بۇگىن، ياكي 5 ناۋرىز قازاقتىڭ العاشقى ۇكىمەتىنىڭ باسشىسى بولعان ءا. بوكەيحاننىڭ تۋعان كۇنى ەكەنىن بىرەۋ بىلسە، بىرەۋ بىلمەس. بيىل الاش ارداقتىسىنىڭ تۋعانىنا 145 جىلدىڭ ءجۇزى تولىپ وتىر. بۇل ءبىر جاعىنان، ەل تاۋەلسىزدىگىنىڭ 20 جىلدىعىمەن تۇسپا تۇس كەلىپ وتىرسا، ەكىنشى جاعىنان الاش زيالىلارى جاقىپ اقباەۆتىڭ تۋعانىنا 135 جىل، ال ءالىمحان ەرمەكوۆتىڭ دۇنيەگە كەلگەنىنە 120 جىل تولادى ەكەن. ايتارىمىز سول، استانا قالاسىنداعى «وتان-انا» مونۋمەنتىندە ءاليحان اتامىزدى ەسكە الۋ ءراسىمى ءوتتى. جاسىرىپ جاۋىپ قايتەمىز، جيىنعا باس-اياعى 40-45 ادام قاتىستى. بۇعان دا شۇكىرشىلىك دەي وتىرىپ، ءسوز باستاعان جاس الاشتانۋشى سەرىك جولداسباي «نەگىزى، الاش ارداقتىسى ءا. بوكەيحان ەسكەرتكىشىنىڭ الدىندا باس قوسۋىمىز كەرەك ەدى. بۇل ارينە «وتان انا» مونۋمەنتىن قومسىنىپ وتىرعانىمىز ەمەس. قازاقتا «الىپتا انادان تۋادى» دەگەن قاناتتى ءسوز بار ەمەس پە؟ ءاليحان دا انادان تۋدى. ايتسە دە، 2011 جىلدىڭ اياعىنا دەيىن ءاليحان بوكەيحانعا ارناپ ەسكەرتكىش اشۋ جانە الاش ارداقتىسىنىڭ 145 جىلدىق مەرەيتويىن رەسپۋبليكا كولەمىندە اتاپ ءوتۋ كەرەكتىگىن استانالىق جاستار جاۋاپتى ازاماتتارعا ەسكەرتەدى»، - دەدى. اقىن، حالىقارالىق «الاش» سىيلىعىنىڭ لاۋرەاتى سەرىك تۇرعىنبەكۇلى مەن ىقىلاس وجاي وتتى جىرلارىنان وقىسا، ساياساتتانۋشى ابدىجالەل باكىر، «اق جول» پارتياسىنىڭ ليدەرى ءاليحان بايمەنوۆ تە ءاليحان اتاعا سوزدەرىن ارناپ جاتتى.

بۇگىن، ياكي 5 ناۋرىز قازاقتىڭ العاشقى ۇكىمەتىنىڭ باسشىسى بولعان ءا. بوكەيحاننىڭ تۋعان كۇنى ەكەنىن بىرەۋ بىلسە، بىرەۋ بىلمەس. بيىل الاش ارداقتىسىنىڭ تۋعانىنا 145 جىلدىڭ ءجۇزى تولىپ وتىر. بۇل ءبىر جاعىنان، ەل تاۋەلسىزدىگىنىڭ 20 جىلدىعىمەن تۇسپا تۇس كەلىپ وتىرسا، ەكىنشى جاعىنان الاش زيالىلارى جاقىپ اقباەۆتىڭ تۋعانىنا 135 جىل، ال ءالىمحان ەرمەكوۆتىڭ دۇنيەگە كەلگەنىنە 120 جىل تولادى ەكەن. ايتارىمىز سول، استانا قالاسىنداعى «وتان-انا» مونۋمەنتىندە ءاليحان اتامىزدى ەسكە الۋ ءراسىمى ءوتتى. جاسىرىپ جاۋىپ قايتەمىز، جيىنعا باس-اياعى 40-45 ادام قاتىستى. بۇعان دا شۇكىرشىلىك دەي وتىرىپ، ءسوز باستاعان جاس الاشتانۋشى سەرىك جولداسباي «نەگىزى، الاش ارداقتىسى ءا. بوكەيحان ەسكەرتكىشىنىڭ الدىندا باس قوسۋىمىز كەرەك ەدى. بۇل ارينە «وتان انا» مونۋمەنتىن قومسىنىپ وتىرعانىمىز ەمەس. قازاقتا «الىپتا انادان تۋادى» دەگەن قاناتتى ءسوز بار ەمەس پە؟ ءاليحان دا انادان تۋدى. ايتسە دە، 2011 جىلدىڭ اياعىنا دەيىن ءاليحان بوكەيحانعا ارناپ ەسكەرتكىش اشۋ جانە الاش ارداقتىسىنىڭ 145 جىلدىق مەرەيتويىن رەسپۋبليكا كولەمىندە اتاپ ءوتۋ كەرەكتىگىن استانالىق جاستار جاۋاپتى ازاماتتارعا ەسكەرتەدى»، - دەدى. اقىن، حالىقارالىق «الاش» سىيلىعىنىڭ لاۋرەاتى سەرىك تۇرعىنبەكۇلى مەن ىقىلاس وجاي وتتى جىرلارىنان وقىسا، ساياساتتانۋشى ابدىجالەل باكىر، «اق جول» پارتياسىنىڭ ليدەرى ءاليحان بايمەنوۆ تە ءاليحان اتاعا سوزدەرىن ارناپ جاتتى. وسى شاراعا ۇيىتقى بولعان ۇلتشىل جاستاردىڭ «بۇگىنگى زامان تالابى تۋدىرىپ وتىرعان بۋىن» ەكەنىن ەسكە سالا وتىرىپ، ەسكە الۋ راسىمىندە قۇران وقىلىپ، گۇل قويىلدى.

«اباي-اقپارات»