استانا. 25 اقپان. قازتاگ - ەلەنا پرەوبراجەنسكايا.قر پارلامەنتى سەنات دەپۋتاتتارى جۇما كۇنى پلەنارلىق وتىرىسىندا «يادرولىق ماتەريالدى فيزيكالىق قورعاۋ تۋرالى كونۆەنتسياعا تۇزەتۋدى راتيفيكاتسيالاۋ تۋرالى» زاڭ جوباسىن قابىلدادى.

«تۇزەتۋ اقپاراتتى بەرگەن كونۆەنتسياعا قاتىسۋشى-مەملەكەتتىڭ كەلىسىمىنسىز ءۇشىنشى جاققا كونفەدەنتسيالدى اقپاراتتى بەرۋگە تىيىم سالادى. سونداي-اق، ايىپتى تۇلعالاردىڭ جاۋاپكەرشىلىگى قاراستىرىلعان بۇزۋشىلىقتاردىڭ ءتىزىمى كەڭەيتىلدى. تىزىمگە يادرولىق ماتەريالدىڭ كونترابانداسى، يادرولىق قوندىرعىعا قارسى ديۆەرسيا، بۇزۋشىلىقتاردى جاساۋدى ۇيىمداستىرۋ جانە قولداۋ كورسەتۋ ەنگىزىلدى»، - دەپ ءمالىم ەتكەن بۇرىندارى يندۋستريا جانە جاڭا تەحنولوگيالار ۆيتسە-ءمينيسترى دۇيسەنباي تۇرعانوۆ زاڭ جوباسىن دەپۋتاتتارعا تانىستىرۋ بارىسىندا.

ونىڭ ايتۋىنشا، تۇزەتۋگە بەيبىت ماقساتتا پايدالانىلاتىن يادرولىق ماتەريالعا نەمەسە يادرولىق قوندىرعىلارعا قارسى كۇش نەمەسە قاۋىپ قولدانۋعا جول بەرەدى دەپ تۇسىنۋگە تىيىم سالاتىن تۇجىرىمداما ەنگىزىلگەن.

سونىمەن قاتار، تۇزەتۋمەن ەنگىزىلگەن جەكە باپقا سايكەس، كونۆەنتسيا يادرولىق تەحنولوگيالاردى بەيبىت ماقساتتارعا بەرۋگە كەدەرگى جاسامايدى.

استانا. 25 اقپان. قازتاگ - ەلەنا پرەوبراجەنسكايا.قر پارلامەنتى سەنات دەپۋتاتتارى جۇما كۇنى پلەنارلىق وتىرىسىندا «يادرولىق ماتەريالدى فيزيكالىق قورعاۋ تۋرالى كونۆەنتسياعا تۇزەتۋدى راتيفيكاتسيالاۋ تۋرالى» زاڭ جوباسىن قابىلدادى.

«تۇزەتۋ اقپاراتتى بەرگەن كونۆەنتسياعا قاتىسۋشى-مەملەكەتتىڭ كەلىسىمىنسىز ءۇشىنشى جاققا كونفەدەنتسيالدى اقپاراتتى بەرۋگە تىيىم سالادى. سونداي-اق، ايىپتى تۇلعالاردىڭ جاۋاپكەرشىلىگى قاراستىرىلعان بۇزۋشىلىقتاردىڭ ءتىزىمى كەڭەيتىلدى. تىزىمگە يادرولىق ماتەريالدىڭ كونترابانداسى، يادرولىق قوندىرعىعا قارسى ديۆەرسيا، بۇزۋشىلىقتاردى جاساۋدى ۇيىمداستىرۋ جانە قولداۋ كورسەتۋ ەنگىزىلدى»، - دەپ ءمالىم ەتكەن بۇرىندارى يندۋستريا جانە جاڭا تەحنولوگيالار ۆيتسە-ءمينيسترى دۇيسەنباي تۇرعانوۆ زاڭ جوباسىن دەپۋتاتتارعا تانىستىرۋ بارىسىندا.

ونىڭ ايتۋىنشا، تۇزەتۋگە بەيبىت ماقساتتا پايدالانىلاتىن يادرولىق ماتەريالعا نەمەسە يادرولىق قوندىرعىلارعا قارسى كۇش نەمەسە قاۋىپ قولدانۋعا جول بەرەدى دەپ تۇسىنۋگە تىيىم سالاتىن تۇجىرىمداما ەنگىزىلگەن.

سونىمەن قاتار، تۇزەتۋمەن ەنگىزىلگەن جەكە باپقا سايكەس، كونۆەنتسيا يادرولىق تەحنولوگيالاردى بەيبىت ماقساتتارعا بەرۋگە كەدەرگى جاسامايدى.

پالاتانىڭ سالالىق كوميتەتىنىڭ قورىتىندىسىنا سايكەس، تۇزەتۋ يادرولىق ماتەريالدى فيزيكالىق قورعاۋدى قامتاماسىز ەتۋ، وسى ماتەريالدىڭ ۇرلانۋىنىڭ، يادرولىق قوندىرعىلارعا قارسى ديۆەرسيالاردىڭ الدىن الۋ مەن جولىن كەسۋ، وسىنداي ارەكەتتەردىڭ تەرىس سالدارىن بارىنشا تومەندەتۋ ماقساتىندا كونۆەنتسياعا قاتىسۋشى-مەملەكەتتەردىڭ ىنتىماقتاستىق مەحانيزمىن جەتىلدىرەدى جانە  اتوم ەنەرگياسى جونىندەگى حالىقارالىق اگەنتتىكتىڭ يادرولىق قاۋىپسىزدىككە قاۋىپ تونگەن جاعدايدا ورتاق ۇيلەستىرۋشى ورتالىق رەتىندەگى ءرولىن ارتتىرادى.

باسقا دا ەرەجەلەرمەن قاتار كونۆەنتسيا ءماتىنى جاڭا 2 ا بابىمەن تولىقتىرىلدى. ول ءاربىر قاتىسۋشى مەملەكەتتىڭ ءوز يۋريسديكتسياسىنداعى يادرولىق ماتەريالدار مەن قوندىرعىلاردى فيزيكالىق قورعاۋدىڭ ءتيىستى رەجيمىن جاساۋ جانە ساقتاۋ مىندەتىن ايقىندايدى.

«اتالعان مىندەت يادرولىق ماتەريالدار مەن قوندىرعىلاردى پايدالانعاندا، ساقتاعاندا جانە تاسىمالداعاندا ۇرلىقتان جانە باسقا دا زاڭسىز باسىپ الۋدان قورعانۋ ماقساتىندا، سونداي-اق ولاردى انىقتاۋ مەن قايتارۋداعى وپەراتيۆتىك جانە باسقا دا شارالاردى قامتاماسىز ەتۋ ماقساتىندا قاراستىرىلعان»، - دەلىنگەن قورىتىندىسىندا.

1979 جىلدىڭ 26 قازانىنداعى يادرولىق ماتەريالدى قورعاۋ تۋرالى كونۆەنتسيا يادرولىق قىزمەتتىڭ فيزيكالىق قاۋىپسىزدىگىن قامتاماسىز ەتۋ ماسەلەلەرىن رەتتەيتىن نەگىزىن قالاۋشى امبەباپ حالىقارالىق كەلىسىم بولىپ تابىلادى.

قازاقستان كونۆەنتسياعا 2004 جىلدىڭ 22 جەلتوقسانىندا قوسىلدى.