شىعىس قازاقستاننىڭ زىريان اۋدانى مەن قالاسىن التاي دەپ اتاۋ ۇسىنىسىن اۋداندىق ءماسليحات دەپۋتاتتارى مەن جەرگىلىكتى قوعامدىق ۇيىم مۇشەلەرى ءبىراۋىزدان قولدادى،-دەپ حابارلايدى قازاقپارات ءتىلشىسى.

بۇل ماسەلە جونىندە 25-قىركۇيەك كۇنى Abai.kz پورتالى “زىريان اۋدانىنىڭ اتىن التاي دەپ وزگەرتىلۋىنە قولداۋ بىلدىرەيىك...” دەپ ماقالا جازعان بولاتىن.  ول الەۋمەتتىك جەلىدە قىزۋ تالقىعا ءتۇسىپ، مىڭعا جۋىق ادام قولداپ، بولىسكەن.

ال، بۇگىن قالالىق مادەنيەت ۇيىندە  اۋداندىق ءماسليحات دەپۋتاتتارى جاڭا اتاۋدى ءبىر اۋىزدان قولداپ، داۋىس بەرگەن. ءسويتىپ، ءبىر ساعاتقا سوزىلعان جيىندا قوعامدىق كەڭەس وكىلدەرى ءبىر توقتامعا كەلىپ، شاھار اتىن "التاي" دەپ اۋىستىرۋ قاجەت دەگەن شەشىم قابىلداپ، تۇراقتى كەڭەس مۇشەلەرى دە بۇل ۇسىنىستى ءبىراۋىزدان قولداعان.

ال، ءبىز وسى قۋانىشپەن ءبولىسۋدى ءجون كوردىك!

Abai.kz