ساۋد ارابياسى جامال حاشوگگيدىڭ ستامبۋل كونسۋلدىعىندا ءولتىرىلۋىن "ۇلكەن قاتەلىك" دەپ اتاپ، كىنالىلەردى جازالاۋعا ۋادە بەردى.

سىرتقى ىستەر ءمينيسترى ادەل ءال-جۋبەيردىڭ جەكسەنبى كۇنى Fox News تەلەارناسىنا مالىمدەۋىنشە، ساۋد اگەنتتەرى "قۇزىرەتتەرىن اسىرا پايدالانعان". مينستر بولعان وقيعانى "سانكتسيالانباعان وپەراتسيا" دەپ اتادى.

ساۋد ديپلوماتياسىنىڭ باسشىسى حاشوگگي وتباسىنا كوڭىل ايتتى، بىراق ءجۋرناليستىڭ قالاي ولتىرىلگەنىن جانە ونىڭ دەنەسى قايدا ەكەنىن حابارلامادى. بۇل وقيعاعا ەلدى باسقارىپ وتىرعان تاق مۇراگەرى موحامماد بين سالماننىڭ قاتىسى بار-جوعى توڭىرەگىندە مينيستر ەشتەڭە ايتپادى.

"ۇلكەن قاتەلىك كەتكەنى انىق، ونى جاسىرۋ ارقىلى جاعدايدى ودان سايىن قيىنداتقان", - دەدى ءال-جۋبەير.

ساۋد بيلىگىنىڭ سەنبى كۇنى مالىمدەۋىنشە، 59 جاستاعى حاشوگگي 2 قازاندا سوڭى توبەلەسكە ۇلاسقان جانجال سالدارىنان قازا تاپقان. ەر-ريادتىڭ بۇل مالىمدەمەسى حالىقارالىق قاۋىمداستىقتىڭ نارازىلىعىن تۋعىزدى. "الداپ سوققانى انىق", - دەپ مالىمدەدى سەنبى كۇنى اقش پرەزيدەنتى دونالد ترامپ.

ساۋد ارابياسىنىڭ مالىمدەۋىنشە، حاشوگگيدىڭ ولىمىنە قاتىستى نەگىزگى بەس شەنەۋنىك قىزمەتتەن الىنىپ، تاعى 18 ادام قامالعان.

The New York Times گازەتىنىڭ حابارلاۋىنشا، ساۋد ارابياسى Twitter'دەگى ينتەرنەت-تروللدەردى حاشوگگي مەن باسقا دا سىنشىلاردى قۋدالاۋ ءۇشىن پايدالانعان. باسىلىم مالىمەتى بويىنشا، ساۋد اگەنتتەرى سىنشىلاردى الەۋمەتتىك جەلىلەردە قۋدالاۋ ناۋقانىن 2010 جىلى باستاعان. گازەت مۇنداي ستراتەگيانى ساۋد تاق مۇراگەرى ءال-كاحتاني جاساعان دەپ جازدى.

Abai.kz