شاراعا 250-دەن استام ءىرى حالىقارالىق كورپوراتسيالاردىڭ وكىلدەرى قاتىستى، ولاردىڭ قاتارىندا Backer & McKenzie, سhevron, GE Transportation Digital, RocketSpace Capital جانە ت.ب. بار.
كونفەرەنتسيانىڭ اشىلۋىندا قازاقستان تاراپىنان قر پرەمەر-ءمينيسترىنىڭ ورىنباسارى اسقار جۇماعاليەۆ العى ءسوز سويلەدى. امەريكا قۇراما شتاتتارى قاشان دا قازاقستاننىڭ ستراتەگيالىق ماڭىزدى سەرىكتەسى بولدى. امەريكا مەن قازاقستان 26 جىل ىشىندە ءوزارا سەنىمنىڭ، سەرىكتەستىكتىڭ تەڭدەسسىز دەڭگەيىنە قول جەتكىزدى.
«بۇگىن مەن وسى جەرگە وتە ماڭىزدى ميسسيانى – اق ۇيدە ەكى ەلدىڭ كوشباسشىلارى قول قويعان كەلىسىمدەردىڭ ورىندالۋىن قامتاماسىز ەتۋگە كەلدىم. قازىرگى تاڭدا ەلدەرىمىز ءۇشىن قالىپتاسىپ جاتقان وڭ ۇردىستەرگە سۇيەنىپ، يننوۆاتسيالار مەن ءبىلىم سالاسىنداعى جوبالارعا كوشۋدىڭ ۋاقىتى جەتتى. سوڭعى بىرنەشە جىلدا قازاقستان رەفورمالاردىڭ ەلەۋلى باعدارلاماسىن اياقتادى، بۇل ىسكەرلىك جانە ينۆەستيتسيالىق احۋالدى جاقسارتۋعا، سونداي-اق، ەلىمىزدى ايماقتىق ءارى جاھاندىق ساۋدا سالاسىنا كىرىكتىرۋگە جول اشتى»، — دەدى قر پرەمەر-ءمينيسترىنىڭ ورىنباسارى.
قازاقستاننىڭ اقپاراتتىق تەحنولوگيالار، كەن ءوندىرۋ جانە مەتاللۋرگيا، ماشينا جاساۋ، اۋىل شارۋاشىلىعى ءتارىزدى ەكونوميكانىڭ شيكىزاتتىق ەمەس سەكتورلارىندا، سونىمەن قاتار، ازىق-تۇلىك، حيميا جانە مۇناي حيمياسى ونەركاسىبىندە پەرسپەكتيۆالارى زور. قازاقستاندا ارتاراپتاندىرىلعان، بىلىمگە نەگىزدەلگەن ەكونوميكاعا كوشۋ تۇرعىسىنان تسيفرلاندىرۋ باعدارلاماسى بەلسەندى تۇردە ەنگىزىلىپ جاتىر. «تسيفرلىق قازاقستان» مەملەكەتتىك باعدارلاماسى اياسىندا ادام كاپيتالىن دامىتۋ، تسيفرلىق ۇكىمەت پەن تسيفرلىق ەكونوميكانى قۇرۋ، ەلىمىزدىڭ بارلىق تۇكپىر-تۇكپىرىن كەڭ جولاقتى بايلانىس جەلىسىمەن قامتاماسىز ەتۋ، سونداي-اق، يننوۆاتسيالىق ەكوجۇيەنى قولداۋ بويىنشا ءتۇرلى شارالار قابىلدانىپ جاتىر.
«مەملەكەت باسشىسى ن. نازارباەۆتىڭ باستاماسىمەن ءبىز حالىقارالىق ات-ستارتاپتار تەحنوپاركىن قۇردىق (Astana Hub). بۇل ات-كومپانيالار، ينۆەستورلار مەن باسقا دا تۇلعالار ءۇشىن تسيفرلىق دامۋدى قولداۋداعى بىرەگەي مۇمكىندىك. ونىڭ رەسمي اشىلۋى بيىلعى جىلدىڭ 5 قاراشاسىنا جوسپارلانىپ وتىر. مەن سىزدەردى وسى ماڭىزدى وقيعاعا شاقىرعىم كەلەدى. امەريكالىق سەرىكتەستەرىمىزدى ءبىزدىڭ اۋقىمدى جوسپارلارىمىزدى بارىنشا پايدالانۋعا شاقىرامىز. ءبىز ينۆەستيتسيالىق ىنتالاندىرۋ مەن مەملەكەتتىك قولداۋدى پايدالانۋعا، قازاقستانعا ينۆەستيتسيالار سالۋعا ءازىر بارشانى قۋانا قولدايمىز»، — دەدى ا. جۇماعاليەۆ.
سونىمەن قاتار، كونفەرەنتسيا الاڭىندا قر پرەمەر-ءمينيسترىنىڭ ورىنباسارى ا. جۇماعاليەۆ Chevron كومپانياسىنىڭ ەۋروپا، ەۋرازيا جانە تاياۋ شىعىس ايماقتارىنداعى بارلاۋ مەن كەن ءوندىرۋ جونىندەگى پرەزيدەنتى ت. لەۆيمەن، Theia Group كومپانياسىنىڭ باس اتقارۋشى ديرەكتورى C. و’نيللمەن، Baron Services كومپانياسىنىڭ اتقارۋشى ۆيتسە-پرەزيدەنتى ر. بارونمەن، RocketSpace Capital كومپانيانىڭ تەڭ يەسى ل. كاگانمەن، Network 1 Financial كومپانياسىنىڭ باس اتقارۋشى ديرەكتورى ر. حانتومسپەن، W.R. Grace كومپانياسىنىڭ توراعاسى جانە باس اتقارۋشى ديرەكتورى ك. كوۋلمەن، سونىمەن قاتار Verno Capital كومپانياسىنىڭ ينۆەستيتسيالار جونىندەگى باس ستراتەگى ر. نەشپەن بىرقاتار ەكىجاقتى كەزدەسۋلەر وتكىزدى. ەنەرگەتيكا، كولىك جانە لوگيستيكا، اقپاراتتىق تەحنولوگيالار جانە ساۋدا سالاسىنداعى ىنتىماقتاستىق پەرسپەكتيۆالارى تالقىلاندى. قازاقستاندىق تاراپتان كەزدەسۋلەرگە سونىمەن قاتار قازاقستان رەسپۋبليكاسىنىڭ امەريكا قۇراما شتاتتارىنداعى توتەنشە جانە وكىلەتتى ەلشىسى ە. قازىحانوۆ، قر ينۆەستيتسيالار جانە دامۋ ۆيتسە-ءمينيسترى ا. قابىكەنوۆ، قر ەنەرگەتيكا ۆيتسە-ءمينيسترى ب. اقشولاقوۆ، «Kazakh Invest» ۇك» اق» باسقارما توراعاسى س. تۇياقباەۆ، «تدۇا» اق باسقارما توراعاسى م. وماروۆ جانە باسقالارى قاتىستى.
كونفەرەنتسيا بارىسىندا «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ احقو-نىڭ جۇمىس ىستەي باستاۋىن جانە Kazakh Invest-ءتىڭ ينۆەستورلارعا قولداۋ كورسەتۋگە باعىتتالعان حالىقارالىق جانە ايماقتىق وكىلدىكتەر جەلىلەرىنىڭ دامىپ كەلە جاتقانىن ەسكەرە وتىرىپ، شاراعا قاتىسۋشىلارمەن قازاقستاندا حالىقارالىق بيزنەستى جۇرگىزۋ جانە دامىتۋ ءۇشىن بار مۇمكىندىكتەردى تالقىلادى.
دەرەككوز: قر پرەمەر-ءمينيسترىنىڭ سايتى.
Abai.kz
