ولار الماتىداعى گەرمانيا كونسۋلدىعىنا بارىپ، وسى ەلدىڭ كانتسلەرى انگەلا مەركەلدەن كومەك سۇراعان حاتىن تاپسىردى. كونسۋلدىق وكىلى جينالعان ادامداردىڭ ەكەۋىن عانا كىرگىزىپ، حاتىن قابىلداپ الدى.

جينالعان ونداعان ادام قىتايدا تۋىستارىنىڭ "ساياسي ۇيرەنۋ ورتالىقتارىندا" جازىقسىز قاماۋدا وتىرعانىن، قازاقستان بيلىگىنەن، حالىقارالىق قۇقىق قورعاۋ ۇيىمدارىنان ولاردى بوساتۋعا جاردەم قىلۋىن سۇرادى. تۋىستارىنىڭ الدى بىرنەشە جىل قاماۋدا وتىر. ولاردىڭ سوزىنشە، قامالعاندار قاتارىندا يمام مەن مۇعالىمدەر دە بار.

قىتايدا جەرگىلىكتى قازاقتاردىڭ قىسىم كورىپ جاتقانى تۋرالى 2017 جىلدىڭ ءساۋىر ايىنان حابارلانا باستاعان. بىلتىر استانادا وتكەن دۇنيەجۇزى قازاقتارىنىڭ قۇرىلتايى كەزىندە ەۋروپالىق قازاق ءومىرحان التىن بۇل ماسەلەنى قازاقستان پرەزيدەنتى نۇرسۇلتان نازارباەۆتىڭ الدىندا كوتەرگەن.

Abai.kz