ددونالد ترامپ پەن ۆلاديمير ءپۋتيننىڭ حەلسينكيدەگى كەزدەسۋىنەن كەيىن رەسپۋبليكاشىل پارتيانىڭ وكىلى ليندسي گرەم... تەلەارنادان ءسوز سويلەپ، اقش پرەزيدەنتىنە قاتقىل ەسكەرتۋ جاسادى. 

بۇعان دەيىن اقش پرەزيدەنتى د.ترامپ پەن رەسەي پرەزيدەنتى ۆ.ءپۋتينننىڭ حەلسينكيدەگى كەزدەسۋى تۋرالى جازعان ەدىك. سول كەزدەسۋدە اقش پرەزيدەنتىنىڭ رەسەي باسشىسىنا قايتا-قايتا جالپاقتاۋىن اقش كونگرەسى رەسپۋبليكالىق پارتياسىنىڭ وكىلى ليندسي گرەم اشىپ ايتتى. ءتىپتى، رەسپۋبليكاشىل بەن ساسستىڭ ءوزى پۋتينگە مۇلدەم سەنۋگە بولمايتىنى تۋرالى جازدى. مۇنىڭ سىرتىندا ترامپتىڭ ءپۋتيننىڭ الدىندا قايتا-قايتا سالماعىن جوعالتا بەرگەنىن الەمدىك باق جارىسا جازىپ جاتىر.

وسىدان بىرەر كۇن بۇرىن ترامپ 2016 جىلعى اقش پرەزيدەنتتىگى سايلاۋىنا رەسەيدىڭ ىقپال ەتۋى تۋرالى ارەكەتتەردى قاتاڭ تەكسەرىپ جاتقان ارنايى پروكۋرور روبەرت ميۋللەرگە "بۇل تۋرالى تەرگەۋدى توقتاتۋ تۋرالى" قاتاڭ ەسكەرتۋ جاسادى. ارتىنشا سول روبەرت ميۋللەر وگايو شتاتىندا "رەسەي، قىتاي جانە سولتۇستىك كورەيا (مۇمكىن) اقش-تىڭ ىشكى ىستەرىنە ارالاسىپ وتىر" دەپ مالىمدەمە جاساعانى جونىندە NBC تەلەارناسى حابار تاراتتى.

وسىلايشا، اقش پرەزيدەنتىنىڭ رەسەي پرەزيدەنتى الدىندا سان قۇبىلۋىن جۋرناليستەر قاۋىمى دا، الەم ساياساتكەرلەرى دە تۇسىنە الماي اڭ-تاڭ...

بىرەر كۇن ىشىندە امەريكالىق ءبىر توپ سەناتور كونگرەسكە رەسەيگە قارسى جاڭا سانكتسيالار تۋرالى زاڭ جوباسىن ۇسىندى. قۇجات اۆتورلارىنىڭ پىكىرىنشە، جاڭا سانكتسيالار بۇرىنعىلارمەن سالىستىرعاندا الدەقايدا قاتال بولماق ەكەن. بۇل سانكتسيا ارقىلى رەسەي پرەزيدەنتىنىڭ جانە ونىڭ ەڭ جاقىن سەرىكتەرىنىڭ شەتەلدەردەگى ەسەپ-شوتتارى بۇعاتتالادى.

ال، ەندى د. ترامپ كونگرەسكە قارسى قايتەر ەكەن؟

"بۇل زاڭدى قولداماۋعا ول كىسىنىڭ قاقىسى جوق" دەيدى جاعدايدى جاقسى بىلەتىن ساراپشى-ساياساتكەرلەر.

بۇعان پۋتين تاراپىنان قانداي رەاكتسيا بولادى؟

باسقالاردى قايدام، ماعان اقش پرەزيدەنتى د.ترامپتىڭ رەسەي پرەزيدەنتى ۆ.ءپۋتيننىڭ الدىندا ەلپەڭ قاعاتىنى ءبىر ءتۇرلى تۇسىنىكسىز.

رەسەي بيلىگى ءۇشىن اقش سالعالى وتىرعان بۇل سانكتسيا – ەڭ اۋىر سانكتسيا. ەگەر جاعداي شىنداپ قيىنداسا، كىم كىمدى «ۇستاپ» بەرەر ەكەن؟

ءيا، ەكى الىپ مەملەكەت باسشىلارى تۋرالى قۇپيانى - تەك ۋاقىت ءامىرشى عانا بىلە مە؟..

سونىمەن،  ترامپ  پەن پۋتين تۇسىنىكسىز ساياساتىندا «قانداي سىر» بار؟..

جۇماش كوكبورى

Abai.kz