جۇمىس ساپارى كەزىندە الماتى اكىمى باۋىرجان بايبەك قالانىڭ كولىك ينفراقۇرىلىمىن رەكونسترۋكتسيالاۋ قارقىنىن تەكسەردى جانە جەكە اۆتوپارك العان №128 باعىت بويىنشا قىزمەت كورسەتەتىن جاڭا اۆتوبۋستاردى كوردى، دەپ حابارلايدى اباي-اقپارات الماتى اكىمىنىڭ سايتىنا سىلتەمە جاساپ.

قازىرگى كەزدە BRT جەلىسى بويىنشا 28 تۇعىرنامادا 68 بەكەتتى پاۆيلوندار جاساقتالۋدا، تروتۋارلار مەن ۆەلوجولدار اباتتاندىرىلۋدا، جاسىل جەلەك وتىرعىزىلۋدا. ايدىڭ سوڭىنا دەيىن مۇستافين جانە سۇلەيمەنوۆ كوشەلەرىنە جارىق بەرەتىن 115 تورشەردى مونتاجداۋ اياقتالادى.

BRT اۆتوبۋس جەلىسىندە 17 باعىت بويىنشا 300-دەن استام كولىك بىرلىگى جۇرەتىن بولادى. جولاۋشىلار كولىگى جانە اۆتوموبيل جولدارى باسقارماسىنىڭ اقپاراتى بويىنشا جىل اياعىنا دەيىن 18 مەترلى اۆتوبۋستار جۇرەتىن قوسىمشا باعىت اشۋ جوسپارلانعان.

«جۇرگىزىلگەن ساراپتاما 12 قىركۇيەكتە BRT جەلىسىن ىسكە قوسۋ ارقاسىندا جولاۋشىلار اعىنى ءبىر كۇندە 100 دەن 142 مىڭ ادامعا، ياعني وتكەن جىلدىڭ وسى كەزەڭىمەن سالىستىرعاندا 40 پايىزعا ارتاتىنىن كورسەتتى. «اتاكەنتتەن» قازاق ۇلتتىق ۋنيۆەرسيتەتىنە اۆتوبۋس 2,5 مينۋتتا جەتەدى ەكەن، ال بۇرىن 10 مينۋتقا سوزىلاتىن»، - دەدى باسقارماداعىلار.

تيميريازەۆ كوشەسىنىڭ كەيبىر قيىلىستارىنداعى باعدارشامدار وبەكتىلەرىندە جاياۋ جۇرگىنشىلەر ءۇشىن جەكە فازالار قاراستىرىلادى.جكا الدىن الۋ ءۇشىن ءىىد بىرگە ۆيدەوفيكساتسيانىڭ اۆتوماتتى جەلىسى ورناتىلاتىن 10 توراپتىق نۇكتە بەلگىلەندى.

جۇمىس ساپارى بارىسىندا مەگاپوليس باسشىسى جەكە اۆتوپارك العان Yutong ماركالى جاڭا اۆتوبۋستاردى كوردى.

ەسكى جىلجىمالى سوستاۆقا تۇرعىندار تاراپىنان كوپ شاعىم تۇسەتىن، ونى رەتكە كەلتىرۋ ءۇشىن №128 باعىت بويىنشا ەندى تومەن ەدەندى 12 مەترلى 17 كولىك بىرلىگى جولاۋشىلاردى تاسىمالدايدى. بۇلاردان وزگە، قاراشادا تاسىمالداۋشى №72 باعىتتاعى جىلجىمالى سوستاۆتى تولىق جاڭارتادى.

جالپى، جىل اياعىنا دەيىن جاڭا قوعامدىق كولىكتىڭ ۇلەسىن 80%-كە دەيىن جەتكىزۋ جوسپارلانعان.

ايتا كەتەرلىگى، جالپى الماتىدا بيىلعى جىلى 524 كوشە جوندەلدى، 1400 ەسكى اۋلا جاڭاردى.300 كم ارىق سالىندى جانە جوندەلدى، 800 كم ينجەنەرلىك جەلى تارتىلدى.

قالانىڭ بارلىق جەر استى وتپەلى جولدارى جاڭاردى. جىل اياعىنا دەيىن بارلىق كوشە جارىقتارىنىڭ ۇشتەن ءبىرى جارىق ديودتى جانە ەنەرگيا جيناقتاۋشى شامدارعا اۋىستىرىلادى.

Abai.kz