سۇندەت ورىنباساروۆ. شىمقالانىڭ شىرايى كەتىپ بارادى...
كۇنى كەشە عانا ەلباسى نۇرسۇلتان نازارباەۆتىڭ وڭتۇستىك ءوڭىرىن ارالاپ قايتقانى بەلگىلى. ادەتتە، اكىم قارالار مۇنداي كەزدە قالانىڭ كورىكتى جەرلەرىن ارالاتارى انىق. وبلىسىمىزعا اكىم بولىپ اسقار مىرزاحمەتوۆ كەلگەلى، جاسىراتىنى جوق، وڭ وزگەرىستەر بولىپ جاتىر.
الايدا، وبلىس حالقىنىڭ الەۋمەتتىك احۋالى كوڭىل كونشىتە قويمايدى. باعا دەگەن شارىقتاپ كەتتى. بازارعا بارساڭىز، ەتتىڭ ءبىر كىلاسى 1000-1200 تەڭگەگە جەتىپ جىعىلادى. البەتتە وبلىس، قالا اكىمدەرى ەت جەمەيدى دەمەيمىن، بىراق بازار باعاسى ولاردى اسا قىزىقتىرا قويمايدى عوي دەيمىن. ۇكىمەت تاراپىنان قانشاما رەت باعانى اۋىزدىقتاۋ تۋرالى تاپسىرمالار ءتۇسىپ جاتىر دەسەڭىزشى... كارتوشكانىڭ ءوزى 90 تەڭگەدەن تۇسپەي قويدى. ۇننىڭ باعاسىن ايتپاي-اق قويايىن. ات توبەلىندەي شەنەۋنىكتەردىڭ جاعدايى جاقسى شىعار،الايدا، اۋىل-اۋىلدى ەلباسى ارالاي قالسا، تۇرمىستارى تۇرالاپ قالعان وتباسىلاردى كورەر ەدى...
كۇنى كەشە عانا ەلباسى نۇرسۇلتان نازارباەۆتىڭ وڭتۇستىك ءوڭىرىن ارالاپ قايتقانى بەلگىلى. ادەتتە، اكىم قارالار مۇنداي كەزدە قالانىڭ كورىكتى جەرلەرىن ارالاتارى انىق. وبلىسىمىزعا اكىم بولىپ اسقار مىرزاحمەتوۆ كەلگەلى، جاسىراتىنى جوق، وڭ وزگەرىستەر بولىپ جاتىر.
الايدا، وبلىس حالقىنىڭ الەۋمەتتىك احۋالى كوڭىل كونشىتە قويمايدى. باعا دەگەن شارىقتاپ كەتتى. بازارعا بارساڭىز، ەتتىڭ ءبىر كىلاسى 1000-1200 تەڭگەگە جەتىپ جىعىلادى. البەتتە وبلىس، قالا اكىمدەرى ەت جەمەيدى دەمەيمىن، بىراق بازار باعاسى ولاردى اسا قىزىقتىرا قويمايدى عوي دەيمىن. ۇكىمەت تاراپىنان قانشاما رەت باعانى اۋىزدىقتاۋ تۋرالى تاپسىرمالار ءتۇسىپ جاتىر دەسەڭىزشى... كارتوشكانىڭ ءوزى 90 تەڭگەدەن تۇسپەي قويدى. ۇننىڭ باعاسىن ايتپاي-اق قويايىن. ات توبەلىندەي شەنەۋنىكتەردىڭ جاعدايى جاقسى شىعار،الايدا، اۋىل-اۋىلدى ەلباسى ارالاي قالسا، تۇرمىستارى تۇرالاپ قالعان وتباسىلاردى كورەر ەدى...
مەن وبلىس اكىمىن، ونىڭ كومانداسىن سىناي قويايىن، ءسويتىپ، ۇپاي جيناپ الايىن دەگەن ويدان اۋلاقپىن. قازىر دەموكراتيا زامانى. مىرزاحمەتوۆ ىسكەر اكىم، الايدا، ول دا ەت پەن سۇيەكتەن جارالعان پەندە، كەيبىر كەمشىلىكتەرىن ايتسام، شەنەۋنىكتەر رەنجي قويماس. وبلىستا پاراقورلىق تيىلماي وتىر. تولەبي اۋدانىندا سالىق ينسپەكتورى پارامەن ۇستالدى. قاسيەتتى تۇركىستاندا جەزوكشەلىك، جاستار اراسىنداعى بۇزاقىلىق، اۋىر قىلمىستار ازايماي وتىر. تۇركىستانعا قايرات دەگەن بيزنەسمەن اكىم بولعالى مىناۋ دەگەن وڭدى وزگەرىستەرىن بايقامادىق. كوكتەمنىڭ باسىندا جاۋعان قاردان شىمكەنت قالاسى ماڭىنداعى قايتپاس ەلدى مەكەننىڭ كوشەلەرىن سۋ باسىپ قالدى، ءتىپتى ۇيلەرىنىڭ اۋلاسى كولشىككە اينالدى. سامال-3 مولتەك اۋدانىنىڭ كوشەلەرى باتپاق، اسفالت توسەلمەگەن، مەن تەك قالا ىشىندەگى ەلباسى جۇرەتىن كوشەلەردىڭ عانا كۇردەلى جوندەۋلەردەن وتەتىنىنە قايران قالامىن... ال، 11 مولتەك اۋدانىنداعى جەر ۇيلەردىڭ اراسىنداعى كوشەلەردەن جازدا شاڭ، قىستا باتپاق كەتپەيدى. باسقا دا قالا ماڭىنداعى جاڭادان پايدا بولعاندارىنا ون جىلدان اسقان مولتەك اۋدانداردىڭ كوشەلەرى سىن كوتەرمەيدى. ەلباسى كەلگەندە، وسى كوشەلەرمەن نەگە جۇرگىزبەيدى؟ قالا شەتىندەگى تۇرعىندار «ەكىنشى سورتتى» ادامدار بولعانى ما؟
سامال-3 تە ءتورتىنشى سىنىپقا دەيىنگى بالالار جەكەمەنشىك ەسكى ۇيدە وقيدى... سول ءۇي جالعا الىنعان... تەلمانداعى پوشتا بولىمشەسى دە جالعا الىنعان جەكەمەنشىك ەسكى سارايعا ورنالاسقان...ۇيات ەكەن، قاي عاسىردا ءومىر ءسۇرىپ كەلەمىز؟ وسى ىقشام اۋدانىنداعى جالعىز اسفالتتى كۇرە جولدىڭ بويىندا ءنومىرى التىنشى بالالار ەمحاناسىنىڭ جاڭا عيماراتى پايدالانۋعا بەرىلدى. حالىق قۋاندى. الايدا، سەنسەڭىز، ىشىندە جيھازدار ءالى جوق. دارىگەرلەر وتىراتىن ستولدار جوق، تۇرەگەپ تۇرىپ قابىلدايدى. كارتوچكالار جەردە ۇيىلگەن كۇيدە، سونى اقتارىپ، ىزدەپ جۇرگەن دارىگەرلەرگە قاراپ جانىڭ اشيدى. نەگە سونشا تەز پايدالانۋعا بەرىلدى ەكەن. ءبارى بىتپەي جاتىپ؟ ۇكىمەتكە جاقسى اتانۋ ءۇشىن بە؟
ال، جاڭبىر جاۋدى، شىمقالا كوشەلەرىن سۋ باسىپ كەتەدى. ارىق اتىزدار كەڭەيتىلمەگەن بە، الدە باسقا ءبىر جوبا كەرەك پە، جىلدا وسى... شىمقالانى امەريكانىڭ ءبىر شتاتى ما دەپ قالاسىڭ... كوشە بويلاپ كەلە جاتساڭ قازاقشا اتاۋلار، ماڭدايشالار ىلۋدە بىرەۋ، قالعاندارى اعىلشىنشا... بۇعان اسقار مىرزاحمەتوۆتىڭ ءالى كەلە قويار ما ەكەن... زابادام ەلدى مەكەندەرىن اۋىز سۋمەن قامتاماسىز ەتۋ ءۇشىن قىس بىتپەي جاتىپ، كوشە جيەگىن قازىپ تاستادى. وتكورم كوشەلەرى وسىنىڭ كەسىرىنەن باتپاققا اينالدى. وقۋشىلار ساباقتارىنا باتپاق سۇيرەپ، كولشىك كەشىپ بارادى. بىلتىر جازدا نەگە باستالمادى ەكەن، بۇل جۇمىس؟ بيىل كۇن جىلىنا قازسا بولماس پا؟ قازىپ تاستاعانىمەن، جۇمىس جۇرگەن جوق قوي؟
ايتا بەرسەك، مۇنداي كەمشىلىكتەر جەتىپ ارتىلادى. كەمشىلىكتەردىڭ ەڭ باستىسى - اسقار مىرزاحمەتوۆ وبلىستى باسقارۋ ىسىندە اركىمگە ءبىر جالتاقتايتىن جاعدايدا وتىر. بۇل تۋراسىندا ەندىگى ءبىر اڭگىمەمىزدە كەڭىرەك باياندايتىن بولامىز.
«اباي-اقپارات»
