جۇما, 29 ناۋرىز 2024
3342 1 پىكىر 9 شىلدە, 2018 ساعات 12:36

نەمىس بانكتەرى ەسەپشوتىندا تۇركىمەنستانعا تيەسىلى 23 ملرد دوللار بار

The Economist جۋرنالىندا جارىق كورگەن ماقالادا گەرمانيا بانكتەرىنىڭ ەسەپشوتىندا تۇركىمەنستانعا تيەسىلى 23 ميلليارد اقش دوللارى بار ەكەنى ايتىلعان.

ۇلىبريتانيانىڭ بەدەلدى The Economist باسىلىمىندا "Turkmenezuela: Turkmenistan finds a novel solution to mass emigration" (تۇركىمەنستان حالىقتىڭ جاپپاي ەميگراتسياسىن توقتاتۋ ءۇشىن سونى ءتاسىل ويلاپ تاپتى) دەگەن تاقىرىپپەن ماقالا جارىق كوردى. وندا تۇركىمەنستانداعى ەكونوميكالىق داعدارىس جايىندا ايتىلعان.

ماقالا اۆتورى گەرمانيا بانكتەرىنىڭ ەسەپشوتىندا تۇركىمەنستان بيلىگىنە تيەسىلى 23 ملرد دوللاردىڭ جاتقانى ايتىلعان. بىراق حالىقارالىق ەسەپ جونىندەگى بانكتەر مالىمەتىندە بۇل اقپاراتتىڭ قايدان الىنعانى، ناقتى قوجايىندارى كىمدەر، قانداي ەسەپشوتتا ساقتالعانى جايىندا ايتىلماعان.

2016 جىلى تۇركىمەنستان پرەزيدەنتى گۋربانگۋلى بەردىمۇحامەدوۆ گەرمانياعا رەسمي دەلەگاتسيامەن بارعان. مۇنان بولەك "تۇركىمەنستان حرونيكاسى" باسىلىمى flightradar24.com سايتىنا سىلتەمە جاساپ، ماۋسىم ايىندا تۇركىمەن پرەزيدەنتىنىڭ ۇشاعى گەرمانياعا ءۇش رەت ۇشقانىن جازعان.

The Economist گەرمانيا بانكتەرىندە تۇركىمەنستاننىڭ ميللياردتاعان دوللارى جاتقانىمەن ەلدە ەكونوميكالىق داعدارىس ەتەك الىپ تۇر دەپ جازادى. سونىمەن بىرگە مەملەكەتتىڭ حالىقارالىق اقشا اۋدارىمىنا، اقشا ايىرباسىنا شەكتەۋ قويعانىن دا اتاپ وتكەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2270
عيبىرات

قايسار رۋحتى عازيز جان

مۇحتار قۇل-مۇحاممەد 3584