بەيسەنبى, 28 ناۋرىز 2024
3506 1 پىكىر 1 قاراشا, 2018 ساعات 10:23

ب. ساعىنتاەۆ تۋريزم سالاسىن دامىتۋ ماسەلەلەرى جونىندە كەڭەس وتكىزدى

ۇكىمەت ۇيىندە قر پرەمەر-ءمينيسترى باقىتجان ساعىنتاەۆ ەلىمىزدە تۋريزم سالاسىن دامىتۋ ماسەلەلەرى جونىندە كەڭەس وتكىزدى.

كەڭەس بارىسىندا 2019–2025 جىلدارعا ارنالعان ىشكى جانە سىرتتان كەلۋشىلەر ءتۋريزمىن دامىتۋدىڭ مەملەكەتتىك باعدارلاماسىنىڭ، سالالىق زاڭ جوباسىنىڭ جانە قازاقستاننىڭ ەلدىك تۋريستىك برەندىنىڭ جوبالارى تانىستىرىلدى.

بۇدان وزگە، ەلىمىزدىڭ تۋريستيفيكاتسياسىنىڭ رەسپۋبليكالىق كارتاسىنىڭ 10 ۇزدىك ورنىن دامىتۋدىڭ شەبەرلىك جوسپارلارى تالقىلاندى.

قر پرەزيدەنتى ن. نازارباەۆ 2018 جىلعى 10 قاڭتارداعى جولداۋىندا الەمدەگى ءاربىر ونىنشى جۇمىس ورنىن اشىپ وتىرعان سىرتتان كەلۋشىلەر ءتۋريزمى مەن ىشكى ءتۋريزمدى دامىتۋ كەز كەلگەن ءوڭىر ءۇشىن پەرسپەكتيۆالىق تابىس كوزدەرىنىڭ ءبىرى بولىپ سانالاتىنىن اتاپ كورسەتتى. وسىعان وراي ەلباسى ۇكىمەتكە ۆيزا ماسەلەلەرىن جەڭىلدەتۋدى، ينفراقۇرىلىمدى دامىتۋدى جانە تۋريزم سالاسىنداعى كەدەرگىلەردى الىپ تاستاۋدى قامتيتىن كەشەندى شارالار قابىلداۋدى تاپسىردى.

مادەنيەت جانە سپورت ءمينيسترى ا. مۇحامەديۇلى ءوز بايانداماسىندا اتاپ وتكەندەي، مەملەكەتتىك باعدارلامانىڭ جوباسىندا ۇسىنىلعان ءتۋريزمدى دامىتۋ جونىندەگى 10 باستى شارا ماقساتتى كورسەتكىشتەرگە قول جەتكىزۋگە 80% اسەر بەرەدى. ولاردىڭ قاتارىندا ءتۋريزمنىڭ باسىم اۋماقتارىن انىقتاۋ، جەڭىلدىكتى نەسيە بەرۋ، تۋريزم سالاسىنداعى شوب جوبالارىن مەملەكەتتىك قولداۋ، ماركەتينگ جانە ىلگەرىلەتۋ، ۆيزالىق–كوشى-قون ساياساتىن جەتىلدىرۋ، شەكارادا وتكىزۋ پۋنكتەرىن جاڭعىرتۋ، اۋە كەڭىستىگىن ىرىقتاندىرۋ، ۇلتتىق پاركتەردى باسقارۋدىڭ جاڭا مودەلىن ەنگىزۋ جانە ءتۋريزمدى ىنتالاندىرۋعا باعىتتالعان باسقا دا شارالار بار.

قاتار ازىرلەنگەن جانە كەڭەس بارىسىندا ۇسىنىلعان ءتيىستى زاڭ جوباسى العا قويىلعان مىندەتتەردىڭ ورىندالۋىنا قاجەتتى قۇقىقتىق نەگىزدى قۇرۋعا باعىتتالعان.

ەلىمىزدىڭ تۋريزم بيزنەسىنىڭ وكىلدەرى دا ناقتى ۇسىنىستار پاكەتىن ۇسىندى. الماتى ءوڭىرىنىڭ تۋريستىك كلاستەر قاۋىمداستىعىنىڭ باسشىسى د. قىدىرباەۆ تاۋ شاڭعىسى كلاستەرىن دامىتۋ كەلەشەگى تۋرالى ايتىپ بەردى. قازاقستاننىڭ اڭشىلار قوعامىنىڭ باسشىسى ق. جۇماليەۆ ءوزىنىڭ باعىتى بويىنشا ۇسىنىستار جاسادى. «Airport Management Group» جشس باس ديرەكتورىنىڭ ورىنباسارى ا. مۇراتباەۆ اۋە كەڭىستىگىن ىرىقتاندىرۋدىڭ ارتىقشىلىقتارى تۋرالى اقپارات بەرىپ ءوتتى.

سونىمەن قاتار، ماسەلەنى تالقىلاۋعا بەينەكونفەرەنتسيا رەجيمىندە ۇلتتىق ەكونوميكا ءمينيسترى ت. سۇلەيمەنوۆ، قارجى ءمينيسترى ءا. سمايىلوۆ، ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا قاتىستى.

كەڭەس قورىتىندىسى بويىنشا باقىتجان ساعىنتاەۆ مادەنيەت جانە سپورت مينيسترلىگىنە مۇددەلى مەملەكەتتىك ورگاندارمەن بىرلەسىپ ايتىلعان ۇسىنىستاردى ەسكەرە وتىرىپ، جوبانى پىسىقتاپ، ۇكىمەت قاراۋىنا ەنگىزۋدى تاپسىردى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511