جۇما, 29 ناۋرىز 2024
ايقاي 5064 30 پىكىر 5 قىركۇيەك, 2018 ساعات 09:57

ەرەجەگە باعىنباعاندار زاڭمەن جازالانسىن!

كونستيتۋتسيا بويىنشا ەلىمىز "قازاقستان يسلام رەسپۋبليكاسى" دەپ اتالمايدى. اتا زاڭدا ەلىمىزدىڭ زايىرلى ەكەنى تايعا تاڭبا باسقانداي جازىلعان. سوقىر دا كورە الاتىنداي ەتىپ بەينەلەنگەن. بۇل ءبىر.

ەكىنشىدەن قۇدايعا سەنۋ ءھام سەنبەۋ اركىمنىڭ ءوز ەركى. ءدىندى ۇستانۋ مەن ۇستانباۋ دا ءدال سولاي. ءدىن - ءار ادامنىڭ ىشكى جان دۇنيەسىمەن قاتىناسى. ول بىرەۋگە كەرەك، بىرەۋگە كەرەك ەمەس. ال ءوزىڭنىڭ ىشكى جان دۇنيەڭە عانا قاتىستى دۇنيەنى سىرتقا شىعارۋ، ياعني "مەن دىنگە سەنەمىن، سەندە سەنۋگە ءتيىسسىڭ" نەمەسە "قۇداي جوق، ونى سەندە جوق دەپ مويىنداۋعا ءتيىسسىڭ" دەۋ، وزگەنىڭ قۇقىعىن تاپتاۋ. ياعني دىنگە سەنەتىنىڭدى، سەنبەيتىنىڭدى سىرتقى ورتاعا كورسەتۋ، جايۋ دۇرىس ەمەس.

ەندى زاڭعا قايتا ورالساق. زاڭدا بەلگىلى ءبىر ءدىن مەملەكەتتىك دەپ بەكىتىلگەن ەمەس. ياعني ەلىمىزدە يسلام، حريستيان، بۋددا جانە ت.ب دىندەر ءبىر دارەجەدە. بۇل دۇرىس. كونستيتۋتسيادا زايىرلى دەپ كورسەتىلگەنىن بىلە تۇرا، نەگە ەل زاڭىنا قارسى شىعىپ، مەكتەپكە وقۋشىلاردى حيدجاپقا وراپ جىبەرىپ جاتىر؟! ونداي ارەكەتتەر قاتاڭ جازالانۋى كەرەك. ول - مەكتەپ، مەدرەسە ەمەس. ال زاڭ بويىنشا مەكتەپكە حيدجاپ كيۋگە بولمايدى دەدى ما، كيمەۋ كەرەك. قازىر ءدىني ءپرينتسيپتى ۇستانىپ زاڭدى بۇزعاندار، ەرتەڭ بۇل مەملەكەتتەگى "زايىرلى" دەگەن پۋنكتى وزگەرتۋگە بارىن سالاتىن بولادى. وعان جول بەرۋگە بولمايدى. مەكتەپ ەرەجەسىنە باعىنباۋ - ءدىندى ساياسيلاندىرۋ. ال ءدىندى ساياسيلاندىرعانداردىڭ اۋسەلەسىن كورىپ ءجۇرمىز. باسىنان قايقى، كوزىنەن جاس كەتكەن ەمەس.

سول سەبەپتى دە مەكتەپكە، جالپى وقۋ ورنىنا حيدجاپ كيمە دەدى مە، كيمە! كيگەندەردى زاڭمەن جازالا. ەل زاڭىنا باعىنعىسى كەلمەگەندەر سيريا، يراك اسىپ كەتەم دەسە ەسىك اشىق. كەتە بەرسىن. قازاقستاندا قاي ءدىن بولسىن، يسلام، حريستيان جانە ت.ب ساياسيلانۋىنا جول بەرمەۋ قاجەت. بۇل بارلىق دىنگە قاتىستى.

مەن ءوزىم دىنگە سەنەم، شامام كەلگەنشە دۇرىس جۇرۋگە، ۇستانۋعا تىرىسام. بىراق ءوز كوزقاراسىمدى وزگەگە تىقپالامايمىن. ويتكەنى ول تەك قانا مەنىڭ كوزقاراسىم مەن سەنىمىم، وزگەنىڭ ءوز كوزقاراسى مەن سەنىمى بار.

بارلىق مەكتەپكە ستاندارت بويىنشا ەنگىزىلگەن فورمانى بارلىق وقۋشىلار ء(دىني كوزقاراسىنا قاراماستان) كيۋگە مىندەتتى. ەرەجەگە باعىنباعاندار زاڭمەن جازالانسىن! ءتىپتى ۇناماسا، كونبەسە ۇناعان ەلىنە كوشىپ كەتسىن.

اسحات قاسەنعالي

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568