- بۇل ماسەلەگە ەرەكشە كوڭىل ءبولىپ وتىرمىز. حالىقارالىق ۇيىمداردىڭ شەڭبەرىندە بۇل ماسەلەنى كوتەرۋگە ەشقانداي قۇقىعىمىز جوق. ويتكەنى بۇل - قىتايدىڭ ىشكى ماسەلەسى. ءبىز ولاردىڭ ىشكى احاۋالىنا ارالاسۋعا قۇقىعىمىز جوق. بىراق سىرتقى ىستەر مينيسترلىگى بۇل وتە كۇردەلى ماسەلەگە ەرەكشە نازار اۋدارىپ وتىر، - دەدى مينيستر.

ءابدراحمانوۆ قىتايداعى ساياسي-تاربيە لاگەرلەرىندەگى قازاقتار ماسەلەسىن شەشۋ جايىندا جاقىندا تاعايىندالعان قىتايدىڭ قازاقستانداعى جاڭا ەلشىسىمەن تالقىلايتىنىن ايتتى.

قىتايداعى ەتنيكالىق ازشىلىققا قىسىم كورسەتىلىپ جاتقانى سوڭعى ءبىر جارىم جىل كولەمىندە ءجيى ايتىلا باستادى. از ۇلتتار وكىلدەرى بالالارىنىڭ قۇقىعى دا حالىقارالىق ۇيىمداردىڭ نازارىنا ىلىگىپ، الاڭداۋشىلىق تۋدىرعان. قاراشانىڭ 6-سى كۇنى جەنەۆادا بۇۇ كەڭەسىندە قىتايداعى ادام قۇقىعى ماسەلەسىن تالقىلادى. اقش، كانادا، گەرمانيا، فرانتسيا قىتايدان شىڭجاڭدا قامالعانداردى بوساتۋدى تالاپ ەتتى.

Abai.kz