سەيسەنبى, 20 تامىز 2019
875 0 پىكىر 16 تامىز, 2018 ساعات 09:53

قازاقستان 47 رەت تاۋار تيەلگەن جۇك كولىكتەرىن بىشكەككە قايتارعان

2018 جىلدىڭ باسىنان بەرى رەسەي قىرعىزستانعا 300 توننا كوكونىس ونىمدەرىن قايتارعان. ال قازاقستان 47 رەت تاۋار تيەلگەن جۇك كولىكتەرىن كەرى بىشكەككە جىبەرگەن.

بارلىق جاعدايدا باستى سەبەپ - سەرتيفيكاتتار فيتوسانيتارلىق باقىلاۋ تالاپتارىنا سايكەس كەلمەيدى. بىراق قىرعىزستاننىڭ ءتيىستى مەملەكەتتىك ورگاندارى كاسىپكەرلەرگە ەۋرازيالىق ەكونوميكالىق وداققا مۇشە ايماقتارعا تالاپ ەتىلەتىن قۇجاتتار جايىندا ۇنەمى ەسكەرتىپ وتىرامىز دەيدى.

سوڭعى ەكى كۇندە قىرعىزدىڭ 43 توننا ءونىمى ء(جۇزىم، قۇلپىناي، جاڭعاق جانە ت.ب.) رەسەيگە وتپەي قالعان.

2018 جىلدان بەرى رەسەيدەن قايتقان ونىمدەردىڭ جالپى كولەمى - 294 توننا.

قىرعىزستاننىڭ اۋىل شارۋاشىلىعى مينيسترلىگىنىڭ وكىلى بولوت جۋماناليەۆ مۇنداي جاعدايدا كاسىپكەرلەردىڭ وزدەرى كىنالى دەيدى.

"رەسمي مالىمەت بويىنشا، 2018 جىلدىڭ قاڭتار مەن ءساۋىر ارالىعىندا ەاەو-دان كەلەتىن يمپورت كولەمى ءوسىپ، ەكسپورت ءتۇسىپ كەتتى. قىرعىزستاننىڭ باستى ارىپتەسى بۇرىنعىداي رەسەي بولىپ تۇر. سوڭعى ءتورت ايدا رەسەيگە 102 ملن دوللارعا تاۋار ەكسپورتتالسا، رەسەيدەن 351 ملن دوللارعا تاۋار يمپورتتالعان. يمپورت كولەمى ءۇش ەسەگە ءوستى", - دەيدى بولوت جۋماناليەۆ.

Abai.kz

0 پىكىر