پارلامەنت سەناتىنىڭ دەپۋتاتتارى داۋرەن ادىلبەكوۆ پەن ماناپ كوبەنوۆ شىلدەنىڭ 3-ءى مەن 12-ءسى ارالىعىندا قىتايدا بولىپ، حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ ورتالىق ازيا دەپۋتاتتارى ءۇشىن ۇيىمداستىرعان سەمينارعا قاتىستى.

سەمينارعا قازاقستان، قىتاي، قىرعىزستان جانە تاجىكستاننىڭ زاڭ شىعارۋ ورگاندارىنىڭ وكىلدەرى قاتىستى. سەمينار اياسىندا سىرتقى ساياسات، ايماق مەملەكەتتەرىنىڭ ءوزارا ءىس-قيمىلدارى، مەملەكەتتىك باسقارۋدى جاڭعىرتۋ، ساۋدا-ەكونوميكالىق قاتىناستار ماسەلەلەرى تالقىلاندى. سونىمەن قاتار، تسينداو جانە سيان قالالارىندا جەرگىلىكتى وكىلدى ورگانداردىڭ دەپۋتاتتارىمەن كەزدەستى، سونداي-اق بەيجىڭدەگى، شاندۋن جانە شەنسي پروۆينتسيالارىنداعى بىرقاتار يندۋستريالىق، اگروونەركاسىپتىك جانە ءبىلىم بەرۋ مەكەمەلەرىندە بولدى.

Abai.kz