سەرىك ابدىرەشۇلى. ءومىردىڭ جاۋابى تانيربەرگەننىڭ ەمەس، ءتاڭىردىڭ ەركىندە
ءماجىلىس دەپۋتاتى تانيربەرگەن بەردينگاروۆقا 23 اقپانداعى باستاماسىنان تۋىنداعان قوعامدىق دۇرلىگىسكە وراي وقىرماندار اتىنان تومەندەگى حاتتى جولداپ، جاۋاپ قاتۋىن سۇراعانبىز. وكىنىشكە قاراي، دەپۋتاتتىڭ ءوزى تۋدىرعان دۇرلىگىس ءوزىنىڭ ۇنسىزدىگىنە جالعاسىپ، سايلاۋشىلار ساۋالى جاۋاپسىز قالدى. قاشىپ-پىسقان دەپۋتاتتى نەشە رەت ەسىلدىڭ سول جاعالاۋىنداعى ەڭسەلى ۇيگە ىزدەپ بارساق تا اركەز ورنىن سيپاپ قالا بەردىك. ورنىندا ۇستاۋ مۇمكىن بولمادى، 27 اقپانداعى جازباشا حاتىمىزعا جاۋاپ تا بەرمەدى، قوڭىراۋلاتقان تەلەفونىمىزدى دەپۋتات كومەكشىسى داۋلەتبەك بەركىنۇلى عانا كوتەرىپ، سۇراعىمىزعا ناقتى ەشتەڭە دەي المادى. كومەكشىدەن وڭعان جاۋاپ بولماعان سوڭ بەردينگاروۆتىڭ ەلەكتورندى پوشتاسىنا تومەندەگىدەي ساۋال جولداعان ەدىك. قاراڭىز:
قر پارلامەنتى ءماجىلىسىنىڭ دەپۋتاتى
ت.م.بەردىوڭعاروۆ مىرزاعا
قۇرمەتتى تاڭىربەرگەن ماراتۇلى!
2011 ج 23 اقپان كۇنگى ءسىزدىڭ ارىپتەستەرىڭىزدى «وتان قورعاۋشىلار كۇنىمەن» قۇتتىقتاۋىڭىزعا وراي وقىرماندار تاراپىنان تۇسكەن مىنا ساۋالدارعا جاۋاپ العىمىز كەلەدى:
1. ءسىز كەڭەس ارمياسىنىڭ قاتارىندا قىزمەت ەتتىڭىز بە؟ قانداي اسكەردە جانە كىم(سارباز الدە ساردار) بولدىڭىز؟
ءماجىلىس دەپۋتاتى تانيربەرگەن بەردينگاروۆقا 23 اقپانداعى باستاماسىنان تۋىنداعان قوعامدىق دۇرلىگىسكە وراي وقىرماندار اتىنان تومەندەگى حاتتى جولداپ، جاۋاپ قاتۋىن سۇراعانبىز. وكىنىشكە قاراي، دەپۋتاتتىڭ ءوزى تۋدىرعان دۇرلىگىس ءوزىنىڭ ۇنسىزدىگىنە جالعاسىپ، سايلاۋشىلار ساۋالى جاۋاپسىز قالدى. قاشىپ-پىسقان دەپۋتاتتى نەشە رەت ەسىلدىڭ سول جاعالاۋىنداعى ەڭسەلى ۇيگە ىزدەپ بارساق تا اركەز ورنىن سيپاپ قالا بەردىك. ورنىندا ۇستاۋ مۇمكىن بولمادى، 27 اقپانداعى جازباشا حاتىمىزعا جاۋاپ تا بەرمەدى، قوڭىراۋلاتقان تەلەفونىمىزدى دەپۋتات كومەكشىسى داۋلەتبەك بەركىنۇلى عانا كوتەرىپ، سۇراعىمىزعا ناقتى ەشتەڭە دەي المادى. كومەكشىدەن وڭعان جاۋاپ بولماعان سوڭ بەردينگاروۆتىڭ ەلەكتورندى پوشتاسىنا تومەندەگىدەي ساۋال جولداعان ەدىك. قاراڭىز:
قر پارلامەنتى ءماجىلىسىنىڭ دەپۋتاتى
ت.م.بەردىوڭعاروۆ مىرزاعا
قۇرمەتتى تاڭىربەرگەن ماراتۇلى!
2011 ج 23 اقپان كۇنگى ءسىزدىڭ ارىپتەستەرىڭىزدى «وتان قورعاۋشىلار كۇنىمەن» قۇتتىقتاۋىڭىزعا وراي وقىرماندار تاراپىنان تۇسكەن مىنا ساۋالدارعا جاۋاپ العىمىز كەلەدى:
1. ءسىز كەڭەس ارمياسىنىڭ قاتارىندا قىزمەت ەتتىڭىز بە؟ قانداي اسكەردە جانە كىم(سارباز الدە ساردار) بولدىڭىز؟
2. ءسىزدىڭ بىلتىرعى قۇتتىقتاۋىڭىز ارىپتەستەرىڭىزدىڭ نارازىلىعىن تۋدىرعان ەدى، بۇل جولى دا ەشقانداي نارازىلىققا قارامستان ارىپتەستەرىڭىزدى تاعى دا قۇتتىقتادىڭىز. نەگە؟
3. ءسىز «وتان قورعاۋشىلار كۇنىنىڭ» بۇگىندە تەك قانا رەسەي فەدەراتسياسىنىڭ مەملەكەتتىك مەرەكەسى ەكەندىگىن ءبىلدىڭىز بە؟
4. مەملەكەتتىك مانداتى بار قازاقستاندىق مەملەكەتتىك قايراتكەر رەتىندە ءسىز پارلامەنت تورىنەن ارىپتەستەرىڭىزدى بۇگىندە مەملەكەتتىك مەرەكەلەر تىزىمىندە جوق جانە وزگە ەلدىڭ مەملەكەتتىك مەرەكەسى سانالاتىن كۇنمەن قانداي ويمەن قۇتتىقتادىڭىز؟ ونداي مەمەلكەتتىك ەمەس مەرەكەمەن قۇتتىقتاۋ ءماجىلىس قابىرعاسىندا داستۇرگە اينالعان با؟
الدىن الا راحمەت ايتا وتىرىپ، وقىرمانداردى (سايلاۋشىلاردى) تولعاندىرعان بۇل ساۋالدارعا جاۋاپ بەرەتىنىڭىزگە سەنەمىز.
27 اقپان 2011جىل.
24 اقپاننان باستاپ توبەسىن كورسەتپەي قويعان دەپۋتاتىمىز جوعارىداعى ساۋالدارعا ارينە، ەش جاۋاپ قايتارعان جوق. سونىمەن، ەلدى بۇلايشا دۇرلىكتىرگەن جاعدايعا كىم كىنالى؟ وڭى مەن سولىن «تانىماعان» تانيربەرگەن بە، الدە سونداي ادامعا ماندات بەرگەن «نۇر وتان» حالىقتىق دەموكراتيالىق پارتياسى ما، سايلاۋشىلاردىڭ كوڭىلىن كۇپتى قىلعان وسى سۇراق تا بولاتىن. سوندىقتان دا استانالىق ءبىر توپ جاس سايلاۋشى ت.بەردينگاروۆتىڭ ورنىنا مەملەكەتتىك ءتىلدى بىلەتىن جانە مەملەكەتتىك ساياساتتى ارداقتايتىن ازاماتپەن اۋىستىرۋدى ۇسىنعان ەدى.
دەسەك تە، جاۋاپسىز ەشتەڭە دە بولمايدى، بار ساۋالعا ءومىردىڭ ءوز جاۋابى بار جانە ونى تالاپ ەتەتىن كەز دە بولادى. ول - تانيربەرگەننىڭ ەركىنە ەمەس، ءتاڭىردىڭ ەركىندەگى جايت. ءبىز دە سول ءومىر زاڭىنا باعىنىپ، بۇل جولى سايلاۋشىلاردىڭ سۇراعىنا جاۋاپتى ءوز بەتتەرىنشە سۇراستىرۋ ءۇشىن دەپۋتاتتىڭ تەلەفوندارى مەن ەلەكتروندىق مەكەنجايىن بەرە كەتۋدى ءجون كوردىك:
(7172) 746148(دەپۋتات), 746147 (كومەكشى)
ەلەكتروندىق جاشىك: berdongarov@parlam.kz
«اباي-اقپارات»
