جۇما, 29 ناۋرىز 2024
46 - ءسوز 4177 3 پىكىر 16 قىركۇيەك, 2018 ساعات 18:46

ءالى ءالىبارىس-الۆارەستى تالقىلاپ جاتىرسىزدار ما؟

ءالى ءالىبارىس-الۆارەستى تالقىلاپ جاتىرسىزدار ما؟ قازەكەم ات قويعىش قوي! بارىسى بارىس قوي ەندى...جاس، جۇلقىنىپ تۇر. گەناجانعا دا كىنا تاعا المايمىز.

...ءبىزدىڭ اۋىل دا ادامدارعا ات قويعىشتىعىمەن اتى شىققان. كەيدە كىشكەنە عانا اۋىلدا ونداعان باقىت، قانات، جانات دەگەندەر جۇرەدى. وندايدا تەرىسىنىڭ تۇسىنە، مىنەز-قۇلقىنا، دەنە مۇشەسىنىڭ كەيبىر كەمشىن تۇستارىنا قاراپ اتتارىنا جالعاۋ ىلە سالامىز.

«قارا» باقىت، «سارى» باقىت، «كوك كوز» باقىتتاردان كەيىن «جىرىق» باقىت، «سالپوق» باقىت، «سۋ مي» باقىت دەپ جالعاستىرا بەرەمىز. ول ءبىتىپ قالسا جان-جانۋارعا كوشەتىنىمىز بار. ەسەك – ءبىزدىڭ اۋىلداعى ەڭ سۇيكىمسىز جانۋار. اقىماققا «ەسەك» دەپ ايعايلايمىز. ءسوز تىڭدامايتىن ەسەرسوقتاردى دا ەسەككە بالاپ، بالاعاتتاپ جىبەرەمىز. سونداي قاسيەتى بولدى ما، ايتەۋىر، اۋىلداعى كوپ باقىتتىڭ ءبىرىن – «ەسەك» باقىت دەپ اتاپ كەتكەنى ەسىمدە. سىرتىنان ايتىلاتىن بۇل لاقاپ اتتى باقىتتىڭ ءوزى الدەقاشان ىشتەي مويىنداپ قويعان. تەك كوزىنشە ايتقان ادامنىڭ جاعاسىنا جارماسىپ، ولۋگە بار. باكەڭنىڭ قاتتى قالجىڭداساتىن ءبىر جەزدەسى بار ەدى. سول كىسى بىردە باقىتتىڭ لاقاپ اتىن ءوز اۋزىمەن ايتقىزىپ، مويىنداتتى.

...باقىت باۋىرىمىز الماتىدان كەلە جاتىپ، شەلەك جاقتا ماشيناسى بۇزىلىپتى. ارى-بەرى شۇقىلاپ، اۋىلعا تەلەفون سوعىپ، كەرەك بولشەكتى سۇراماسا جاعدايىنىڭ قيىن بولاتىنىن تۇسىنەدى. مۇندايدا ەسىنە ارينە، گاراجدا ىستەيتىن جەزدەسى ساپ ەتە قالادى. شەلەكتەگى ۇيعىر اعايىنداردىڭ ءبىرىنىڭ ۇيىنەن ازەر دەگەندە جەزدەسىنە قوڭىراۋ شالادى.

– اللو، جەزدەكە مەن عوي، باقىتپىن! ماشينە سىنىپ دالادا قالدىم. ماعان... – دەي بەرگەندە جەزدەسى وتىرىك تانىماعانسيدى.

– ءاي، اينالايىن، ءبىزدىڭ اۋىلدا باقىت كوپ. سەن سونىڭ قايسىسىڭ؟

– وۋ، جەزدەكە، مەن بالدىزىڭىز باقىت...

– ەستىلمەي كەتتى. قاي باقىت؟

– بالدىزىڭىز... باقىت...

– قايداعى بالدىز؟ قاي باقىت دەيمىن؟

بىرەۋدىڭ ۇيىنەن جانى قىسىلىپ تەلەفون سوعىپ تۇرعان باقىت ايقاي سالىپتى.

– جەزدەكە، مەن «ەسەك» باقىتپىن عوي! «ەسەك» باقىتپىن! ەستىدىڭىز بە؟...

ارمان سقابىلۇلىنىڭ Facebook-تەگى پاراقشاسىنان

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621