ترامپ پەن ءپۋتيننىڭ حەلسينكيدەگى كەزدەسۋى، پىكىرلەسۋى، ءوز ويلارىن ءبولىسۋى، ت.ب. وزدەرىن ۇستاۋى – باسقالاردى قايدام، مىنا ماعان ءبىر ءتۇرلى جاساندى سياقتى كورىندى. اقش كوسەمىنىڭ ءوزىن-ءوزى ۇستاۋى دا، ءسوز سويلەسى دە، رەسەيدىڭ ءوزى تۇسكەن پرەزيدەنتتىك سايلاۋعا ارالاسپاعانىنا، اسىرەسە ءپۋتيننىڭ ايتقاندارىنا سەنەتىنى دە - سونشالىقتى جاراسىپ تۇرعان جوق سياقتى.

ەكى الىپ مەملەكەتتىڭ قايسىسىنىڭ سالماعى باسىم – بۇعان دا جاۋاپ بەرۋگە ءالى ەرتەرەك...

بۇل كەزدەسۋگە بۇكىل الەم جۇرتشىلىعى، الەم ساياساتكەرلەرى كورىپ، ءبىلىپ وتىرعانداي، ەڭ باستى قۇمار بولعان جان دا ترامپ ەكەنىن ەسكە الساق، ويلانۋعا بولاتىن سياقتى...

رەسەي پرەزيدەنتى ۆ.ءپۋتيننىڭ الدىندا اقش پرەزيدەنتى د. ترامپتىڭ ءوزىنىڭ اتىنا ساي ۇستاي العاندىعى نەمەس ۇستاي الماعاندىعى - قۇراق ۇشقانداي سىڭاي تانىتقانى راس سياقتى.

راس، اقش تا، رەسەي دە، الەمدەگى الىپ مەملەكەتتەر. ترامپ تا، پۋتين دە جاي ادامدار ەمەس. ونى مويىنداۋىمىز كەرەك.

سونىمەن ەكى ەل پرەزيدەنتتەرىنىڭ حەلسينكيدەگى بۇل قادامدارىنان ءبىر جاقسىلىق كۇتۋگە بولا ما؟

ول بولاشاقتىڭ اڭگىمەسى. اسىقپايىق، اپتىقپايىق، ءبارىن ۋاقىت دەگەن قۇدىرەت ورايىنا قاراي ءوز ورىندارىنا قوياتىن بولادى.

جۇماش كوكبورى

Abai.kz