سەيسەنبى, 19 ناۋرىز 2024
قىلمىس 4450 11 پىكىر 7 تامىز, 2018 ساعات 13:00

باس پروكۋراتۋرا ەلدى دۇرلىكتىرگەن "بالا زورلاۋعا" قاتىستى ءىستى توقتاتتى

قازاقستاننىڭ باس پروكۋراتۋراسىنىڭ تەرگەۋ توبى تۇركىستان وبلىسى (بۇرىنعى وڭتۇستىك قازاقستان وبلىسى) اباي اۋىلىندا "زورلانعان بالانىڭ" ءىسىن توقتاتتى. بۇل تۋرالى باس پروكۋراتۋرا حابارلادى.

پروكۋراتۋرانىڭ مالىمدەۋىنشە، "زورلانعان بالا" ءىسى بويىنشا 14 كەشەندى سوت ساراپتاماسى مەن ءتورت ءتۇرلى زەرتتەۋ جۇرگىزىلگەن. "وقيعانىڭ شىنايىلىعىن انىقتاۋ ماقساتىندا سوت ساراپتاماسى، مەديتسينالىق، پسيحولوگيالىق-پسيحياترلىق، بيولوگيالىق، مولەكۋليارلىق-گەنومدىق ساراپتامالار جۇرگىزىلدى. زارداپ شەككەن تاراپتىڭ وكىلدەرىنىڭ ءوتىنىشى بويىنشا ىسكە رەسەي، قىرعىزستان جانە گرۋزيادان كەلگەن جەكەمەنشىك جانە مەملەكەتتىك ساراپشىلار قاتىستى. سونداي-اق، ىسكە بالالار دارىگەرلەرى جۇمىلدىرىلدى" دەپ حابارلادى پروكۋراتۋرا.

قازاقستان قىلمىستىق كودەكسىنىڭ 15-بابىنىڭ 2-تارماعىنا ساي، سەكسۋالدىق زورلىق ءۇشىن جاۋاپكەرشىلىك 14 جاستان باستالادى.ء"تورت كۇدىكتىنىڭ ىشىندە تەك بىرەۋى عانا 14 جاسقا تولعان. ونىڭ ءىسى قىلمىستىق كودەكستىڭ 121-بابىنىڭ 4-بولىگىنە ("كامەلەتكە تولماعان بالاعا قاتىستى سەكسۋالدىق سيپاتتاعى زورلىق-زومبىلىق ارەكەتتەرى") سايكەس دەپ تانىلدى. قالعاندارىنا قاتىستى قىلمىستىق ءىس توقتاتىلدى. سەبەبى ولار 14 جاسقا تولماعان. وقيعانىڭ باسقا ءمان-جايى جاريالانبايدى" دەپ حابارلادى باس پروكۋراتۋرانىڭ ءباسپاسوز قىزمەتى.

بيىل 13 ناۋرىزدا سارىاعاش اۋدانىنداعى اباي اۋىلىندا تۇراتىن شاريپا باتىربەكوۆا ازاتتىققا جەتى جاستاعى جيەنىن 2017 جىلدىڭ تامىزىنان بەرى جوعارعى سىنىپ وقۋشىلارى بىرنەشە مارتە "ۇرىپ، زورلاعانىن" ايتقان. ول جەرگىلىكتى پوليتسياعا دەر كەزىندە شاعىمدانعانىمەن، تەك ءۇشىنشى رەت بارعاندا عانا ارىزىن قابىلداعانىن جەتكىزگەن. بۇل حابار الەۋمەتتىك جەلىگە كەڭ تاراپ، جەرگىلىكتى باق-تىڭ نازارىنا ءىلىنىپ، الەۋمەتتىڭ اشۋ-ىزاسىن تۋدىرىپ، قاتتى تالقىلاۋعا ۇلاسقان.

Abai.kz

 

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1440
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 1653
عيبىرات

قايسار رۋحتى عازيز جان

مۇحتار قۇل-مۇحاممەد 2819