جۇما, 29 ناۋرىز 2024
بيلىك 2353 0 پىكىر 7 قىركۇيەك, 2018 ساعات 12:47

دىنارالىق ماسەلەلەر پرەزيدەنت نازارىندا

قازاقستان رەسپۋبليكاسى تاۋەلسىزدىك العان جىلداردان بەرى مەملەكەتتىك–كونفەسسيالىق قاتىناستاردا زايىرلىلىق مودەلىن ۇستانىپ كەلەدى.

قازىر قازاقستاندا رەسمي تۇردە 18 كونفەسسيانىڭ مۇددەلەرىن بىلدىرەتىن  ۇش جارىم مىڭنان استام ءدىني سۋبەكتىلەر تىركەلگەن. وسىنداي ءدىني سانالۋاندىق جاعدايىندا ءدىن سالاسىنداعى نەگىزگى ۇدەرىستەر مەن ۇردىستەردى ەلەپ-ەكشەيتىن مەملەكەتتىك ساياساتتى جاڭادان وي ەلەگىنەن وتكىزۋدى كۇن تارتىبىنە قويىپ وتىر.

وتكەن اپتادا قوعامدىق دامۋ مينيسترلىگىنىڭ ءباسپاسوز قىزمەتى دارحان كالەتاەۆتىڭ بىرىككەن اراب امىرلىكتەرىنە جۇمىس ساپارى كەزىندە ءباا تولەرانتتىلىق ءمينيسترى شەيح ناحايان بەن مۋباراك ءال ناحايانمەن كەزدەسكەنىن حابارلاعان بولاتىن.

كەزدەسۋ بارىسىندا ەكى تاراپ دىنارالىق ديالوگ پەن قوعامدىق كەلىسىم ماسەلەلەرى بويىنشا ەكىجاقتى ىنتىماقتاستىقتى دامىتۋ جولدارىن تالقىلاعان.  قوعامدىق دامۋ ءمينيسترى دارحان كالەتاەۆ ىشكى ساياسي تۇراقتىلىق، دىنارالىق جانە ەتنوسارالىق ۇيلەسىمدى قامتاماسىز ەتۋ ماسەلەلەرى تىكەلەي قازاقستان رەسپۋبليكاسى پرەزيدەنتىنىڭ نازارىندا ەكەنىن اتاپ وتكەن ەدى.

تاراپتار الەمنىڭ ءتۇرلى وڭىرلەرىندە مەملەكەتىشىلىك جانە جاھاندىق دەڭگەيدەگى ءارتۇرلى ەتنيكالىق توپتار مەن ءدىن وكىلدەرىنىڭ اراسىنداعى قاقتىعىستىڭ ورىن الۋى ءوزارا بايلانىس پەن ىنتىماقتاستىقتىڭ السىرەۋىمەن تىعىز بايلانىستى ەكەنىن اتادى.

كەزدەسۋ بارىسىندا حالىقارالىق ىنتىماقتاستىقتى نىعايتۋ قاجەتتىلىگىنە توقتالا وتىرىپ، شەيح ناحايان بەن مۋباراك ءال ناحايان قازاقستان پرەزيدەنتى ن.نازارباەۆتىڭ  دىنارالىق ديالوگتى ىلگەرىلەتۋدەگى كۇش-جىگەرىن، سونداي-اق حالىقارالىق تۇراقتىلىق پەن ءتۇرلى قاقتىعىستاردى رەتتەۋدى كۇشەيتۋگە باعىتتالعان وزگە دە بىتىمگەرشىلىك باستامالارىن جوعارى باعالاعان بولاتىن. وسى تۇرعىدا، ناحايان بەن مۋباراك ءال ناحايان قازاقستان پرەزيدەنتىنىڭ باستاماسىمەن وتەتىن الەمدىك جانە ءداستۇرلى دىندەر ليدەرلەرىنىڭ سەزى شىن مانىندە ءتۇرلى ءدىن وكىلدەرىن بىرىكتىرەتىن جاھاندىق ديالوگ الاڭىنا اينالعانىن ايتىپ، الداعى 2018 جىلعى 10-11 قازان كۇندەرى وتەتىن VI استانا سەزىنە وزدەرىنىڭ قاتىساتىنىن ايتقان.

بىرىككەن اراب امىرلىكتەرىنە ساپارى اياسىندا قر قوعامدىق دامۋ ءمينيسترى د.كالەتاەۆ ءباا ۇلتتىق فەدەرالدىق ءماجىلىس توراعاسىنىڭ ءبىرىنشى ورىنباسارى مارۋان بەن گلەيتپەن دە كەزدەسكەن. تاراپتار ەكى ەل اراسىنداعى پارلامەنتارالىق بايلانىستاردىڭ تۇراقتى دامۋىنا كوڭىلدەرى تولاتىنىن جەتكىزدى.

مينيستر ءباا ۇلتتىق فەدەرالدىق ءماجىلىسىنىڭ ەلدىڭ ىشىندە جانە حالىقارالىق دەڭگەيدە تولەرانتتىلىق، كونفەسسياارالىق جانە دىنارالىق ديالوگ يدەيالارىن كەڭەيتۋ جانە نىعايتۋعا قوسقان ۇلەسىن اتاپ ەرەكشە باعالايتىنىن ايتقان. بۇعان بىرىككەن اراب امىرلىكتەرىنىڭ ءدىني توزبەۋشىلىك جانە كەمسىتۋشىلىكپەن كۇرەسۋ، سونداي-اق تەرروريزمگە قارسى كۇرەس تۋرالى زاڭدارى دالەل.

سونداي-اق، مينيستر دۋباي امىرلىگىنىڭ يسلام جانە قايىرىمدىلىق ىستەرى دەپارتامەنتىنىڭ باس ديرەكتورى حاماد اش-شەيبانيمەن كەزدەستى. اتالعان قۇرىلىم قايىرىمدىلىق قاۋىمداستىقتار مەن يسلام ينستيتۋتتارىنا ليتسەنزيا بەرۋ، قوعامداعى ءدىني ساۋاتتىلىقتى ارتتىرۋ ماسەلەلەرىمەن اينالىسادى. حاماد ءاش- شەيباني دارحان كالەتاەۆقا اعىمداعى جىلدىڭ 15-16 قاراشاسىندا دۋبايدا حالىقارالىق تولەرانتتىلىق ءسامميتىن وتكىزۋدى ۇيىمداستىرۋ بويىنشا جوسپارلارىمەن ءبولىسىپ، قازاقستان دەلەگاتسياسىنىڭ اتالعان سامميتكە قاتىسۋىنا سەنىم ءبىلدىردى.

سونداي-اق، دەپارتامەنت باسشىسى استانادا وتەتىن الەمدىك جانە ءداستۇرلى دىندەر ليدەرلەرىنىڭ VI سەزىنە قاتىسۋعا دايىن ەكەندىكتەرىن ءبىلدىردى. بىرىككەن اراب امىرلىكتەرىنىڭ باقىت مينيسترلىگىنىڭ وكىلدەرىمەن كەزدەسۋ بارىسىندا ءباا تاراپى بۇل قۇرىلىمنىڭ قىزمەتى تۋرالى حاباردار ەتتى جانە قازاقستاندىق ارىپتەستەرىمەن ىنتىماقتاستىقتى دامىتۋعا جانە تاجىريبە الماسۋعا دايىن ەكەندىكتەرىن جەتكىزدى.

ەستەرىڭىزگە سالا كەتەيىك، الەمدىك جانە ءداستۇرلى دىندەر ليدەرلەرىنىڭ سەزى العاش رەت 2003 جىلى 23-24 قىركۇيەكتە استانادا وتكەن بولاتىن. ونىڭ جۇمىسىنا يسلام، حريستياندىق، يۋدايزم، سينتويزم، يندۋيزم جانە ءبۋدديزمنىڭ مەيلىنشە بەدەلدى وكىلدەرى قاتىسقان.

سودان بەرى قازاقستاندا ءار ءۇش جىل سايىن وتكىزىلىپ تۇرادى.

بيىل بۇل سەزدى قازان ايىنىڭ 10-11 كۇندەرى استانا قالاسىندا وتكىزۋ جوسپارلانىپ وتىر.

نۇربەك اماندوس

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616