جۇما, 29 ناۋرىز 2024
3108 0 پىكىر 18 قىركۇيەك, 2018 ساعات 10:37

الماتىدا جىلىتۋ ماۋسىمىنا دايىندىق اياقتالۋدا

الماتى اكىمى الداعى جىلىتۋ ماۋسىمىنا قاتىستى كوشپەلى كەڭەس وتكىزدى. قالادا بيىلعى جىلى 12 كم جىلۋ جەلىسى، 23 كم ەلەكتر جەلىسى، 283 كم سۋ قۇبىرى مەن 267 كم كارىز جۇيەسى قايتا جاسالدى، - دەپ حابارلايدى اباي-اقپارات الماتى قالاسى اكىمدىگىنىڭ رەسمي سايتىنا سىلتەمە جاساپ.

مەگاپوليس باسشىسى جۇمىس ساپارى بارىسىندا 5 كم جىلۋ جەلىسى رەكونسترۋكتسيالانعان تولە بي كوشەسى بويىنداعى ۋچاسكەنى ارالاپ كورىپ، ونىڭ ماڭىن ابباتتاندىرۋ جونىندە بىرقاتار تاپسىرمالار بەردى.

الماتىنىڭ ەنەرگەتيكا جانە كوممۋنالدىق شارۋاشىلىق باسقارماسى مالىمدەگەندەي، قالانىڭ ورتالىق بولىگىن جىلۋمەن ۇزدىكسىز قامتاماسىز ەتۋ ءۇشىن تولە بي كوشەسى بويىنداعى ەسكى جىلۋ قۇبىرلارىن اۋىستىرۋ جۇمىستارى روزىباكيەۆ كوشەسىنىڭ شىعىسى مەن وتەگەن باتىر كوشەسىنىڭ باتىسىنا قاراي كەلەر جىلى ودان ءارى جالعاساتىن بولادى.

قازىرگى كەزدە ءبىلىم، دەنساۋلىق ساقتاۋ وبەكتىلەرى مەن قالانىڭ تۇرعىن ءۇي قورى الداعى جىلىتۋ ماۋسىمىنا 100% دايىن. ەنەرگەتيكا كەشەنى كومىر مەن مازۋتتىڭ اپاتتى جاعدايداعى قورىمەن تولىق قامتاماسىز ەتىلگەن.

گيدراۆليكالىق سىناق كەزىندەگى كەمشىلىكتەر تولىق قالپىنا كەلتىرىلگەن سوڭ جىلۋ جۇيەلەرى تسيركۋلياتسيالى رەجيمگە كوشەدى.

جالپى، الماتىدا بيىلعى جىلى 524 كوشە جوندەلدى، 1400 ەسكى اۋلا جاڭاردى، 300 كم ارىق سالىندى جانە جوندەلدى. قالانىڭ بارلىق جەر استى وتپەلى جولدارى جاڭاردى. جىل اياعىنا دەيىن بارلىق كوشە جارىقتارىنىڭ ۇشتەن ءبىرى جارىق ديودتى جانە ەنەرگيا جيناقتاۋشى شامدارعا اۋىستىرىلادى.

Abai.kz
0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565