بەيسەنبى, 22 تامىز 2019
الەۋمەت 1417 4 پىكىر 1 قاراشا, 2018 ساعات 11:03

سوت پارمەنى مۇناي قالدىقتارىن تازالاتۋعا جەتپەي وتىر

بۇدان بىرنەشە كۇن بۇرىن قۇلسارىعا اتىراۋدان "اق جايىق" گازەتىنىڭ ءتىلشىسى ءلاززات قاراجانوۆا ءىس ساپارمەن كەلىپ كەتتى. قالا توڭىرەگىنە شلام، مۇناي قالدىقتارى توگىلگەن "جاۋلىباي" بەيىتى ماڭىنداعى 3-نىسانعا باردى. مۇناي قالدىقتارىن قالا ىرگەسىنە توگىپ كەتكەن، توكتىرگەن جانە قىلمىسكەرلەردى ءالى كۇنگە دەيىن قورعاپ وتىرعانداردىڭ ءبارى - حالىقتىڭ، ۇرپاقتىڭ جاۋلارى! ال قالايشا مۇنى قۇقىق قورعاۋ قىزمەتكەرلەرى اسپاننان بۇگىن سالبىراپ تۇسكەندەي اڭ-تاڭ كەيىپتە بىلمەي قالادى. دەمەك، ءبارى سىبايلاس، بولماسا تيىندارىن الىپ العان.

جالپى ەكولوگياعا وراسان زيانى بار بۇل مۇناي قالدىقتارى وتكەن 29-قىركۇيەككە دەيىن الىنۋى ءتيىس بولاتىن. سوتتىڭ شەشىمى بار دەلىنگەن. اكىم-ساكىمنىڭ ءبارى بۇل جەرگە كەلىپ ءوز كوزدەرىمەن كورىپ كەتكەن. الايدا، سول باياعى قۇر ۋادە، سول باياعى الدارقاتىپ شىعارىپ سالۋ، سول باياعى قۋ شوپپەن اۋىز سۇرتۋدەن ارىگە بارا الماي وتىر!

ءوز دەگەنىن زاڭمەن جاساتا الماسا، سوت پەن اكىمدەر  سونشا لاۋازىمدارىمەن نەعىپ وتىر؟ ونىڭ قاسىندا قاراپايىم قوعام بەلسەندىسى، 2-توپ مۇگەدەگى، 2-اۋىلدىڭ تۇرعىنى مۇقانبەتقالي وركەنباي شىبىن داۋىسى شىرىلداپ، بار شىندىقتى جايىپ سالىپ تىلشىگە سۇحبات بەردى. جالپى، بيلىك حالىقتى مەنسىنبەيدى ەكەن. زارداپتارى سول حالىقتان بولماسىنا كىم كەپىل؟ حالىق وسى ماسەلەنىڭ تەزىرەك شەشىلگەنىن قالايدى؟

تۇرار شاپقارا 

Abai.kz

 

4 پىكىر