29-30 قىركۇيەك كۇندەرى وڭتۇستىك استانادا «الماتى تۋرى 2018» حالىقارالىق شوسسەدەگى كاسىبي ۆەلوجارىسى وتەدى.

ورتالىق ازياداعى ەڭ ءىرى ۆەلوجارىستاردىڭ ءبىرى سانالاتىن «الماتى تۋرى» ۆەلوجارىسى الەمدەگى ۆەلوسپورت جانكۇيەرلەرىنىڭ نازارىن اۋدارىپ، تۋريستەردىڭ دە قىزىعۋشىلىعىن ارتتىرىپ وتىر. جارىستى جىل سايىن 60 ەلدە Eurosport تەلەارناسى ارقىلى تىكەلەي ەفيردەن تاماشالاپ ءجۇر. وسىنىڭ ارقاسىندا ميلليونداعان كورەرمەن قازاقستاننىڭ ەڭ اسەم قالاسىن كورىپ، پەلوتومەن بىرگە مەگاپوليستىڭ جارقىن كوشەلەرىمەن ءجۇرىپ-ءوتىپ، الماتىنىڭ مادەني-تاريحي اتموسفەراسىن سەزىنە الادى، ال كەيىن اڭىزعا اينالعان «مەدەۋ» سپورت كەشەنىنە كوتەرىلۋ ساتىنە كۋا بولادى. وسى سەبەپتەن دە ۇيىمداستىرۋشىلار جىل وتكەن سايىن «الماتى تۋرىنىڭ» مارشرۋتىن قالانىڭ ەڭ كورىكتى جەرلەرىمەن وتەتىندەي قۇرىپ كەلەدى.

بۇل جولى ۇيىمداستىرۋشىلار ءبىرىنشى جانە ەكىنشى كەزەڭدەردە ۆەلوسيپەدشىلەردىڭ قوزعالىسى بارىسىندا جولداردى ديناميكالىق جابۋدىڭ وتكەن جىلعى تاجىريبەسىن قولدانۋدى جوسپارلاپ وتىر. بۇل دەگەنىمىز ەكى كۇندە دە – 29 جانە 30 قىركۇيەكتە جولدار جارىس قاتىسۋشىلارى جۇرەتىن كەزدە عانا جابىلادى دەگەن ءسوز. ال پەلوتون بەلگىلى ءبىر كوشەمەن ءجۇرىپ وتكەندە سول جول بولىگى دەرەۋ اشىلادى.

الايدا قاي جول بولىگىنىڭ ناقتى قاي مينۋتتاردا جابىلاتىنىن ءدال باسىپ ايتۋ مۇمكىن ەمەس – سەبەبى جارىس بارىسىن الدىن الا ءبىلىپ، بولجاپ وتىرۋ وتە قيىن – مۇنىڭ بارلىعى قاتىسۋشى كوماندالاردىڭ جارىسۋ ءادىس-تاسىلدەرىنە بايلانىستى، سورەدەن شىققاندا بىردەن كوش باستاي ما، الدە مارەگە جاقىنداعاندا جىلدامدىق ارتتىرا ما – مۇنىڭ بارلىعى دا ازىرشە جۇمباق. ۆەلوسپورتتىڭ قىزىعى دا وسىندا، مارەگە كىمنىڭ بۇرىن جەتەتىنى جارىس سوڭىنا دەيىن بەلگىسىز بولادى.

سوندىقتان اۆتوكولىك جۇرگىزۋشىلەرى وسى كۇندەرى ءوز باعىتتارىن الدىن الا جوسپارلاعانى دۇرىس بولاتىنىن ەسكەرتەمىز.

29 قىركۇيەك ء(بىرىنشى كەزەك):

10.00-گە «الماتى تۋرى» دوداسىنا قاتىسۋشى كوماندالارىنىڭ تانىستىرىلىمى جوسپارلانعان. سوندىقتان استانا ۋاقىتى بويىنشا 09:30-دان باستاپ «استانا» الاڭىنداعى قوزعالىس جابىلادى.

ال ءبىرىنشى كەزەڭ 12:00-دە «استانا» الاڭىنان باستاۋ الادى. وسى كەزەڭ بويىندا شاباندوزدار 26,1 شاقىرىمعا سوزىلىپ جاتقان جەتى قالالىق اينالىمدى ءجۇرىپ ءوتۋى ءتيىس. جارىس مىنا مارشرۋت بويىندا جۇرەدى:

«استانا» الاڭىنان تولە بي كوشەسىمەن دوستىق داڭعىلىنا دەيىن، سوسىن ساتباەۆ كوشەسىنە دەيىن جوعارى، ول جاقتان نازارباەۆ داڭعىلىنا دەيىن.
بۇل داڭعىلدان ۆەلوشاباندوزدار ءال-فارابيگە جوعارى كوتەرىلەدى. جارىستىڭ ەڭ ۇزاق جولى وسى داڭعىلدا – سپورتشىلار شىعىس باعىتتا مۇستافين كوشەسىنە دەيىن ءجۇرىپ، سول جەردە اينالىپ، قايتادان سەيفۋللين داڭعىلىنا دەيىن جۇرەدى.
بۇل داڭعىلدان جارىس قاتىسۋشىلارى ساتباەۆقا دەيىن تومەنگە جۇرەدى، كەيىن سولعا بۇرىلىپ بايزاقوۆقا دەيىن كەيىن ابايعا دەيىن تومەن بارادى. اباي داڭعىلىنىڭ بويىمەن جەلتوقسان كوشەسىنە جەتىپ، سوسىن تولە بيگە دەيىن تومەن جۇرەدى، سودان «استانا» الاڭىنا بۇرىلىپ، سول بويدا مارەگە جەتەدى.

سپورتشىلار استانا ۋاقىتىمەن شامامەن 16.00-دە كەزەڭدى قورىتىندىلاۋى كەرەك. وسىلايشا ەسكەرتەمىز: 9:30-دەن 17:00-گە دەيىن وسى كورسەتىلگەن جول بولىكتەرىندە جولدار ۋاقىتشا جابىلادى.

30 قىركۇيەكتەگى ەكىنشى كەزەڭ:

ەكىنشى كەزەڭ 11:00-دە Halyk Arena كوپفۋنكتسيونالدى كەشەنىنىڭ الدىنان باستاۋىن الادى. مۇندا ۆەلوسيپەدشىلەر «شااج-ءال-فارابي» اينالىمىن تۇڭعىش پرەزيدەنت ساياباعى الدىنداعى اينالما ارقىلى 4,5 رەت ءجۇرىپ وتەدى. كەيىن ساياباقتان دوستىق داڭعىلىنا دەيىن، ال بۇدان كەيىن مەدەۋ سپورت كەشەنىنە دەيىن جوعارى كوتەرىلەدى. بۇل جول بولىگىندە جول قوزعالىسى 11:00-دەن 16:00-گە دەيىن (شامامەن) شەكتەلەدى.

سونىمەن قاتار، «مەدەۋدەگى» مارەدە بولاتىن قىزىقتى كورگىسى كەلەتىندەرگە 10:00-دەن 12:00-گە دەيىن قۇرمانعازى كوشەسى مەن دوستىق داڭعىلىنىڭ («داريدجاني» مەيرامحاناسىنا قاراما-قارسى تۇستا) قيىلىسىنان تەگىن اۆتوبۋستار قاتىناي باستايتىنىن ەسكەرتەمىز. جارىس اياقتالعاندا وسى تەگىن اۆتوبۋستار قالاعا قايتادى.

Abai.kz