قازاقستاننىڭ مەملەكەتتىك شەكاراسىن دەليميتاتسيالاۋ تولىعىمەن اياقتالدى، - دەپ حابارلايدى اباي-اقپارات قازاقپارات سايتىنا سىلتەمە جاساپ.

قازاقستان رەسپۋبليكاسى پارلامەنتى سەناتىنىڭ جالپى وتىرىسىندا «قازاقستان، تۇرىكمەنستان جانە وزبەكستان رەسپۋبليكالارىنىڭ اراسىنداعى مەملەكەتتىك شەكارالاردىڭ ءتۇيىسۋ نۇكتەسى بويىنشا شارتتى راتيفيكاتسيالاۋ تۋرالى» زاڭ قابىلداندى.

كەلىسىمگە سايكەس،  ۇش مەملەكەتتىڭ مەملەكەتتىك شەكارالارىنىڭ ءتۇيىسۋ نۇكتەسى ءۇستىرت قىراتىنىڭ اۋماعىندا ورنالاسقان. كەلىسىمنىڭ شەكتىك مەرزىمى جوق جانە ونى بۇزۋعا بولمايدى.

“بۇل زاڭ - قازاقستاننىڭ مەملەكەتتىك شەكاراسىنىڭ ورنالاسۋى مەن باعىتىن انىقتاۋ پروتسەسىنىڭ اياقتالعانىن بىلدىرەدى. جانە، ءتۇيىسۋ نۇكتەسىندەگى اۋماقتىق داۋلاردىڭ تۋىنداۋىنا سەبەپ بولاتىن العىشارتتاردى جويىپ، ەلىمىزدىڭ ۇلتتىق قاۋىپسىزدىگىن نىعايتا تۇسەدى” - دەدى قر سىرتقى ىستەر ءمينيسترى قايرات ءابدىراحمانوۆ.

مينيستر بۇل كەلىسىم قازاقستاننىڭ مەملەكەتتىك شەكاراسىن دەليميتاتسيالاۋدى تولىقتاي اياقتاعان سوڭعى قۇجات ەكەنىن اتاپ ءوتتى.

Abai.kz