەرى اۋىت مۇقيبەكتەرگە دەيىن جالعاسىپ كەلە جاتقانىن ەل ءىشى ەستىپ ءبىلىپ وتىردى. دەگەندەي-اق، كوشى-قون ىسىنە ارنالعان ءوور قۇرىلدى. ول قور – «وتانداستار» دەپ اتالدى. قوردىڭ قۇرىلاتىندىعىن ەلباسىمىز دۇنيەجۇزى قازاقتارىنىڭ V قۇرىلتايىندا جاريا ەتكەن بولاتىن. ول جايىندا اۋىت مۇقيبەك ءسۇيىنشى سۇراعانداي قۋانىپ، Abai.kz اقپاراتتىق پورتالىندا  بىلاي دەپ جازعان بولاتىن:

«...ال، ەكونوميكالىق داعدارىسقا بايلانىستى ۇكىمەت باياعىدا 20 مىڭ وتباسىعا دەپ بولەتىن كۆوتانى توقتاتتى. تەك، ۇكىمەت ايقىنداعان جەتى وبلىسقا كەلەتىندەرگە عانا ازداپ قولۇشىن بەرۋدى شەشتى. وسى جاعدايدى ەسكەرىپ، 2011 جىلدان باستاپ، تۇڭعىش پرەزيدەنتتىڭ كوشى-قون قورىن قۇرۋ ماسەلەسىن دۇركىن-دۇركىن كوتەرىپ كەلىپ ەدىك، كورەگەن پرەزيدەنتىمىز «شەتتەگى جانە ەلگە كوشىپ كەلگەن اعايىنداردى قولداۋ ءۇشىن «وتانداستار» دەگەن قور قۇرامىز. ارينە، مەن ونى ۇكىمەتكە تاپسىراتىن بولامىن» دەپ، وسى قۇرىلتايدا جارق ەتكىزىپ، بۇل ارمانىمىزدى دا ورىندادى دا تاستادى...»

ەندى ، مىنە، سول قور دۇنيەجۇزى قازاقتارىنىڭ قاۋىمداستىعى جانىنان «وتانداستار» قورى بولىپ قۇرىلدى. قور اكتسيونەرلەرىنىڭ جينالىسى بارىسىندا دۇنيەجۇزىلىك قازاقتارىنىڭ قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ قوردىڭ ديرەكتورلار كەڭەسىنىڭ توراعاسى بولىپ سايلاندى. ال قور پرەزيدەنتى بولىپ مەملەكەت جانە قوعام قايراتكەرى نۇرتاي ابىقاەۆ تاعايىندالدى.

ەسكەرتە كەتەيىك، اتالعان قور ەلباسىنىڭ تىكەلەي باستاماسىمەن قۇرىلدى. دۇنيەجۇزى قازاقتارىنىڭ بەسىنشى قۇرىلتايىندا پرەزيدەنت نۇرسۇلتان نازارباەۆ شەتەلدە تۇرىپ جاتقان وتانداستارىمىزدى قولداۋ كەرەكتىگىن تاپسىرعان بولاتىن. سول نەگىز بويىنشا «وتانداستار» قورى ءوز جۇمىسىن باستادى. قوردىڭ نەگىزگى مىندەتتەرى – شەتەلدەگى جانە ەلىمىزگە ورالعان قانداستارىمىزعا مادەني، ءبىلىم بەرۋ باستامالارى جانە قۇقىقتىق قولداۋ كورسەتۋ بولىپ تابىلادى.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596