مەملەكەتتىك باسقارۋ اكادەمياسىنىڭ اقمولا وبلىسى فيليالىندا اقمولا وبلىسىنىڭ ادەپ جونىندەگى كەڭەسىنىڭ مۇشەلەرى مەملەكەتتىك قىزمەتكە جاڭا كەلىپ تۇسكەن مەملەكەتتىك قىزمەتشىلەرمەن بەيرەسمي كەزدەسۋ وتكىزدى،  - دەپ حابارلايدى اباي-اقپارات.

 قازىرگى زامانعى مەملەكەتتىك قىزمەت جاھاندىق ماسەلەلەرگە توزىمدىلىكتى قالىپتاستىرۋ جولىندا مەملەكەتتىك قىزمەتشىلەرگە جاڭا تالاپتار قويادى. بۇگىنگى كۇنى ءبىز كەز-كەلگەن جاعدايلاردا ءتيىستى تاسىلدەر مەن ايرىقشا شەشىمدەر تابۋعا قابىلەتتى، ەرەكشە ويلايتىن جاڭا فورماتتاعى مەملەكەتتىك قىزمەتشىلەردى قالىپتاستىرۋدى كوزدەيتىن ماڭىزدى ميسسيانى جۇزەگە اسىرامىز.

وسى ماقساتقا قول جەتكىزۋ جولىندا تۋىندايتىن ماسەلەلەردى شەشۋ جانە جويۋ قاجەتتىلىگى تۋىنداپ وتىر. تاجىريبەگە سۇيەنەر بولساق، قازىرگى زاماننىڭ ءداستۇرلى راسىمىنە اينالعان بەيرەسمي كەزدەسۋلەر كوپتەگەن ماسەلەلەردىڭ شۇعىل شەشىلۋىنە، مەملەكەتتىك قىزمەتشىلەردى جاڭا داعدىلارعا جىلدام ۇيرەتۋگە، مادەني الماسۋعا، تاجىريبە قابىلداۋعا جانە وي-ءورىستىڭ كەڭەيۋىنە ىقپال ەتەدى.

مەملەكەتتىك باسقارۋ اكادەمياسى فيليالىندا اقمولا وبلىسىنىڭ ادەپ جونىندەگى كەڭەسىنىڭ مۇشەلەرى مەملەكەتتىك قىزمەتكە جاڭا كەلىپ تۇسكەن مەملەكەتتىك قىزمەتشىلەرمەن كەزدەسۋ وتكىزدى. كەزدەسۋدىڭ قاتىسۋشىلارى اراسىندا ەركىن ديالوگتىق الاڭ قۇرۋ ماقساتىندا كەزدەسۋ بەيرەسمي، باسقا سوزبەن ايتقاندا «گالستۋكسىز» فورماتتا وتكىزىلىپ، ول ءوز كەزەگىندە اشىق جانە ىزدەنىستىك اڭگىمەنىڭ تۋىنداۋىنا ىقپال ەتتى.

كەزدەسۋ «رۋحاني جاڭعىرۋ» باعدارلاماسىنىڭ اياسىندا وتكىزىلىپ، قاتىسۋشىلار بولسا مەملەكەتتىك قىزمەتشىلەردىڭ ساناسىن جاڭعىرتۋ بىرقاتار ادەتتەر مەن تاپتاۋرىنداردىڭ وزگەرۋىنسىز مۇمكىن ەمەستىگىن اتاپ ءوتتى. بۇل ءۇشىن ءاربىر مەملەكەتتىك قىزمەتشى ءوز قالاۋىمەن تۇرلەنىپ، جۇمىسىنا ءوز قاتىناسىن وزگەرتۋى، ءوزىنىڭ ماڭىزدى ءرولىن ءتۇسىنۋى ءتيىس. سونىمەن قاتار كەزدەسۋدىڭ مۇشەلەرى مەملەكەتتىك قىزمەتشىنىڭ ءتيىمدى جۇمىسىنا، ساناسىنىڭ وزگەرۋىنە بوگەت بولاتىن كۇندەلىكتى قىزمەتتەگى «ارتىق» ەلەمەنتتەردەن قۇتىلۋدىڭ قاجەتتىلىگىن اتاپ ءوتتى.

جاستارمەن جاسالعان جۇمىستىڭ جاڭا ۇلگسى ەكى جاقتىڭ دا كوڭىلىنەن شىقتى. بەلى قاتپاعان جاس مەملەكەتتىك قىزمەتشىلەر جەمقورلىقتىق قۇقىق بۇزۋشىلىقتاردىڭ الدىن الۋ، مەملەكەتتىك قىزمەت جۇيەسىن جەتىلدىرۋ، مەملەكەتتىك قىزمەتشىلەردىڭ ادەپ كودەكسى تالاپتارىن ۇستانۋى، ولاردىڭ سىرتقى كەلبەتى مەن الەۋمەتتىك جەلىلەردە ءوزىن ءوزى ۇستاۋى سياقتى مەملەكەتتىك ورگانداردىڭ قىزمەتىنىڭ ءتۇرلى باعىتتارى بويىنشا ءوز پىكىرلەرىن بەلسەندى ءبىلدىرىپ وتىردى.

جيىن بارىسىندا مەملەكەتتىك قىزمەتشىلەردىڭ ادەپتىلىك دەڭگەيىن ارتتىرۋداعى ادەپ جونىندەگى كەڭەستىڭ رولىنە كوڭىل ءبولىندى. ىسكەري ادەپتىلىكتى جانە رەسمي ادەپتىلىك تالاپتارىن ۇستانۋدىڭ، سونىمەن قاتار مەملەكەتتىك قىزمەتشىلەردىڭ ۇستامدىلىعى مەن سىرتقى كەلبەتىنىڭ ۇقىپتىلىعى ادەتكە اينالۋى ءتيىس ەكەنى ايتىلدى.

«مەملەكەتتىك قىزمەتشى قوعام تاراپىنان نەگىزدى سىنعا سەبەپكەر بولماۋى جانە ادەپ كودەكسىنىڭ تالاپتارىن مۇلتىكسىز ۇستانۋى ءتيىس. باسشىلار بولسا ءوز قاراماعىنداعى قىزمەتشىلەر ءۇشىن ارقاشان ۇلگى-ونەگە بولىپ، مەريتوكراتيا قاعيداسىنىڭ ۇستانىلۋىن قامتاماسىز ەتۋگە ءتيىستى» - دەپ ادەپ جونىندەگى كەڭەس توراعاسى، قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى بەرگەن بەسپالينوۆ ءوز ءسوزىن جالعاستىردى.

سونىمەن قاتار بەرگەن بەسپالينوۆ مەملەكەتتىك قىزمەتتىڭ گۇلدەنۋىنە جول اشاتىن باستى شارتتاردىڭ ءبىرى - باسشىلار مەن ونىڭ قاراماعىنداعى قىزمەتكەرلەر اراسىنداعى ايرىقشا سەنىم مەن ىنتىماق ەكەنىن ايتادى. ونىڭ ايتۋىنشا، وسى شارت جۇمىستىڭ تيىمدىلىگىنە ىقپال ەتەدى.

ديالوگ ءۇشىن بولىنگەن ءبىر ساعات كوزدى اشىپ جۇمعانشا ءوتىپ كەتتى. ادەپ جونىندەگى كەڭەس مۇشەسى، وبلىستىق ءماسليحات دەپۋتاتى الىبەك بايماعامبەتوۆ جاستارعا كوبىرەك باستاماشىلدىق تىلەپ، ەلىمىزدىڭ ەرتەڭگى جەتىستىكتەرى بۇگىنگى جاس قازاقستاندىقتاردىڭ بەلسەندى ۇستانىمىنا، ەڭبەكقورلىعىنا جانە ماقساتتىلىعىنا بايلانىستى ەكەنىن ايتتى.

كەزدەسۋدە ادەپ جونىندەگى كەڭەس مۇشەسى، «قازاقستاننىڭ ىسكەر ايەلدەر وداعى» قوعامدىق بىرلەستىگىنىڭ اقمولا وبلىسىنداعى وكىلى شايكينا تۇرسىنحان مەملەكەت پەن بيزنەستىڭ اراداعى ءوزارا قاتىناسىنا توقتالىپ ءوتتى.

ءدال وسىنداي گالستۋكسىز كەزدەسۋ 24 قىركۇيەكتە جاستار ساياساتى ماسەلەلەرى باسقارماسىندا وتكەن. كەزدەسۋگە قاتىسۋشىلار – ءوز تاعدىرلارىن مەملەكەتتىك قىزمەتپەن بايلانىستىرۋدى جوسپارلايتىن جوو ستۋدەنتتەرى.

كەزدەسۋ سوڭىندا بەرگەن بەسپالينوۆ قاتىسۋشىلارعا بەلسەندىلىك تانىتقانى، جاقسى يدەيالار مەن ۇسىنىمدار بىلدىرگەنى ءۇشىن العىس ءبىلدىرىپ، بارلىق پايدالى جانە نەگىزدى يدەيالاردىڭ قاجەتتى قولداۋعا جانە كومەككە يە بولاتىنىنا سەندىردى. قاتىسۋشىلارعا العا قويعان ماقساتتارعا قول جەتكىزۋدە ايرىقشا سەنىمدىلىك، قوعامدىق باستامالاردا بەلسەندىلىك تىلەپ، جاستارمەن وسىنداي كەزدەسۋلەردىڭ ءجيى وتكىزىلەتىنىن مالىمدەدى.

Abai.kz