جۇما, 7 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
1660 0 پىكىر 26 شىلدە, 2018 ساعات 09:40

تاشكەنتتەن قىزىلورداعا قاتىنايتىن جاڭا اۆتوبۋس رەيسى اشىلدى

وزبەكستان مەن قازاقستان تاشكەنت – قىزىلوردا – تاشكەنت باعىتىندا تاعى ءبىر حالىقارالىق اۆتوبۋس رەيسىن اشتى. بۇل جونىندە «ءوزاۆتوترانس» اگەنتتىگىنىڭ ءباسپاسوز قىزمەتى حابارلايدى.

21 شىلدەدەن باستاپ Van Hool (بەلگيا) اۆتوبۋسىمەن جەرگىلىكتى ساعات 17.00-تە تاشكەنتتەن قىزىلورداعا قاراي اۆتوبۋس قاتىناي باستادى. جولاۋشىلار اۆتوبۋسى تاشكەنتتىڭ باس اۆتوۆوكزالىنان شىعىپ، وزبەكتىڭ «گيشت كۋپريك» شەكاراسى مەن قازاقتىڭ «جىبەك جولى» شەكاراسىنان ءوتىپ، سوڭعى بەكەت - قىزىلوردانىڭ "سالتانات" اۆتوۆوكزالىنا توقتايدى.

مارشرۋت ۇزاقتىعى - 583 شاقىرىم. جولعا 10 ساعات 30 ءمينوت كەتەدى. بيلەت قۇنى تاشكەنتتەن شىققاندا – 97 مىڭ سۋم، قىزىلوردادان تاشكەنتكە قاراي – 3800 تەڭگە (11 دوللار شاماسىندا).

بيىل وزبەكستان مەن كورشى ەلدەر اراسىندا تاشكەنت-الماتى-تاشكەنت، تاشكەنت – شىمكەنت – تاشكەنت، تاشكەنت – بىشكەك – تاشكەنت، تاشكەنت – حودجەنت – تاشكەنت باعىتىندا جولاۋشىلار اۆتوبۋسى قاتىناي باستادى. حالىقارالىق اۆتوبۋسقا بۇگىنگى كۇنگە دەيىن 40 مىڭعا جۋىق جولاۋشى مىنگەن.

Abai.kz

0 پىكىر