سەيسەنبى, 23 شىلدە 2024
3292 1 پىكىر 29 قاراشا, 2018 ساعات 11:24

تۇركىستان اكىمى «رۋحاني جاڭعىرۋ» باعدارلاماسىنىڭ جۇزەگە اسىرىلۋى جايلى باياندادى

بۇگىن تۇركىستان وبلىسنىڭ اكىمى قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن جۇزەگە اسىرۋ جونىندەگى ۇلتتىق كوميسسيا وتىرىسىندا «رۋحاني جاڭعىرۋ» باعدارلاماسىنىڭ جۇزەگە اسىرىلۋى جونىندە بايانداما جاسادى. ءوز سوزىندە جانسەيىت تۇيمەباەۆ تۇركىستان وبلىسى اۋماعىندا ۇلتتىق قۇندىلىقتاردى جاڭعىرتۋ باعىتىندا اتقارىلعان جۇمىستارعا توقتالدى. ايماقتىڭ وزىندىك پوتەنتسيالىنا ساي، قولعا الىنعان جوبالارمەن تانىستىردى.

 ءبىزدىڭ ءوڭىر – ات باپتاپ، اتا ءداستۇردى ساباقتاستىرۋعا قولايلى مەكەن.قازىر ايماقتىڭ ەرەكشەلىگىنە ساي، ات باپتاۋ سالتىنىڭ سالتانات قۇرعانىن جەتكىزدى. بۇل كەشەگى ەلباسى ماقالاسىندا ايتىلعان نەگىزگى ويدىڭ ءبىر پاراسى.

جانسەيىت تۇيمەباەۆ – تۇركىستان وبلىسىنىڭ اكىمى

«ۇلت تاريحىنداعى كەڭىستىك پەن ۋاقىت» تاراۋىندا «ءبىزدىڭ جەرىمىز ماتەريالدىق مادەنيەتتىڭ كوپتەگەن دۇنيەلەرىنىڭ پايدا بولعان ورنى» ەكەنىن ايتا كەلە، اتقا ءمىنۋ مادەنيەتى مەن جىلقى مالىنىڭ قازاقتىڭ ومىرىندە ەرەكشە ورىن الاتىنىنا توقتالعان. تۇركىستان وبلىسىندا جىلقى شارۋاشىلىعى، ۇلتتىق ات سپورتى، اتقا ءمىنۋ مادەنيەتى جوعارى دەڭگەيدە دامىعان. بۇگىندە وبلىسىمىزدا 300 مىڭداي جىلقى بار.

بيىل بايدىبەك اۋدانىندا وتكەن «قىمىزمۇرىندىق» – ەجەلگى ءداستۇردى جاڭاشىلدىقپەن جالعاستىرۋ شاراسى. ساۋمال، قۇنان قىمىز، تۇنەمەل قىمىز، حان قىمىز، قولونەر بۇيىمدارى بويىنشا بايقاۋلار، سايگۇلىكتەر جارىسى جۇزەگە استى،-دەدى اكىم. سونداي-اق، قىزعالداقتىڭ وتانى – تۇلكىباستا وتكەن قىزعالداق فەستيۆالى دە ايماقتىڭ تۋريستىك الەۋەتىن ناسيحاتتاۋعا مۇمكىندىك بەردى.

جانسەيىت تۇيمەباەۆ – تۇركىستان وبلىسىنىڭ اكىمى

بۇگىندە تۇركىستان وبلىسى رەسپۋبليكا بويىنشا الما وسىرۋدەن ءبىرىنشى ورىندا.  بيىل 116 مىڭ توننا جەمىس-جيدەك جينالسا، سونىڭ 92 مىڭ تونناسى – الما. وبلىستا وسىرىلگەن الما ەلىمىزدەن بولەك شەتەلدەرگە دە ەكسپورتتالۋدا. الداعى ۋاقىتتا الما باقتارىن كوبەيتۋ، ونى تەرەڭ وڭدەۋ باعىتىندا جۇمىستار اتقارىلماق.

قازاقستاندى تۇركى الەمىنىڭ التىن بەسىگى رەتىندە دامىتۋ ماسەلەسىن قوزعاپ، بىرقاتار تىڭ باستامالار كوتەردى. سونىڭ ىشىندە، ءبىزدىڭ وبلىستا تۇركىستاندى تۇركى الەمىنىڭ مادەني جانە رۋحاني ورتالىعىنا اينالدىرۋ باعىتىندا ناقتى جۇمىستار قولعا الىنىپ وتىر. الداعى ۋاقىتتا حالىقارالىق تۇركى اكادەمياسىنىڭ فيليالى بوي كوتەرمەك. وسىعان وراي، ايماق باسشىسى اكادەميانىڭ شتاب-پاتەرىن تۇركىستانعا كوشىرۋ جونىندە ۇسىنىسىن ايتتى.

Abai.kz

1 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2168
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195