اۋعان اسكەرىنىڭ فاراح پروۆينتسياسىنداعى رەسمي وكىلى نۋرۋلحاك حوليكي تىكۇشاقتا شامامەن 20 ادام بولعانىن حابارلادى. ولاردىڭ اراسىندا فاراح پروۆينتسياسى كەڭەسىنىڭ باسشىسى فاريد باحتاۆار، پروۆينتسيا كەڭەسىنىڭ مۇشەسى جاميلا اميني جانە 207-اسكەر كورپۋسىنىڭ قولباسشىسى نەگماتۋللاح حاليل بولعان.
حوليكيدىڭ ايتۋىنشا، تىكۇشاق گەراتقا ۇشىپ بارا جاتقان، اۋا رايىنىڭ قولايسىزدىعىنا بايلانىستى ول تاۋعا سوعىلعان.
جولاۋشىلاردىڭ تاعدىرى تۋرالى مالىمەت ءالى تۇسپەدى، دەدى اۋعان اسكەرىنىڭ وكىلى. بىراق جەرگىلىكتى اقپارات قۇرالدارى اپاتتان ەشكىم امان قالماعانىن حابارلاپ ۇلگەردى. اپات سەبەپتەرى انىقتالىپ جاتىر. انوردارا اۋدانىنا قۇتقارۋشىلار توبى جەتكىزىلدى.
بۇل ۋاقىتتا، Ariana News پورتالى اپات جاۋاپكەرشىلىگىن "تاليبان" قوزعالىسى موينىنا العانىن حابارلاعان. تالىپتەر اسكەري تىكۇشاقتى "سودىرلار اتىپ ءتۇسىردى" دەگەن.
Abai.kz
