بۇگىن قوستاناي وبلىسىنا ارنايى بارعان «نۇر وتان» پارتياسى توراعاسىنىڭ ءبىرىنشى ورىنباسارى «رۋحاني جاڭعىرۋ» باعدارلاماسى بويىنشا وڭىردە اتقارىلعان جۇمىستارمەن تانىسۋ بارىسىندا وسىلاي دەدى.

ەلباسى ساياسي كەڭەس وتىرىسىندا «رۋحاني جاڭعىرۋ» باعدارلاماسى «نۇر وتاننىڭ» يدەولوگيالىق پلاتفورماسى بولۋى كەرەكتىگىن ايتقان بولاتىن. سوندىقتان اتالعان باعدارلامانىڭ پارتيا ءۇشىن ماڭىزى جوعارى. وسىعان وراي ماۋلەن اشىمباەۆ قوستاناي وبلىسىنداعى «رۋحاني جاڭعىرۋ» باعدارلاماسىن جۇزەگە اسىرۋ جونىندەگى وڭىرلىك جوبالىق كەڭسەسىنىڭ جۇمىسىمەن ارنايى تانىستى.

جالپى وبلىستا اتالعان باعدارلاما اياسىندا اۋقىمدى جۇمىستار اتقارىلعانىن اڭعارۋ قيىن ەمەس. سونىڭ ىشىندە «تۋعان جەر» جوباسى بويىنشا ورناتىلىپ، قوستاناي قالاسىنىڭ رۋحىن اسقاقتاتىپ تۇرعان شاقشاق جانىبەك باتىردىڭ ەسكەرتكىشىن ەرەكشە اتاپ وتۋگە بولادى. وسىنداي يگى باستامالاردى ەرەكشە اتاپ وتكەن پارتيا توراعاسىنىڭ ءبىرىنشى ورىنباسارى بۇل باعدارلامانىڭ ماڭىزى زور ەكەنىن ايتتى.

– حالقىنىڭ ازاتتىعى ءۇشىن كۇرەسكەن قاھارمان كەيكى باتىردىڭ سۇيەگى ەلگە جەتكىزىلىپ، وسى وبلىسقا قايتا جەرلەنۋى دە تاريحىمىز ءۇشىن ۇلكەن وقيعا. ۇلت اعارتۋشىسى، حالىقتىڭ بىلىمگە دەگەن قۇشتارلىعىن وياتۋ جولىندا ەلەۋلى ەڭبەك ەتكەن ىبىراي التىنسارين كەسەنەسىنىڭ قايتا جاڭعىرتىلۋىن دا اتا-بابالارىمىزعا دەگەن قۇرمەتىمىزدىڭ جارقىن كورىنىسى دەپ قاراستىرۋعا بولادى. وسىنداي كەلەلى ءىستىڭ «رۋحاني جاڭعىرۋ» باعدارلاماسى اياسىندا جۇزەگە اسىرىلىپ جاتقانى كوڭىل قۋانتادى. بۇل باعدارلاما رۋحاني، يدەولوگيالىق، تاربيەلىك ماقساتتاردى جۇزەگە اسىرۋعا دا داڭعىل جول اشىپ بەردى. جالپى وبلىستا بۇل باعدارلامادا بويىنشا كوپتەگەن تىڭ باستامالار قولعا الىنىپ، ۇلتتىق كودتى ساقتاۋ ماقساتىندا ۇلكەن جۇمىستار اتقارىلعانىن كورىپ وتىرمىز. بۇل ەلباسى باعدارلاماسىنىڭ حالىقتىڭ يگىلىگىنە باعىتتالعانىن بىلدىرەدى، – دەدى ماۋلەن اشىمباەۆ.

سونىمەن قاتار ساپار بارىسىندا پارتيا توراعاسىنىڭ ءبىرىنشى ورىنباسارى پارتيانىڭ «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق» اۋداندىق فيليالىنا قاراستى باستاۋىش پارتيا ۇيىمدارىنىڭ توراعالارىمەن جانە كاسىپورىننىڭ ەڭبەك ۇجىمىمەن كەزدەستى. سونداي-اق «پرەزيدەنتتىڭ بەس الەۋمەتتىك باستاماسىنىڭ» جانە پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردىڭ ايماقتا جۇزەگە اسىرىلۋ بارىسىمەن تانىستى.

Abai.kz