جاز مەزگىلىنىڭ سوڭىنا دەيىن شاھارداعى 48 جەر­استى وتكەل­دەرىندەگى ءجون­دەۋ جۇمىستارى تولىق اياق­تالاتىن بولادى.

قالامىزداعى ءاربىر جەراستى وتكەلى وزىندىك ەرەكشەلىگىمەن وزگەشە­لەنبەك. مىسالى، ۇلى ابايدىڭ بەي­نەسى مەن قاناتتى سوزدەرى اباي مەن ابىلاي حان داڭ­عىلدارىنىڭ قيىلى­سىندا ورنالاس­قان جەراستى وتكەلىنىڭ كوركىن اشىپ تۇراتىن بولادى. جوندەۋ جۇمىس­تارىنان كەيىن جەراس­تى وتكەلىنىڭ قابىرعالارى دانىشپان اباي شىعارمالارىنداعى ۇزىندىلەر­مەن بەزەندىرىلەدى. ۋاقىت وتكەن سا­يىن بەينەسى بيىكتەي بەرەتىن دانىش­پان ابايدىڭ ساليقالى سوزدەرى بۇل جەراستى وتكەلىنەن وتكەن سايىن جاياۋ جۇرگىنشىلەردىڭ ساناسىن ساۋلەلەن­دىرىپ، دىلىنە دانالىق ءدانىن، ناقىل تۇنعان ناسيحات ءنارىن دارىتاتىن بولادى. اباي بەينەسى مەن دانىشپان دانالىعىنان بولەك، جوندەۋ جۇمىس­تارىنان كەيىن پايدا بولاتىن اسەم اۋەن، وتىراتىن ورىندىقتار مەن اقىسىز ءWى-ءFى دا اتالعان جەراستى وتكەلىنىڭ اجارىن اشا تۇسپەك.

المالى اۋدانى اكىمدىگىنىڭ كورىك­تەندىرۋ ءبولىمىنىڭ باسشىسى اكىمحان تولەگەننىڭ ايتۋىنشا، اتالعان جەراستى وتكەلىندە قوعامدىق قاۋىپ­سىزدىكتى قام­تاماسىز ەتۋ ماقساتىندا قالالىق ىشكى ىستەر دەپارتامەنتىنىڭ جەلىسىنە قوسىلعان بەينەباقىلاۋ جۇيەسى ورناتىلعان.  اتالعان اۋدان اۋما­عىن­دا ورنالاسقان 11 جەراستى وتكەلى بويىنشا جوبالىق-سمەتالىق قۇجات ازىرلەنگەن.

اباي مەن ابىلاي حان داڭعىل­دارىنىڭ قيىلىسىنداعى جەراستى وتكەلى جاقىندا الماتىلىقتار مەن قالا قوناقتارىنىڭ يگىلىگىنە ۇسىنى­لاتىن بولادى. جوندەۋ جۇمىستارى اياقتالعان جەراستى وتكەلىنىڭ ەندى توبەسىن ورناتىپ، جيناپ شىعۋ قاجەت.

شاھار بويىنشا جاڭعىرتىلىپ جاتقان   قالعان  47 جەراستى وتكەل­دە­رىنىڭ اشىلۋى  تامىز ايىنىڭ سو­ڭىنا جوسپارلانعان. ايتا كەتەرلىگى، ادامنىڭ قاۋىپسىزدىگىن قامتاماسىز ەتۋ ماقساتىنداعى ولاردىڭ ارقاي­سىسى وزىندىك ورنەگىمەن وزگەشە­لەنبەك.

كەرەك دەرەك

بۇگىندە قالا بويىنشا

150 كوشە مەن 30 شاقىرىم جاياۋ جۇرگىنشىلەر جولدارىندا جوندەۋ جۇمىستارى جۇرگىزىلسە، 600 اۋلادا كورىكتەندىرۋ شارالارى قولعا الىنۋدا. بارلىق جەراستى جانە جەرۇستى وتكەلدەرى كۇردەلى جوندەۋدەن ءوتىپ، ەسكى سۋبۇرقاقتاردى جاڭارتىپ جانە جاڭا سۋبۇرقاقتار سالۋ جوسپارلانعان.

Abai.kz