ۇلتتىق اكادەميالىق كىتاپحانادا لاتىن ارپىمەن جارىق كورەتىن «Til-Qazyna» رەسپۋبليكالىق اقپاراتتىق-تانىمدىق گازەتىنىڭ تۇساۋكەسەرى ءوتتى، - دەپ حابارلايدى اباي-اقپارات "ەگەمەن قازاقستان" باسىلىمىنا سىلتەمە جاساپ.

ەلباسى ن.Ə.نازارباەۆتىڭ 19 اقپانداعى №637 جارلىعىندا بەكىتىلگەن لاتىننەگىزدى قازاق ءالىپبيىن ءناسيحاتتايتىن جانە جاڭا الىپبيگە قاتىستى اقپاراتپەن، تانىمدىق ماتەريالدارمەن بولىسەتىن جاڭا الىپبيدە جارىق كورىپ وتىرعان تۇڭعىش باسىلىم – «Til-Qazyna» رەسپۋبليكالىق اقپاراتتىق-تانىمدىق گازەتى ايىنا ەكى رەت شىعادى.

شاراعا مادەنيەت جانە سپورت ءمينيسترى ارىستانبەك مۇحامەديۇلى ارنايى قاتىسىپ، گازەت ۇجىمىن جانە ونىڭ شىعۋىنا ۇيىتقى بولىپ وتىرعان ءتىل ساياساتى كوميتەتى مەن شايسۇلتان شاياحمەتوۆ اتىنداعى «Til-Qazyna» ۇلتتىق عىلىمي-پراكتيكالىق ورتالىعىنا العىسىن ايتىپ، قۇتتىقتادى. سونىمەن قاتار گازەتتىڭ الداعى ۋاقىتتاعى باعىتى تالقىلانىپ، بۇگىنگى قوعامنىڭ كۇن تارتىبىندە تۇرعان ەملە ماسەلەلەرى جايىندا ۇسىنىس-پىكىرلەر تىڭدالدى. گازەت تانىستىرىلىمى بارىسىندا وتكەن عاسىردا لاتىن الىپبيىندە جارىق كورگەن قازاق باسىلىمدارىنىڭ تاريحىنا شولۋ جاسالىپ، لاتىن گرافيكاسىنداعى قازاق ءتىلى الىپبيىنە كوشۋ كەزەڭدەرىندە جۇرگىزىلىپ جاتقان جۇمىستار بارىسى پىسىقتالدى.

شاراعا پارلامەنت ءماجىلىسىنىڭ دەپۋتاتتارى، مىرزاتاي جولداسبەكوۆ، تولەن Əبدىك باستاعان قالامگەر، زيالى قاۋىم وكىلدەرى، مينيسترلىك قىزمەتكەرلەرى، ءتىلتانۋشى عالىمدار جانە باق وكىلدەرى قاتىستى.

جازۋشى سۇلتان ورازالين «ەگەمەن قازاقستان» گازەتىندە كۇندەلىكتى لاتىن الىپبيىمەن شىعاتىن باعاندى وقىپ، جاتتىعىپ قالعانىن دا تىلگە تيەك ەتتى. ەندەشە «Til-Qazyna» گازەتىن دە قالىڭ وقىرمان جاتىرقاماي قابىلدايدى دەپ سەنەمىز.

ۇلاربەك نۇرعالىمۇلى 

Abai.kz