اعايىندى ياۋشەۆتەر سالدىرعان مەشىت - قوستانايدىڭ، ءتىپتى قازاق حالقىنىڭ رۋحاني ءھام ساۋلەتتىك ونەرىنىڭ قىمبات قازىناسى. مەشىتتى ءوزىنىڭ باعىتىندا جانە ساۋلەت ونەرىنىڭ مۇراسى رەتىندە ساقتاپ قالۋ قوستانايدىڭ تانىمالدىعىن ارتتىرارى ءسوزسىز.

بالكىم، انگلياداعى سولسبەريگە شىركەۋدىڭ ءشپيلىن تاماشالاۋعا بارعان "رەسەيلىك تۋريستەر" سەكىلدى قوستانايدىڭ مەشىتىن كورۋگە قازاننان، تۇركيادان تۋريستەر اعىلىپ قالۋى دا عاجاپ ەمەس! كىم بىلەدى بولاشاقتا بۇرىنعى كەڭەستىك شەڭبەرىندەگى ەلدەردىڭ ءال-اۋقاتى اسقان ۋاقىتتا وسى ءبىر ساۋلەت ونەرىن الديلەپ كەلىپ تاماشالاپ كەتۋشىلەر قاتارى كوبەيەر؟!

پاتشا زامانىنىڭ تۇسىندا پروۆوسلاۆيا دىنىننەن بولەك جۇرت قوستاناي قالاسىنا كىرە الماي جۇرگەن كەزدە قالانىڭ ورتالىعىنا ءوزىنىڭ ء"ى دارەجەلى كوپەس" دەگەن اتاق-ابىرويى، بەدەلى ارقىلى مۇسىلمان مەشىتىن سالدىرعان ياۋشەۆتەر - قۇرمەتكە لايىق تۇلعالار.

ءتۇبى ءبىر تۇركى ەلىنىڭ ءبىر بۇتاعى تاتار جۇرتىنان شىققان ياۋشەۆتەردىڭ قوستاناي قالاسىنىڭ تاريحىنان الار ورنى بولەك! سوندىقتان دا مەشىتتى ساۋلەت ونەرىنىڭ مۇراسى رەتىندە ساقتاپ قالۋ بىزگە مىندەت بولۋعا ءتيىس.

الماسبەك ابسادىق

Abai.kz