جاڭارۋ، جاسارۋ، كۇشەيۋ!
جالپى ءبىزدىڭ قوعامدا قاي سالادا بولماسىن دامۋ ءۇشىن كادرلىق جاسارۋ قاجەت دۇنيە.
قاراپايىم سەبەبىن ايتايىن، جاستارمەن بايلانىستى ۇزبەۋ ءۇشىن، ۋاقىتتىڭ اعىمىمەن ادىمداپ ءجۇرۋ ءۇشىن، كەز-كەلگەن باستامانى سول سالادا جۇرگەن جاستاردان سۇراۋ كەرەك، ولاردىڭ پروبلەمانى قابىلداۋى، ونىمەن كۇرەستى يدەياسىنان اڭعارىلادى.
ەلباسىنىڭ بيوگرافيالىق سەريالى كينولارىنان كورۋگە بولادى، جاس كادر وندىرىستە ءوزىنىڭ كوزقاراستارىن باتىل ءبىلدىرىپ، عىلىمي جاڭالىقتاردى ۇسىنۋدا دا ىزدەنىپ، زەرتتەپ ۇسىنىستارىمەن ەرەكشەلەنىپ ءجۇردى. كومسومولدىق قىزمەتتە دە قاتارلاستارىنىڭ جانىنان تابىلىپ، قولىنان كەلگەنشە قوعامعا ۇلەسىن قوسىپ، ۇيىتقى بولدى.
قازاقتا "ۇلكەننىڭ جولىن كەسپە، كورىنبەي قالاسىڭ" دەگەن سوزدەر بار، بالكىم تاربيەلىك، سىيلاۋ، قۇرمەتتەۋ ماقساتىندا ايتىلعان بولار، بىراق سول سوزدەردىڭ ارتىنشا، "جاستىڭ جولىن كەسپە كومىلمەي قالاسىڭ" دەگەن جالعاسى بار.
قاي كەزدە دە جاڭالىقتار، وزگەرىستەر، جاقسى باستامالار جاس بۋىننان، جاس مامان كادرلاردان، عالىمداردان كەلەدى. تەك ولاردى كورە ءبىلۋ، قولداۋ كەرەك.
ءبىر قوزى تۋسا، ەكى جۋسان ارتىعىمەن شىعادى، بىزدە ءبىر جاس بۋىن جەتىستىككە جەتسە، ۇلتىمىز ارتىعىمەن ۇتادى دەپ قۋانۋىمىز ابزال.
جاس كەلسە ىسكە، جاستاردى قولداپ ويلاعان ەل ەشقاشان ۇتىلمايدى. تەك قولداۋ، دەمەۋ، مۇمكىندىك بەرۋدە نيەتىمىز بولسىن!
تابيعاتتىڭ زاڭى بار، جاڭارۋ، جاسارۋ بۇل كۇشەيۋ دەگەن ءسوز.

ماقسات جاقاۋدىڭ facebook پاراقشاسىنان

Abai.kz