قالادا جىلۋ، ەلەكتر قۋاتى، سۋ جانە كارىز جۇيەسىنىڭ تاريفتەرى جىلدىڭ سوڭىنا دەيىن بۇرىنعى دەڭگەيدە قالادى، ال گازعا تىپتەن 4 پايىزعا تومەندەيدى. ول تۋرالى «نۇر وتان» پارتياسىنىڭ قالالىق كەڭسەسىندە وتكەن ساياسي كەڭەستە بەلگىلى بولدى.

الماتى اكىمى باۋىرجان بايبەك كوممۋنالدىق قىزمەتتەرگە تاريف قالىپتاستىرۋ جۇيەسى قالا تۇرعىندارى اراسىنداعى ەڭ وزەكتى ماسەلەلەردىڭ ءبىرى ەكەنىن جانە ول بيلەۋشى پارتيانىڭ تۇراقتى باقىلاۋىندا ەكەنىن اتاپ ايتتى. بۇگىنگى تاڭدا 1,5 ملن.-عا جۋىق الماتىلىقتار كوممۋنالدىق قىزمەتتەردى جەرگىلىكتى بيۋدجەت ەسەبىنەن شەكتەلگەن باعا بويىنشا الۋدا. كوممۋنالدىق تولەمدەرى جالپى تابىسىنىڭ 10%-نان اساتىن قالا تۇرعىندارىنا تۇرعىن ءۇي كومەگىنە قاراجات بولىنۋدە.

«مەملەكەت باسشىسى نەگىزسىز تاريفتى جوعارىلاتۋعا جول بەرمەۋگە نۇسقاۋ بەردى. ول تىكەلەي ادامداردىڭ ءومىر ءسۇرۋ دەڭگەيىنە، كاسىپكەرلەرگە، باعالارعا، بارىنە اسەر ەتەدى. وسى ماقساتتا قالالىق پروكۋراتۋرامەن مونوپوليستەر اراسىندا اۋقىمدى، جان-جاقتى تەكسەرۋ جۋرگىزىلدى. نەگىزسىز باعالاردى كوتەرۋ فاكتىلەرى انىقتالدى. قابىلدانعان شارالار ارقاسىندا 1,5 ملن.- عا جۋىق ازاماتتاردىڭ قۇقىقتارى قورعالدى، 4,7 ملرد. تەڭگەگە جۋىق وتەماقىلىق تاريفتەر ەنگىزىلدى. كوممۋنالدىق قىزمەت قۇنىن ارتتىرۋ ءۇشىن ەشقانداي دا نەگىز جوق. ءبىزدىڭ الماتىلىقتار ارتىق تولەم جاساماۋى ءۇشىن، كەز-كەلگەن نەگىزسىز ارەكەتتەر توقتاتىلادى. پرەزيدەنتتىڭ تاپسىرماسى بار جانە ول ورىندالادى»، - دەدى باۋىرجان بايبەك.

تاريفتى قالىپتاستىرۋ سالاسىنداعى جاعدايدى بايانداۋ بارىسىندا، الماتى پروكۋرورى بەرىك جۋيرىكتاەۆ قالانىڭ باستى قاداعالاۋشى ورگاندار تاراپىنان جۋرگىزىلگەن تەكسەرۋ بارىسىندا بىرقاتار مونوپوليا سۋبەكتىلەرى جونىندە شىعىنداردىڭ نەگىزسىز ءوسۋى، ونىڭ ىشىندە شىعىنداردىڭ جاساندى ءوسۋى جانە ينۆەستيتسيالىق باعدارلاماردىڭ ورىندالماۋى انىقتالعانىن ايتتى.

«ءبىز الماتىەنەرگوسبىتتا ەلەكتر قۋاتىن رەتتەۋ قىزمەتىنە تاريفتىك سمەتادا جاريالانعان سوممانىڭ 70%-, ال امورتيزاتسيالىق اۋدارىمدار بويىنشا 30% عانا جۇمسالعانىن دالەلدەدىك. ياعني، جوسپارلاعان 500 ملن. تەڭگەنىڭ ورنىنا 150 ملن. تەڭگە. ناتيجەسىندە ءۇش جىل ىشىندە تاريفقا نەگىزسىز 1 ملرد. 370 ملن. تەڭگە بولىنگەن. بۇل سومما 2018 جىلعا ارنالگان تاريفتى كەلىسۋ كەزىندە شەگەرىلگەن. ەنەرگوسبىت ءوز كىناسىن مويىنداپ، جاۋاپكەرشىلىككە تارتىلدى. ءوز كەزەگىندە «الاتاۋ جارىق كومپانياسى» توتەنشە رەتتەۋ شارالارىن ەنگىزۋ ەسەبىنەن ەلەكتر قۋاتىن بەرۋ تاريفىن كوتەردى. كەيىنىرەك انىقتالعانداي، ولار بۇل شارانى توتەنشە جاعداي ساناتىنا جاتپايتىن كىشىگىرىم اۆاريالار مەن اعىمداعى جوندەۋ كەرەكتىگىمەن نەگىزدەگەن. ءبىزدىڭ تالاپتارعا سايكەس، ۋاكىلەتتى ورگان ءوز شەشىمىنىڭ كۇشىن جويدى. قابىلدانعان شارالارمەن 2,17 ملرد. تەڭگەگە شىعىنداردى وتەۋ ءۇشىن وتەمدىك تاريفتەرى ەنگىزىلدى. 2,83 ملرد. تەڭگەگە بولاشاق شىعىننىڭ الدى الىندى. اعىمداعى تاريف 5,6%-عا تومەندەدى»، - دەپ حابارلادى بەرىك جۇيرىكباەۆ.

قالا پروكۋرورىنىڭ اقپاراتى بويىنشا، سونىمەن قاتار كازترانسگاز ايماق–تا تەكسەرىلدى. مۇندا ينفەستيتسيالىق باعدارلامانىڭ بەلگىلى ءبىر شارالارى ورىندالماعانى بەلگىلەندى. پروكۋرورلىق شارالاردىڭ ارقاسىندا 425 ملن.تەڭگە وتەماقىلىق تاريف ەنگىزىلدى. كاسىپورىن 50 ملن. تەڭگەگە اكىمشىلىك جاۋاپكەرشىلىككە تارتىلدى.

«الماتى سۋ» جىلدان جىلعا وزدەرىنىڭ جاساندى قارجىلىلىق ەسەپتەرىندە تەحنيكالىق شىعىنداردىڭ ەكى ەسە ارتۋىن كورسەتەدى. ياعني بەكىتىلگەن 17,8% ورنىنا 35% كورسەتەدى، دەمەك بۇل 70 ملن. تەكشە سۋ. بۇل تالدىقورعان جانە قاراعاندى قالالارىنىڭ اۋىز سۋدى تۇتىنۋ مولشەرىنە سايكەس كەلەدى. سونىمەن قاتار ەلەكتر قۋاتىن ساتىپ الۋ شىعىندارى ەسەبىنەن دە تاريف كوتەرىلگەن. ايىرماشىلىق 400 ملن. تەڭگە-ءنى قۇرادى. ودان بولەك او «الماتى ەلەكتر ستانتسياسى» بويىنشا تاريفتىك سمەتادا وتىن شىعىندارىنا 11,3 ملرد. تەڭگە بەلگىلەنگەن. ءىس جۇزىندە بار-جوعى 10,2 ملرد.تەڭگە عانا جۇمسالعان. ءبىز 110 ملن. تەڭگەگە وتەماقى ءتاريفىن ەنگىزدىك»، - دەدى ول.

ءوز كەزەگىندە مونوپولياعا قارسى وكىلدەردىڭ ەسەپتەرتەۋلەرى بويىنشا، الماتى قالاسىنىڭ تۇرعىندارى ءۇشىن ورتاشا ەسەپپەن ءبىر جىلدا ءبىر بولمەلى پاتەر ءۇشىن 4,2 مىڭ تەڭگە، ەكى بولمەلى پاتەر ءۇشىن 6,6 مىڭ تەڭگە، ءۇش بولمەلى پاتەر ءۇشىن 9,6 مىڭ تەڭگە ۇنەمدەلەدى.

«تۇتىنۋشىلار بۇنىڭ ءبارىن قازان ايىندا ءوز تۇبىرتەكتەرىنەن كورە الادى» - دەپ حابارلادى كازاحستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ، باسەكەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى. ولاردىڭ بولجامدارىنا سايكەس بۇل شارالار كەلەر جىلى ەنەرگەتيكا مەن كوممۋنالدى شارۋاشىلىقتىڭ نەگىزگى تۇرلەرىنە تاريف قالىپتاستىرۋدا وزگەرىستەرگە جول بەرمەيدى.

جالپى العاندا وتكەن جىلى الماتىدا 800 شاقىرىمدىق ينجەنەرلىك كومۋنيكاتسيالار سالىنىپ، كايتا قۇرىلدى. تامىز ايىنىڭ سوڭىنا قاراي 12 شاقىرىمدىق جىلۋ جەلىلەرىن جوندەۋ جۇمىستارى، قولدانىستاعى گاز قۇبىرلارىن كەڭەيتۋ جانە 120 مىڭنان استام تۇرعىنداردى سۋمەن قامتاماسىز ەتەتىن جاڭا سۋ جەلىلەرىن سالۋ اياقتالادى.

Abai.kz