بەيسەنبى, 24 ماۋسىم 2021
دەپ جاتىر 2412 4 پىكىر 26 قىركۇيەك, 2018 ساعات 14:51

استاناعا كىرۋ اقىلى بولماق

 مەملەكەتىمىزدىڭ باس  قالاسى استاناعا كىرۋ اقىلى بولماق. بۇل تۋرالى elorda.info باسىلىمى جازدى.

اقىلى قىزمەت تەك تاڭعى ۋاقىتتا ەنگىزىلەدى دەپ جوسپارلانۋدا، باسقا كەزدە جول ءجۇرۋ تولىعىمەن تەگىن بولادى. ەلوردا اكىمدىگى استاناعا اقىلى كىرۋ جوباسىن قاراستىرىپ جاتىر.

قالانىڭ جول جەلىسىنە جۇكتەمەنى تومەندەتۋ ماقساتىندا قالاعا اقىلى كىرۋ جوباسى پىسىقتالۋ ۇستىندە. بۇل تۋرالى قالالىق ءماسليحاتتىڭ كەزەكتى سەسسياسىندا استانا اكىمىنىڭ ءبىرىنشى ورىنباسارى سەرگەي حوروشۋن حابارلاعان.

"جۇرگىزىلگەن زەرتتەۋلەر مەن استاناعا كەلەتىن كولىكتىڭ كەشەندى تالداۋى كورسەتكەندەي، تاڭعى 7 مەن 9 ارالىعىندا كولىك ساناتىنا بايلانىستى كىرۋدىڭ اقىلى ءتۇرىن ەنگىزۋ كولىك قۇرالدارى قوزعالىسى اعىنىنىڭ ورتاشا جىلدامدىعىن 15-20 پروتسەنتكە ارتتىرۋعا مۇمكىندىك بەرەدى. اتالعان جوبانى جۇزەگە اسىرۋ ءمجا اياسىندا جوسپارلانعان", — دەپ ءتۇسىندىردى اكىمنىڭ ءبىرىنشى ورىنباسارى.

ونىڭ ايتۋىنشا، اقىلى كىرۋدى تەك تاڭعى جۇمىسقا بارۋ ۋاقىتىندا ۇيىمداستىرۋ جوسپارلانۋدا، باسقا ۋاقىتتا كولىكتىڭ كەز كەلگەن ءتۇرى ءۇشىن جول ءجۇرۋ تولىعىمەن تەگىن بولادى.

بۇگىنگى تاڭدا، سەرگەي ءحوروشۋننىڭ سوزىنشە، قالاعا كۇن سايىن التى ماگيسترال (استانا-قاراعاندى، استانا-قوستاناي، استانا-پاۆلودار، استانا-قوسشى، استانا-قورعالجىن، استانا-كوكشەتاۋ) بويىنشا ورتا ەسەپپەن 82 000 كولىك قۇرالى كەلىپ-كەتەدى ەكەن.

Abai.kz

 

4 پىكىر