دۇيسەنبى, 28 قاراشا 2022
ساڭلاق 4355 0 پىكىر 25 قاراشا, 2018 ساعات 10:22

قازاقستاندىق ءۇش بوكسشى نوكاۋتپەن جەڭىسكە جەتتى

دانيار ەلەۋسىنوۆ (5-0, 3 كو)

سەنبىدەن جەكسەنبىگە قاراعان تۇندە قازاقستاندىق ءۇش كاسىپقوي بوكسشى شارشى الاڭعا شىقتى.

مونتە-كارلودا (موناكو) وتكەن بوكس كەشىندە دانيار ەلەۋسىنوۆ (4-0, 2 كو) نيكاراگۋالىق ماركوس موحيكانى (16-2-2, 12 كو) جەڭىپ، كاسىپقوي بوكستاعى بەسىنشى جەڭىسىنە قول جەتكىزدى.

سەگىز راۋندقا جوسپارلانعان جەكپە-جەك مەرزىمىنەن بۇرىن اياقتالدى. ەكىنشى، ءۇشىنشى راۋندتاردا نوكداۋن العان ماركوس موحيكا قازاقستاندىقتىڭ قارقىنىنا شىداس بەرە المادى. ءۇشىنشى راۋندتا نوكاۋت تىركەلدى.

اۋەسقوي بوكستا تولاعاي تابىسقا جەتىپ، وليمپيدا چەمپيونى (2016 جىل) اتانعان دانيار ەلەۋسىنوۆ بيىلدان باستاپ كاسىپقوي بوكستا باعىن سىناپ ءجۇر. العاشقى جەكپە-جەگىن اقپان ايىندا، ەكىنشى، ءۇشىنشى كەزدەسۋىن ماۋسىم جانە تامىز ايلارىندا وتكىزىپ، بارىندە جەڭىسكە جەتتى. العاشقى جەكپە-جەگى اقش ەلىندە، سوڭعى ەكەۋى ۇلىبريتانيا جەرىندە ءوتتى.

ال 20 قازان كۇنى بوستونداعى (اقش) TD Garden ارەناسىندا وتكەن ءتورتىنشى كەزدەسۋىندە امەريكالىق بوكسشى مەتت دوەرتيدى (8-6-1, 4 كو) بىرىنشى راۋندتا-اق تەحنيكالىق نوكاۋتپەن جەڭگەن بولاتىن.

ال كانادانىڭ كۆەبەك پروۆينتسياسىندا وتكەن بوكس كەشىندە ءالى جەڭىلىپ كورمەگەن قازاقستاندىق ەكى بوكسشى ونەر كورسەتتى.

ءبىزدىڭ بوكسشىلاردىڭ ەكەۋىنىڭ دە قارسىلاسى مەكسيكا ەلىنىڭ سپورتشىلارى بولدى.

نۇرزات سابىروۆ (8-0, 7 KO)

سۋپەر ورتا سالماقتاعى نۇرزات سابىروۆ (7-0, 6 كو) 36 جاستاعى اسا تاجىريبەلى بوكسشى روككي مونتويامەن (32-2-0, 22 KO) جۇدىرىقتاستى. 8 راۋندقا جوسپارلانعان جەكپە-جەك ەكىنشى راۋندتا قازاقستاندىقتىق جەڭىسىمەن اياقتالدى.

ايتا كەتەرلىگى، مونتويا كاسىپقوي بوكستاعى العاشقى قادامىن 1997 جىلى جاساعان. سودان بەرى 32 مارتە جەڭىسكە جەتىپ (22 نوكاۋت), ەكى-اق مارتە جەڭىلگەن. بۇگىن ءۇشىنشى جەڭىلىسىنە ۇشىراپ وتىر. 24 جاستاعى سابىروۆ كاسىپقوي بوكسقا قارسىلاسىنان تۋرا ون جىل كەش كەلگەن.

سادريددين احمەدوۆ (5-0, 5 كو)

ال ءبىرىنشى ورتا سالماق دارەجەسىندە ونەر كورسەتەتىن سادريددين احمەدوۆ (4-0, 4 كو) 27 جاستاعى جوزە فرانسيسكو زۋنيگامەن (14-11-2, 5 KO) كەزدەستى. جەكپە-جەك 6 راۋندقا جوسپارانعانىمەن، ەكىنشى راۋندتا احمەتوۆتىڭ جەڭىسىمەن اياقتالدى. بۇل 20 جاستاعى قازاقستاندىق بوكسشىنىڭ كاسىپقوي بوكستاعى بەسىنشى جەڭىسى.

قۋانىش قاپپاس

Abai.kz

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1501
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1582
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1749